នាថ្ងៃទី១ ខែមេសានេះ យន្តហោះមួយគ្រឿងប្រភេទIL-76ដែលជាយន្តហោះរបស់កងទ័ពរំដោះប្រជាជនចិនដែល បានដឹកជញ្ជូនសម្ភារៈប្រយុទ្ធប្រឆាំងនឹងជម្ងឺវីរុសCOVID-19 ដែលជាជំនួយលើកទី២ជូនចំពោះភាគីកម្ពុជា ត្រូវបានចុះចតយ៉ាងជោគជ័យក្នុងអាកាសយានដ្ឋានរាជធានីភ្នំពេញ។ នេះបើយោងតាមការបង្ហោះនៅលើផេកហ្វេសបុករបស់ស្ថានទូតចិននៅថ្ងៃទី ១ មេសា នេះ។
លោក Li Jingfeng អនុព័ន្ធយោធានៃស្ថានទូតចិនប្រចាំកម្ពុជា និងឯកឧត្តម នាយឧត្តមសេនីយ៍ ស៊ុំ សំណាង អគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុ នៃក្រសួងការពារជាតិកម្ពុជា បានអញ្ជើញចូលរួមស្វាគមន៍ និងព្រមទាំងបានរៀបចំពិធីប្រគល់ និងទទួលសម្ភារៈក្នុងអាកាសយានយន្តផងដែរ។