[wai id="6"]
[wai id="7"]
ការរីករាលដាលសកលនៃជំងឺ COVID-19កំពុងធ្វើឲ្យប៉ះពាល់ដល់ប្រព័ន្ធសុខភាពនៅទូទាំងពិភពលោក ។ តម្រូវការកើនឡើងយ៉ាងឆាប់រហ័សលើមន្ទីរពេទ្យព្យាបាលអ្នកជំងឺ និងគ្រូពេទ្យថែទាំងសុខភាព នឹងគំរាមកំហែង ធ្វើឲ្យប្រព័ន្ធសុខភាពមួយចំនួន ហួសដែនកំណត់ និងមិនអាចប្រតិបត្តិការប្រកបដោយប្រសិទ្ធិភាព។នេះបើយោងតាមការចុះផ្សាយរបស់WHO កាលពីថ្ងៃទី៣០ ខែមីនា ឆ្នាំ២០២០កន្លងទៅនេះ ។
ការរីករាលដាលលើកមុន បានបង្ហាញថា ពេលដែលប្រព័ន្ធសុខភាពច្រើនហួសហេតុពេក អត្រាស្លាប់ពីលក្ខខណ្ឌ ដែលអាចបង្ការបានដោយវ៉ាក់សាំង និងលក្ខខណ្ឌអាចព្យាបាលបានផ្សេងទៀត នឹងអាចកើនឡើង យ៉ាងច្រើន ផងដែរ។
អំឡុងការរីករាលឆ្លងនៃជំងឺ Ebolaក្នុងឆ្នាំ២០១៤-២០១៥ ចំនួនកើនឡើងនៃករណីស្លាប់ បណ្តាលមកពីជំងឺ កញ្ជ្រិល គ្រុនចាញ់ ហ៊ីវ/អេដស៍ និងជំងឺរបេង បានធ្វើឲ្យមានដំណើរខកខាននៃប្រព័ន្ធសុខភាព ធ្វើឲ្យករណីស្លាប់ ដោយសារតែជំងឺ Ebola កាន់តែច្រើនឡើង។
ពាណិជ្ជកម្ម
លោក Tedros Adhanom Ghebreyesus ដែលជាប្រធានអង្គការសុខភាពពិភពលោក WHOបានធ្វើការសង្កាត់ ធ្ងន់ថា ការបង្ការល្អបំផុតប្រឆាំងនឹងការរីករាលដាលឆ្លងនៃជំងឺណាមួយ គឺប្រព័ន្ធសុខភាពខ្លាំង។ ជំងឺ COVID-19 បានបញ្ជាក់យ៉ាងច្បាស់ពីភាពផុយស្រួយនៃប្រព័ន្ធសុខភាពពិភពលោក និងសេវាកម្មព្យាបាល បង្ខំឲ្យប្រទេសនៅ លើពិភពលោក ពិបាកសម្រេចចិត្តលើជម្រើសល្អបំផុត ដើម្បីអាចឈានដល់តម្រូវការពលរដ្ឋរបស់ពួកគេ។
ដើម្បីជួយប្រទេសឆ្លងកាត់ការលំបាកទាំងអស់នេះ អង្គការសុខភាពពិភពលោក WHOបានធ្វើបច្ចុប្បន្នភាពសេចក្តីណែនាំផែនការប្រតិបត្តិ ធ្វើឲ្យមានតុល្យភាពលើតម្រូវការឆ្លើយតបដោយផ្ទាល់ជាមួយនឹងជំងឺ COVID-19 ស្របពេលដែលរក្សាឲ្យបានការចែកចាយសេវាកម្មសុខភាពចាំបាច់ ហើយនិងកាត់បន្ថយហានិភ័យបង្កឡើងដោយសារតែការបាក់ស្រុតនៃប្រព័ន្ធសុខភាព។
វារួមទាំងការកំណត់វិធានការបន្ទាន់ដែលប្រទេសនៅលើសកលលោក គួរតែពិចារណាក្នុងកម្រិតថ្នាក់ជាតិ ថ្នាក់តំបន់ និងថ្នាក់ស្រុក ដើម្បីរក្សាឲ្យបានការចូលដល់សេវាកម្មសុខភាពចាំបាច់សម្រាប់អ្នកជំងឺ។
ប្រទេសទាំងអស់ គួរតែណែនាំសេវាកម្មចាំបាច់ដែលជាអាទិភាពនៅក្នុងកិច្ចខិតខំរបស់ពួកគេ ក្នុងការរក្សាឲ្យបាននិរន្តភាពនៃការចែកចាយសេវាកម្ម និងផ្លាស់ប្តួរយុទ្ធសាស្ត្រ ដើម្បីធានាឲ្យបានធនធាន សម្រាប់ពលរដ្ឋរបស់ខ្លួន។ ពួកគេត្រូវការអនុវត្តន៍ផងដែរ នូវស្តង់ដារខ្ពស់បំផុត ពិសេសការអនុវត្តន៍អនាម័យ និងការផ្តល់គ្រឿងបរិក្ខារវេជ្ជសាស្ត្រគ្រប់គ្រាន់ ដែលរួមទាំងសម្ភារកាពារខ្លួនផងដែរ។
អង្គការ WHO តម្រូវឲ្យមានផងដែរ វិធានការសម្របសម្រួលរវាងរដ្ឋាភិបាល និងមន្ទីរសុខាភិបាល ហើយនិងក្រុមអ្នកគ្របគ្រងរបស់ពួកគេ។
ដោយឡែក សេវាកម្មចាំបាច់ជាច្រើនទៀតរួមមាន ការចាក់វ៉ាក់សាំងបង្កាឲ្យបានទៀងទាត់ សេវាសុខភាពបន្តពូជ ដែលរួមទាំងការថែទាំ អំឡុងពេលមានផ្ទៃពោះ និងសម្រាលកូន ការថែទាំទារក និងមនុស្សវ័យចំណាស់ ការគ្រប់គ្រងសុខភាពផ្លូវចិត្ត ក៏ដូចជាជំងឺមិនឆ្លង និងជំងឺឆ្លង ដូចជាជំងឺអេដស៍ ជំងឺគ្រុនចាញ់ និងជំងឺរបេង ការព្យាបាលអ្នកជំងឺធ្ងន់ធ្ងរ និងការគ្រប់គ្រងសុខភាពបន្ទាន់ជាដើម៕
[wai id="5"]