[wai id="6"]
[wai id="7"]
ខ្មោចមនុស្ស ត្រូវបានគេទុកចោលរហូតដល់ស្អុយរលួយនៅតាមដងផ្លូវ ក្នុងប្រទេសអេក្វាឌ័រ ស្របពេលដែល ប្រទេសមួយនេះ ជួបការលំបាកខ្លាំង ក្នុងការដោះស្រាយចំនួនមនុស្សស្លាប់កើនឡើងដោយសារជំងឺ COVID-19 ។
ខ្មោចមនុស្សយ៉ាងហោច១៥០នាក់ ត្រូវបានគេទុកចោលនៅតាមដងផ្លូវ ឬក្នុងផ្ទះសាច់ញាតិ ស្ថិតក្នុងទីក្រុងក្វាយ៉ាគ្វីល ស្របពេលដែលជំងឺដ៏កាចសាហាវមួយនេះ បានវាយលុកខ្លាំងទីក្រុងកំពង់ផែមួយនេះ។
ខ្មោចមនុស្សទាំងអស់នេះ ត្រូវបានគេទុកចោលនៅតាមផ្លូវ ដោយសង្ឃឹមថា ក្រុមអាជ្ញាធរនឹងមកយកចេញ ប៉ុន្តែការយកសាកសពចេញនេះ ត្រូវការចំណាយពេលរហូតដល់៣ថ្ងៃ ដោយសារតែគ្មានក្តារមឈូស និងជួបឧបសគ្គ ពេលដាក់បំរាមគោចរណ៍។
ក្រុមអ្នកស្រុក បានបង្ខំចិត្តប្រើប្រាស់ប្រអប់ក្រដាសកាតុងជាក្តារមឈូស ស្របពេលដែលករណីស្លាប់ផ្លូវការនៅក្នុង ប្រទេសអេក្វាឌ័រ កើនឡើងដល់១៨០នាក់ និងករណីឆ្លង៣.៦០០នាក់។
អនុប្រធានាធិបតីអេក្វាឌ័រ លោក Otto Sonnenholzner បាននិយាយសុំទោស ក្រោយអ្នកស្រុកបង្ហោះវីដេអូ ស្តីពីសាកសពនៅតាមព័ត៌មានសង្គម។
ពាណិជ្ជកម្ម
ក្រុមអាជ្ញាធរ បានដើរប្រមូលសាកសពមនុស្សយ៉ាងហោច១៥០នាក់ នៅដើមសប្តាហ៍នេះ ប៉ុន្តែពួកគេ មិនបានបញ្ជាក់ពីចំនួនមនុស្សស្លាប់ ដែលជាជនរងគ្រោះដោយសារតែការរីករាលដាលឆ្លងនៃជំងឺ COVID-19 នោះឡើយ ។
លោក Sonnenholzer ដែលដឹកនាំការឆ្លើយតបនឹងការរីករាលដាលជំងឺ COVID-19នៅប្រទេសអេក្វាឌ័រ បាននិយាយនៅក្នុងសេចក្តីថ្លែងការណ៍ថា ពួកយើងបានមើលឃើញរូបភាពទាំងអស់នេះ ដែលវាមិនគួរកើតឡើងទាល់តែសោះ ហើយក្នុងនាមជាលោកជាអ្នកអ្នកបម្រើអ្នករាល់គ្នា ឲ្យលោកសុំទោស។
ក្រុមអាជ្ញាធរ ទទួលបានការបរិច្ចាគប្រអប់ក្រដាសកាតុងចំនួន១ពាន់កេស ពីក្រុមហ៊ុនផលិតក្នុងស្រុក និងបានប្រើប្រាស់វាសម្រាប់វេចខ្ចប់សាកសពទាំងនេះ យកទៅបញ្ចុះនៅទីស្មសានក្នុងស្រុក២កន្លែង។
អ្នកនាំពាក្យសាលាក្រុង បាននិយាយថា វាគឺជាកេសដែលពួកគេអាចឈានដល់តម្រូវការបាន។ គ្មានក្តារមឈូសនោះទេ ម្យ៉ាងទៀតវាពិតជាមានតម្លៃថ្លៃខ្លាំងណាស់។
លោក Santiago Olivares ដែលជាអ្នកគ្រប់គ្រងអាជីវកម្មរៀបចំបុណ្យសព បាននិយាយថា ក្រុមហ៊ុនរបស់លោក មិនអាចឈានដល់តម្រូវការក្តារមឈូសបានទេ។
លោកបាននិយាយថា លោកបានលក់អស់ក្តារមឈូសចំនួន៤០ ដែលលោកមាននៅសាខាខាងក្រោម ហើយនិងក្តារមឈូស៤០ទៀតនៅក្នុងហាងរបស់លោក។ លោកបានបញ្ជាទិញក្តារមឈូសចំនួន១០បន្ថែមទៀត ប៉ុន្តែវាលក់អស់ទៅហើយ។
លោក Olivares បាននិយាយទៀតថា បំរាមគោចរណ៍រយៈពេល១៥ម៉ោង នៅក្នុងទីក្រុងមួយនេះ បានធ្វើឲ្យជួបកង្វះខាតវត្ថុធាតុដើមសម្រាប់ការធ្វើក្តារមឈូស ដូចជាឈើ និងដែកជាដើម។
សូមបញ្ជាក់ថា ប្រទេសអេក្វាឌ័រ បានរាយការណ៍ករណីឆ្លងចំនួន៣.៦៤៦នាក់នៃជំងឺ COVID-19 រួមទាំងអ្នកស្លាប់១៨០នាក់ កាលពីថ្ងៃអាទិត្យ ដែលភាគច្រើននៃអ្នកឆ្លងកើតមាននៅក្នុងទីក្រុង ហ្គាយ៉ាគ្វីល និងនៅក្នុងខេត្តក្វាយ៉ាស់ ៕
[wai id="5"]