រដ្ឋបាលរាជធានីភ្នំពេញ នាល្ងាចថ្ងៃទី២៥ ខែឧសភា បានចេញសេចក្ដីជូនដំណឹង ស្ដីពីការជំរុញការបង់ថ្លៃសេវាប្រមូលសំរាម និងសំណល់រឹង នៅរាជធានីភ្នំពេញ ក្នុងដំណាក់កាលអន្តរកាល។ នៅក្នុងសេចក្ដីជូនដំណឹងនោះ រដ្ឋបាលរាជធានីភ្នំពេញ បានបញ្ជាក់ថា ប្រជាពលរដ្ឋភាគច្រើន បានបង់ថ្លៃសេវាប្រមូលសំរាម និងសំណល់រឹងរួចហើយ ប៉ុន្តែនៅមានប្រជាពលរដ្ឋមួយចំនួនទៀត មិនទាន់បានបំពេញកតព្វកិច្ចនេះនៅឡើយ។
រដ្ឋបាលរាជធានីភ្នំពេញ បានបន្ថែមថា អ្នកដែលពុំទាន់បង់ថ្លៃសេវាប្រមូលសំរាម និងសំណល់រឹង សូមរួសរាន់ទៅបង់ឲ្យទាន់ពេលវេលា បើពុំដូច្នេះទេ រដ្ឋបាលរាជធានី នឹងអនុវត្តវិធានការមួយចំនួន ដូចខាងក្រោម៖
១. បញ្ចេញបញ្ជីឈ្មោះអ្នកមិនទាន់បង់ថ្លៃសេវាប្រមូលសំរាម និងសំណល់រឹង ជាសាធារណៈ តាមបណ្ដាញសង្គម ឬតាមប្រព័ន្ធផ្សព្វផ្សាយនានា
២. កត់ត្រាជាបំណុល ហើយអនុវត្តវិធានការរដ្ឋបាល ដោយបិទអាជីវកម្ម ឬសេវាកម្មជាបណ្ដោះអាសន្ន
៣. អនុវត្តវិធានការផ្សេងៗទៀត តាមការចាំបាច់។
[wai id="5"]
