គម្រោងសាងសង់ព្រលានយន្ដហោះអន្តរជាតិភ្នំពេញថ្មី ដែលស្ថិតនៅក្នុងទឹកដីខេត្តកណ្តាល និងខេត្តតាកែវ បច្ចុប្បន្ន កំពុងតែបន្តសកម្មភាពសាងសង់យ៉ាសកម្មជាមួយនឹងការសម្រេចបានលទ្ធផលប្រមាណ៣០ភាគរយ។ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធាន គណៈកម្មការរៀបចំទីតាំងគម្រោង សាងសង់អាកាសយានដ្ឋានអន្តរជាតិភ្នំពេញថ្មី ដោយរួមដំណើរដោយ អគ្គនាយកក្រុមហ៊ុន OCIC ពុង ឃាវសែ ដែលជាអ្នកវិនិយោគនៅក្នុងគម្រោងនេះ បានអញ្ជើញចុះពិនិត្យវឌ្ឍនភាព នៃការសាងសង់អាកាសយានដ្ឋាន អន្តរជាតិភ្នំពេញថ្មី ដែលមានទីតាំងស្ថិតនៅក្រុងតាខ្មៅ និងស្រុកកណ្ដាលស្ទឹង ខេត្តកណ្ដាល និងស្រុកបាទី ខេត្តតាកែវ ។
ព្រលានយន្តហោះអន្តរជាតិលំដាប់ថ្នាក់ ៤F នេះ ត្រូវបានសាងសង់លើទំហំផ្ទៃដីប្រមាណ ២៦០០ហិកតា ដែលវិនិយោគទុនដោយក្រុមហ៊ុន «ខេមបូឌា អ៊ែរផត អ៊ិនវេសមិន» ត្រូវចំណាយទុនវិនិយោគរហូតដល់ទៅ ១៥០០លានដុល្លារអាមេរិក។ ក្នុងនោះទឹកប្រាក់ ១១០០លានដុល្លារ ជាកម្ចីពីធនាគារបរទេស និង ២៨០លាន ដុល្លារជារបស់ក្រុម OCIC របស់ឧកញ៉ា ពុង ខៀវសែ។
ដើម្បីសាងសង់ព្រលានយន្តហោះភ្នំពេញថ្មីនេះ រាជរដ្ឋាភិបាល និងក្រុមហ៊ុន OCIC របស់អ្នកឧកញ៉ា ពង់ ឃាវសែ ត្រូវបង្កើតក្រុមហ៊ុនថ្មីមួយ ដែលមានឈ្មោះថា «ក្រុមហ៊ុន ខេមបូឌា អ៊ែរផត អ៉ិនវេសមិន ឬ Cambodia Airport Investment» ដែលរាជរដ្ឋាភិបាល កាន់កាប់ភាគហ៊ុន១០ភាគរយ និងក្រុមហ៊ុនរបស់ឧកញ៉ា ពង់ ឃាវសែ កាន់កាប់ភាគហ៊ុន៩០ភាគរយ ដោយវិនិយោគទឹកប្រាក់ចំនួន១,៥០០លានដុល្លារអាមេរិក ក្នុងនោះទឹក ប្រាក់ ១,១០០លានដុល្លារ ជាកម្ចីពីធនាគារបរទេស និង២៨០លានដុល្លារជារបស់ក្រុម OCIC និង២៨០លានដុល្លារ ទៀត ជាដើមទុនចុះបញ្ជី៕
[wai id="5"]