[wai id="8"]
[wai id="7"]
កាលពីពេលកន្លងទៅថ្មីៗនេះ ប្រមុខរដ្ឋាភិបាលមានប្រសាសន៍ ដំណាក់កាលដំបូង កម្ពុជា គ្រោងទិញវ៉ាក់សាំងការពារជំងឺកូវីដ-១៩ ចំនួន១លានដូស សម្រាប់ផ្តល់ដល់មនុស្សប្រមាណ៥០ម៉ឺននាក់។ ប៉ុន្តែ រដ្ឋាភិបាលកម្ពុជា មិនទាន់សម្រេចចិត្តនៅ ឡើយទេ ថានឹងទិញវ៉ាក់សាំងនេះពីប្រទេសណា។
ប្រមុខរដ្ឋាភិបាល ប៉ាន់ប្រមាណថា មនុស្សទាំងអស់ខាងលើនេះ មានចំនួនប្រហែល៤០ម៉ឺននាក់ ដែលត្រូវទទួលបានវ៉ាក់សាំង ការពារជំងឺកូវីដ-១៩។ ប្រមុខរដ្ឋាភិបាល បន្តថា នៅសល់មនុស្សចំនួន១០ម៉ឺននាក់ផ្សេងទៀត ដែលត្រូវទទួលបានវ៉ាក់សាំង ការពារជំងឺកូវីដ-១៩ គឺជាការសម្រេចរបស់ក្រសួងសុខាភិបាល។ ក្រសួងសុខាភិបាល នឹងសម្រេចថា ក្នុងចំណោមនុស្ស ប្រមាណ១០ម៉ឺននាក់នោះ ដែលនាយករដ្ឋមន្ត្រីមិនបានរៀបរាប់ខាងលើ អ្នកណាខ្លះ នឹងត្រូវទទួលបានវ៉ាក់សាំង ការពារជំងឺ កូវីក-១៩។
ពាណិជ្ជកម្ម
គួរបញ្ជាក់ដែរថា គ្រាន់តែសម្តេចនាយករដ្ឋមន្ត្រី ហ៊ុន សែន ចាប់ផ្តើមប្រកាសលើទំព័រហ្វេសប៊ុក នៅម៉ោងប្រមាណ៦កន្លះយប់ ថ្ងៃទី៧ ខែធ្នូ ឆ្នាំ២០២០ ពីការត្រៀមទិញវ៉ាក់សាំងការពារជំងឺកូវីដ-១៩ សប្បុរសជននានា ជាពិសេសអ្នកមានទ្រព្យ បានចេញមុខបន្តបន្ទាប់គ្នា ស្ម័គ្រចិត្តបរិច្ចាគថវិកាដល់ខ្ទង់លានដុល្លារក្នុងម្នាក់ៗ ជូនទៅរដ្ឋាភិបាល ជាមួយគ្នានោះប្រជា ពលរដ្ឋធម្មតាទូទៅបានរួបរួមគ្នាយ៉ាងសកម្មក្នុងការបរិច្ចាគថវិការ ។
គិតមកដល់ពេលនេះទឹកប្រាក់ប្រមាណ៣០លានដុល្លារអាមេរិកហើយ ដែលទទួលបានពីការបរិច្ចាគរបស់ ប្រជាពលរដ្ឋខ្មែរ ទូទៅ និងក្រុមឧកញ៉ានៅក្នុងប្រទេសកម្ពុជា។ ជាការកត់សម្គាល់ ការប្រមូលបានថវិកាប្រមាណជាង ៣០លានដុល្លារនេះ គឺទទួលបាន បន្ទាប់ពីសម្តេចតេជោ ហ៊ុន សែន ទើបតែប្រកាសកាលពីល្ងាចថ្ងៃចន្ទម្សិលមិញ ពីការទិញវ៉ាក់សាំងការពារកូវីដ ១៩។
នាថ្ងៃទី០៨ ខែធ្នូនេះ សម្តេចនាយករដ្ឋមន្ត្រីហ៊ុន សែន បានលើកឡើងថា ស្មារតីសាមគ្គីភាព វប្បធម៍នៃការចែករំលែកក្នុង ការប្រយុទ្ធប្រឆាំង ជាមួយកូវីដ១៩ក្នុងចំណោម ប្រជាជនកម្ពុជា មានធំធេងមហាសាល ដែលបានក្លាយជាខឿនការពារ សុខភាពរបស់ប្រជាជនដ៍រឹងមាំ៕
