[wai id="8"]
[wai id="7"]
សម្តេចតេជោនាយករដ្ឋមន្ត្រី ហ៊ុន សែន ឱ្យដឹងថា ការសងថ្ងៃឈប់សម្រាកបុណ្យចូលឆ្នាំចំនួន៥ថ្ងៃ អាចនឹងធ្វើឡើងនៅចុងខែកក្កដា ឬដើមខែសីហា ខាងមុខនេះ ពោលបើសិនជាកិច្ចប្រជុំបានឯកភាពគ្នាហើយ គឺសម្តេចនឹងចេញអនុក្រឹត្យតែម្តង។ ការឈប់សម្រាកនេះ គឺ១សប្តាហ៍តែម្តង ដោយរួមបញ្ចូលថ្ងៃសៅរ៍ និងអាទិត្យ។
ពាណិជ្ជកម្ម
សម្ដេចតេជោមានប្រសាសន៍ថា ដោយសារបញ្ហាជំងឺកូវីដ១៩ បានវាយលុកពាសពេញសកលលោក រួមនឹងប្រទេសយើងផងដែរទើបរាជរដ្ឋាភិបាលសម្រេច លើកពេលថ្ងៃឈប់សម្រាក បុណ្យចូលឆ្នាំខ្មែរ ប្រពៃណីជាតិ ដើម្បីបញ្ជៀសនូវការជួបជុំ ដែលអាចបង្កឆ្លងរីករាលដាល នូវជំងឺកូវីដ១៩ មកដល់ប្រជាពលរដ្ឋ ។ រហូតមក ទល់ពេល គឺជាពេលសមល្មម ដែលត្រូវសងតាមការសន្យាជូនចំពោះប្រជាជនទូទាំងប្រទេស ជាពិសេមន្ត្រីរាជការ និងកម្មករតាមរោងចក្រនានាផងដែរ ដើម្បីបានឈប់សម្រាក ។
សម្ដេចតេជោ ហ៊ុន សែន បានឱ្យឯកឧត្ដម អិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ធ្វើការងារនៅក្នុង បញ្ហានេះ ហើយឯកឧត្ដម ប៊ិន ឈិន ឧបនាយករដ្ឋមន្ត្រីប្រចាំការ និង ជារដ្ឋមន្ត្រីទទួលបន្ទុកទីស្តីការ គណៈរដ្ឋមន្ត្រីរៀប ចំកំណត់ ។ ដោយនៅក្នុងនោះការសងថ្ងៃឈប់អាចធ្វើនៅអំឡុងខែកក្កដា ឬ ដើមខែសីហា នេះ ៕
[wai id="5"]
