[wai id="8"]
[wai id="7"]
យោងតាមសេចក្តីប្រកាសព័ត៌មានរបស់គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាឱ្យដឹងថា គម្រោងស្ថាបនាផ្លូវ ៣៤ខ្សែនៅខេត្តព្រះសីហនុ គិតត្រឹមថ្ងៃទី១៧ ខែកក្កដានេះ បានសម្រេចដូចជា
-ចាក់បេតុងបាន ៩៩,៩២%
-ដាក់លូបាន ១០០%
-រៀបកម្រាលថ្មក្រានីតបាន ៤,៤៨%
-ដាំបង្គោលភ្លើងបំភ្លឺផ្លូវសាធារណៈបាន ២៣,៨៩%
-និងបំពាក់អំពូលភ្លើងដែលប្រើបច្ចេកវិទ្យាវៃឆ្លាតបាន ១០,៤៥% នៃបង្គោលភ្លើងដែលបានដាំរួច។
លើសពីនេះទៀត គម្រោងក៏បាននិងកំពុងរៀបចំឆ្នេរសមុទ្រឡើងវិញនិងសាងសង់អាងប្រព្រឹត្តកម្មទឹកកខ្វក់ចំនួន២ទីតាំង ដែលទី១នៅក្បែរសណ្ឋាគារ Sunshine Bay ដែលមានសមត្ថភាពច្រោះទឹក៥២០០ម៉ែត្រគូបក្នុងមួយថ្ងៃសម្រេចបាន២០% និងទី២នៅក្បែរសណ្ឋាគារសុខា មានសមត្ថភាពច្រោះ៧២០០ម៉ែត្រគូបក្នុងមួយថ្ងៃ សម្រេចបាន១០ %។
ពាណិជ្ជកម្ម
ជាមួយគ្នានោះគម្រោងនឹងធ្វើការអ៊ុតកម្រាលកៅស៊ូ រៀបចំគំនូសសញ្ញានិងភ្លើងចរាចរណ៍ និងបំពាក់កាមេរ៉ាសុវត្តិភាព ព្រមទាំងសាងសង់ចំណតរថយន្តនិងបន្ទប់ទឹកសាធារណៈនៅតាមបណ្តោយឆ្នេរសមុទ្រផងដែរ។
គម្រោងស្ថាបនាហេដ្ឋារចនាសម្ព័ន្ធផ្លូវក្រុងចំនួន ៣៤ខ្សែ នៅខេត្តព្រះសីហនុ ជាគម្រោងរបស់រាជរដ្ឋាភិបាល ដែលអនុវត្តដោយគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា និងត្រូវបានធ្វើពិធីបើកការដ្ឋាន ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី១៦ ខែវិច្ឆិកា ឆ្នាំ២០១៩ ។
គម្រោងនេះ នឹងចូលរួមអនុវត្តផែនការរៀបចំដែនដីខេត្តព្រះសីហនុ ចក្ខុវិស័យឆ្នាំ២០៣០ ដែលត្រូវបានដាក់ឱ្យប្រើប្រាស់ ដោយអនុក្រឹត្យលេខ៨១ អនក្រ.បក ចុះថ្ងៃទី១៣ ខែមិថុនា ឆ្នាំ២០១៨ ក្នុងគោលបំណងធ្វើឱ្យខេត្តព្រះសីហនុក្លាយ ទៅជាប៉ូលអភិវឌ្ឍជាតិប្រកបដោយចីរភាព តាមរយៈការអភិវឌ្ឍទីក្រុងទំនើប និងការរៀបចំជាតំបន់សេដ្ឋកិច្ចពិសេស គំរូពហុបំណង មជ្ឈមណ្ឌលកំណើនជាតិ មជ្ឈមណ្ឌលភស្តុភារកម្មជាតិ និងជាមជ្ឈមណ្ឌលឧស្សាហកម្មបច្ចេកវិទ្យាទំនើប៕
[wai id="5"]
