[wai id="8"]
[wai id="7"]
បន្ទាប់ពីមានការរីករាលដាលនៃការឆ្លងនៃវីរុសកូវីដ១៩ មានបណ្តាលប្រទេសជាច្រើនលើសកលលោកបានចេញវិធានការ បិទប្រទេស និងរឹតត្បិតដើម្បីប្រយុទ្ធប្រឆាំងនឹងការឆ្លងរាតត្បាត COVID-19 បានធ្វើឱ្យសេដ្ឋកិច្ចសកល លោក ច្រួលច្របល់ យ៉ាងខ្លាំងហួសពីការស្មាន លើកលែងប្រទេសមួយចេញនោះគឺចិន។
ចិនដែលជាមហាអំណាចសេដ្ឋកិច្ចលេខ ២ លើលោក បន្ទាប់ពីសហរដ្ឋអាមេរិកដែលបានការធ្លាក់ចុះ កំណើន សេដ្ឋកិច្ចយ៉ាង គំហុក ក្នុងត្រីមាសដំបូងនៃឆ្នាំ២០២០នេះ។ ប៉ុន្តែទិន្នន័យថ្មីមួយ ចេញផ្សាយនៅថ្មីៗនេះបាន បង្ហាញថា សេដ្ឋកិច្ចចិនមាន កំណើន ៣.២ភាគរយ នៅក្នុងត្រីមាស ទី ២ រាប់ចាប់ពីខែមេសាដល់ខែមិថុនា ហើយដែលនេះបាន ធ្វើឱ្យចិន កា្លយជាប្រទេស ដំបូងបំផុត ដែលមានកំណើន សេដ្ឋកិច្ចអំឡុងវិបត្តិ COVID-19 កំពុងក្តៅគគុក។
បើតាមតួលេខផ្លូវការរបស់ប្រទេសចិនល្អប្រសើរជាង ១,៣ ភាគរយនៃកំណើនរយៈពេលដូចគ្នាដែលធ្វើការស្ទង់មតិដោយសារព័ត៌មាន AFP ទោះជាស្ថិតក្នុងចំណោមអត្រាទាបបំផុតក្នុងកំណត់ត្រា។
ពាណិជ្ជកម្ម
តួលេខការិយាល័យជាតិស្ថិតិបង្ហាញថា សេដ្ឋកិច្ចធ្លាក់ចុះ ១,៦ ភាគរយក្នុងរយៈពេលដូចគ្នាក្នុងឆមាសដំបូង ខណៈដែលអត្រាគ្មានការងារធ្វើនៅទីប្រជុំជនថយដល់ ៥,៧ ភាគរយក្នុងខែមិថុនាពីអត្រា ៥,៩ ភាគរយក្នុងខែឧសភា។
គួររម្លឹកដែរថា បើតាមរបាយការណ៍ពី អង្គការមូលនិធិរូបិយវត្ថុអន្តរជាតិ ហៅកាត់ថា IMF នោះបានព្យាករណ៍ថា សេដ្ឋកិច្ចប្រទេសកំពុងអភិវឌ្ឍន៍ អាចនឹងធ្លាក់ចុះ ៣% នៅក្នុងឆ្នាំ ២០២០នេះ លើកលែងតែប្រទេសចិនមានទំនុកចិត្ត ក្នុងការរក្សាកំណើន ១% សម្រាប់ឆ្នាំនេះ។
យ៉ាងណាក៏ដោយ ការព្យាករនេះ គឺបង្ហាញថា សេដ្ឋកិច្ចចិនល្អប្រសើរជាងសេដ្ឋកិច្ចរបស់ បណ្តាប្រទេសជឿនលឿន ដូចជាសេដ្ឋកិច្ចអាមេរិកអាចនឹងធ្លាក់ចុះ ៨% ហើយសេដ្ឋកិច្ចតំបន់ប៉ែកអឺរ៉ុបនឹងធ្លាក់ចុះ ១០% ក្នុងឆ្នាំ ២០២០នេះដែរ៕
wai id="5"]
