[wai id="8"]
[wai id="7"]
ខ្នងផ្សារកំពុងជាទីចាប់អារម្មណ៍ពីសំណាក់ភ្ញៀវទេសចរជាតិ ដោយសារភាពទាក់ទាញពោរពេញដោយធម្មជាតិខៀវស្រងាត់ ព្រៃឈើក្រាស់ ជ្រលងភ្នំខ្ពស់ៗ វាលស្រល់ដ៏ស្រស់ស្អាត សម្បូរទៅដោយសត្វព្រៃកម្រជាច្រើនប្រភេទ និង ខ្យល់អាកាសល្អ បរិសុទ្ធថែមទៀត ។ ខ្នងផ្សារ ជាតំបន់ព្រៃភ្នំដ៏ធំមួយដែលស្ថិតនៅក្នុងភូមិតាំងបំពង តំបន់រលាក់កងជើង ឃុំតាសាល ស្រុកឱរ៉ាល់ ខេត្តកំពង់ស្ពឺ ។
ថ្មីៗនេះលោក វ៉ី សំណាង អភិបាលខេត្តកំពង់ស្ពឺ បានអះអាងថា ខេត្តកំពុងសិក្សាដើម្បីធ្វើផ្លូវមួយសមរម្យ សម្រាប់បង្កលក្ខណៈ ងាយស្រួល ដល់ភ្ញៀវទេសចរ។ ថ្លែងក្នុងសន្និសីទសារព័ត៌មាន នៅកាលពីថ្ងៃទី២០ ខែកក្កដា ឆ្នាំ២០២០របស់អង្គភាពអ្នក នាំពាក្យរាជ រដ្ឋាភិបាល ។
លោក វ៉ី សំណាង បានថ្លែងយ៉ាងដូច្នេះថា «សម្រាប់អាជ្ញាធរ គឺមានគំនិតក្នុងការជួយជ្រោមជ្រែង ដែលយើងកំពុងតែសិក្សាធ្វើ យ៉ាងណា យើងធ្វើផ្លូវទៅកាន់ទីនោះ (ភ្នំខ្នងផ្សារ) ល្អប្រសើរ»។
ក្រៅពីគិតគូរដល់បញ្ហាផ្លូវសម្រាប់ធ្វើដំណើរឡើងទៅនោះ អភិបាលខេត្តកំពង់ស្ពឺ ក៏ប្រាប់អំពីផែនការធ្វើបន្ទប់ទឹក ឬបង្គន់អនាម័យ ដើម្បីបង្កលក្ខណៈងាយស្រួលដល់ភ្ញៀវទេសចប្រើប្រាស់ផងដែរ។ ពោលរហូតមកដល់ពេលនេះ រម្មណីយដ្ឋាន «ភ្នំខ្នងផ្សារ» មិនទាន់មានបន្ទប់ទឹក ឬបង្គន់អនាម័យនៅឡើយទេ ដែលនេះក៏ជាកង្វល់មួយសម្រាប់ភ្ញៀវទេសចរ ដែលទៅបោះតងសម្រាកនៅលើនោះផងដែរ។
ពាណិជ្ជកម្ម
គួរបញ្ជាក់ដែរថាបន្ថែមពីនេះទៀត លោកបានអះអាងថា វិនិយោគិនហុងកុងមួយក្រុមគ្រោងចូលរួមវិនិយោគ និងរៀបចំឱ្យមានទីក្រុង រណបថ្មីមួយនៅកម្ពុជា ដោយជ្រើសយកខេត្តកំពង់ស្ពឺធ្វើជាទីតាំងវិនិយោគ ខណៈដែលខេត្តមួយនេះ មានសក្តានុពលសេដ្ឋកិច្ច និងមានរោងចក្រសហគ្រាសច្រើនចូលទៅវិនិយោគនៅក្នុងខេត្តមួយនេះ៕
[wai id="5"]