[wai id="8"]
[wai id="7"]
សាលាបណ្ឌិតយោធា West Point នៅសហរដ្ឋអាមេរិក គឺសាលាមួយដ៏ល្បីល្បាញបំផុតនឹងជាប់ចំណាត់ថ្នាក់លេខ១ នៅក្នុង ការហ្វឹកហាត់ជំនាញពិសេសនៅផ្នែកយោធា ហើយមិនងាយមានអ្នកបានចូលសាលានេះឡើយដោយសារតែ បេក្ខជនត្រូវឆ្លង កាត់ការប្រឡងច្រើនដំណាក់កាលទាំងផ្នែកកាយសម្បទាផ្លូវចិត្ត និងអក្សរសាស្ត្រផ្សេងៗជាច្រើនទៀត ។
ថ្មីៗនេះ អ្នកនាង មៀច សិទ្ធិការ្យ ជេស្សីការ្យ ដែលជាស្ត្រីដំបូងបំផុតដែលមានឈាមជ័រជា កម្ពុជាដែលបានបញ្ចប់ការសិក្សា ដោយជោគជ័យនៅសាលាបណ្ឌិតយោធាអាមេរិក ដែលមានឈ្មោះថា West Point ជាសាលាលំដាប់ស្តង់ដាថ្នាក់ខ្ពស់របស់ ពិភពលោក។
កញ្ញា មៀច សិទ្ធិការ្យ ជេស្សីការ្យ បានព្យាយាមខិតខំរៀនសូត្រដោយលោតឆ័ត្រយោង ថ្មើរជើង និងជំនាញយោធាជាច្រើនផ្សេង ទៀត តែទោះជាលំបាកយ៉ាងណាក៏ដោយ កញ្ញានៅតែតស៊ូរហូតទទួលបានជោគជ័យ ដោយកញ្ញាបានគិតថា មិនមានអ្វីដែល យើងមិនអាចធ្វើបាននោះទេ បើយើងប្រឹងប្រែងទោះបីមានបរាជ័យពីមុនក៏ដោយ។
ក្រោយពេលបញ្ចប់ការសិក្សា កញ្ញាបានធ្វើការជានាយការិយាល័យប្រឆាំងភេរវកម្មនៅកងពល៧០ និងជានាយិការសាលាហ្វឹក ហ្វឺនក្នុងកងពល។ កាងារនេះពាក់ព័ន្ធនឹងការហ្វឹកហ្វឺននាយទាហាននិងពលទាហាន ខាងវិស័យយោធា និងកំរិតវប្បធម៌។
ពាណិជ្ជកម្ម
ក្តីស្រមៃរបស់កញ្ញា មៀច សិទ្ធិការ្យ ជេស្សីការ្យ ដែលជាកូនស្រីទោលក្នុងចំណោមបងប្អូន ៣នាក់ គឺចង់បន្តការសិក្សានៅក្រៅ ប្រទេស នៅសាលាដែលមានការលំបាកក្នុងការប្រឡងចូល។
អាស្រ័យដោយការព្យាយាមខិតខំរៀនសូត្រជាពិសេសផ្នែកចំណេះដឹងទូទៅនិងភាសាអង់គ្លេស និងការផ្តាច់ជ្ញាចិត្តដ៏មុតមាំនោះ កញ្ញាបានជាប់អាហារូបករណ៍នៅសាលាបណ្ឌិតយោធា West Point នៅសហរដ្ឋអាមេរិក ដែលជាសាលាយោធាដ៏ល្បី។ កញ្ញាបានបន្តការសិក្សាយកអនុបណ្ឌិតច្បាប់អន្តរជាតិមួយបន្ថែមទៀតពីសាលា Essex ប្រទេសអង់គ្លេសនៅឆ្នាំ ២០១៣។
កញ្ញាបានឲ្យដឹងថា ការសិក្សានៅទីនោះ ពិតជាលំបាកណាស់ ព្រោះជាសាលាទាហានតម្រូវឲ្យមានវិន័យយោធា និងហាត់ទាហានក្នុងពេលរៀនមុខ [...]។នេះបើយោងតាមប្រភពពីទូរទស្សន៍ជាតិកម្ពុជា ទទក - TVK ។
កញ្ញាបានឲ្យដឹងថា ការងារនេះដំបូងពិតជាពិបាកខ្លាំងណាស់ ព្រោះពលទាហាន និងនាយទាហានពិបាកនឹងទទួលនាងជា នាយិការសាលាហ្វឹកហ្វឺនរិស័យយោធា។ ប៉ុន្តែក្រោយពេលដែលធ្វើការជាមួយគ្នាមួយរយៈ ទើបពួកគាត់ទទួលស្គាល់ថា កញ្ញាមានសមត្ថភាព និងជំនាញខាងទាហានដូចពួកគាត់ដែរ។ បច្ចុប្បន្ន កញ្ញាធ្វើការសម្របសម្រួលការងារអន្តរជាតិរបស់ យោធាក្នុងនាយកដ្ឋានទាក់ទងអន្តរជាតិក្រសួងការពារជាតិ។ កញ្ញាសង្ឃឹមថា ការងារនេះនឹងផ្តល់កេរ្តិ៍ឈ្មោះដល់ប្រទេសជាតិ តាមរយៈទំនាក់ទំនងអន្តរជាតិយោធា៕
[wai id="5"]