[wai id="7"]
សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានសម្រេចបង្កើត ក្រុមការងារអន្តរក្រសួង ដើម្បីចុះសិក្សាស្រាវជ្រាវ លើករណីការកាប់រាន ទន្ទ្រានកាន់កាប់ ដីព្រៃខុសច្បាប់ ក្នុងតំបន់ការពារធម្មជាតិ ខេត្តមណ្ឌលគិរី។
សេចក្ដីសម្រេចរបស់សម្ដេច ស ខេង ចេញនៅចុះថ្ងៃទី២២ ខែកក្កដា បានឲ្យដឹងថា ក្រុមការងារអន្តរក្រសួងនេះ មានសមាសភាពចូលរួមមកពីក្រសួងមហាផ្ទៃ ក្រសួងបរិស្ថាន ក្រសួងកសិកម្ម រុក្ខាប្រមាញ់ និង នេសាទ និង ក្រសួងរៀបចំដែនដី នគរូបនីយកម្ម និងសំណង់។ លោក អង មង្គល រដ្ឋលេខាធិការក្រសួងមហាផ្ទៃ ត្រូវបានតែងតាំងជាប្រធាននៃក្រុមក្រុមការងារអន្តរក្រសួងនេះ ហើយលោក នេត្រ ភក្ត្រា រដ្ឋលេខាធិការបរិស្ថាន ជាអនុប្រធាន រួមជាមូយសមាជិក១១នាក់ទៀត។
[wai id="5"]