[wai id="8"]
[wai id="7"]
រដ្ឋាភិបាលកម្ពុជាសម្រេចផ្អាកជើងហោះហើរពីប្រទេសម៉ាឡេស៊ី និង ឥណ្ឌូនេស៊ី ចូលមកកម្ពុជាមួយរយៈចាប់ពីថ្ងៃទី១ ខែសីហា ដើម្បីទប់ស្កាត់ការរីករាលដាលនៃជំងឺកូវីដ១៩។
ក្នុងសេចក្តីប្រកាសព័ត៌មានរបស់ក្រសួងសុខាភិបាលចុះផ្សាយកាលពីថ្ងៃ២៥ ខែកក្កដា ថាចាប់ ពីថ្ងៃទី២០ ខែមិថុនា ឆ្នាំ២០២០ ដល់ថ្ងៃទី២៥ ខែកក្កដា ក្រសួងសង្កេតឃើញថាអ្នកដំណើរ តាមជើងហោះហើរមកពីប្រទេសម៉ាឡេស៊ី និងឥណ្ឌូនេស៊ី មួយចំនួនឆ្លងជំងឺកូវីដ១៩ កើនឡើង គួរឲ្យកត់សម្គាល់ ដោយចំនួនអ្នកវិជ្ជមាននៃវីរុសកូវីដ១៩ មាន១០៨នាក់ ក្នុងនោះភាគច្រើន តាមជើងហោះហើរពីប្រទេសម៉ាឡេស៊ី (៥៥នាក់ លើ១០៨នាក់) និងឥណ្ឌូនេស៊ី លើអ្នកដំណើរ សរុបចំនួន ២៣៥៦៧នាក់។
ពាណិជ្ជកម្ម
សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានពន្យល់ថា នាពេលថ្មីៗនេះកម្ពុជាមាន អ្នកជំងឺកូវីដ-១៩ចំនួនច្រើន គឺជាអ្នកដំណើរមកពីប្រទេស ម៉ាឡេស៊ី-ឥណ្ឌូនេស៊ី ទើបធ្វើឲ្យកម្ពុជា សម្រេចផ្អាកជើងហោះហើរមកពីប្រទេសទាំងពីរជាបណ្ដោះអាសន្ន។
សម្ដេចតេជោ ហ៊ុន សែន បានសរសេរនៅលើបណ្ដាញសង្គមហ្វេសប៊ុក នៅព្រឹកថ្ងៃទី២៦ ខែកក្កដា ឆ្នាំ២០២០ ថា «ថ្មីៗនេះយើងបានឃើញចំនួនអ្នកមានមេរោគកូវីដ-១៩ ចំនួនច្រើន គឺជាអ្នកធ្វើដំណើរ តាមជើងយន្តហោះមកពីប្រទេសម៉ាឡេស៊ី និងឥណ្ឌូនេស៊ី ដូច្នេះហើយពេលនេះកម្ពុជាយើង បានសម្រេចផ្អាកជើងហោះហើរមកពីប្រទេសទាំងពីរនេះ ជាបណ្តោះអាសន្នសិន»។
សម្ដេចតេជោ អំពាវនាវឲ្យប្រជាពលរដ្ឋប្រុងប្រយ័ត្នខ្ពស់ជាប់ជានិច្ច កុំមើលស្រាលជំងឺកូវីដ-១៩ឲ្យសោះ ព្រោះជំងឺរលាកផ្លូវដង្ហើមនេះ គឺជាជំងឺឆ្លងរាតត្បាតដ៏កាចសហាវបំផុត ហើយពុំទាន់មានថ្នាំព្យាបាល នៅឡើយទេ។
សម្ដេចតេជោបន្ដថា អ្វីដែលពលរដ្ឋទាំងអស់គ្នាអាចធ្វើបានងាយៗគឺ ឧស្សាហ៍ដុសលាងសម្អាត ដៃជាមួយសាប៊ូ ចឹលសម្លាប់មេរោគ ឬទឹកអាល់កុល ហើយប្រើប្រាស់ម៉ាសឲ្យបានជាប្រចាំ។គ្រប់ទីកន្លែងទាំងអស់ត្រូវអនុវត្តតាមការណែនាំរបស់ ក្រសួងសុខាភិបាល ឲ្យបានដាច់ខាត៕
[wai id="5"]
