[wai id="8"]
[wai id="7"]
នៅក្នុងសន្និសីទកាសែតស្តីពី «លទ្ធផលបញ្ចប់នៃកិច្ចចរចាបង្កើតកិច្ចព្រមព្រៀងពាណិជ្ជកម្មសេរីកម្ពុជា ចិន FTA» ដែលរៀបចំដោយអង្គភាពអ្នកនាំពាក្យរដ្ឋាភិបាល លោក សុខ សុភ័ក្ត្រ រដ្ឋលេខាធិការក្រសួងពាណិជ្ជកម្ម និងជាប្រធានក្រុមចរចាពាណិជ្ជកម្មសេរី កម្ពុជា-ចិន បានលើកឡើងថា ក្រៅពីចិន កម្ពុជាមានមហិច្ឆតាចង់ចរចាពាណិជ្ជកម្មសេរីជាមួយប្រទេសមួយចំនួនទៀត ដូចជាកូរ៉េខាងត្បូង ជប៉ុន ឥណ្ឌា អូស្រាលី និងនូវែលហ្សេឡង់ជាដើម។
ពាណិជ្ជកម្ម
លោករដ្ឋលេខាធិការ បានបញ្ជាក់ថា រហូតដល់ពេលនេះ ការចរចាលើការធ្វើកិច្ចព្រមព្រៀងពាណិជ្ជកម្មសេរីរវាងកម្ពុជា-ចិន បានបញ្ចប់ហើយ ដោយភាគីទាំងពីរ បានយកពង្រៀងកិច្ចព្រមព្រៀងនេះ បញ្ជូនឱ្យរដ្ឋាភិបាលប្រទេសទាំង ពីរពិនិត្យទៅ វិញទៅមក។ បន្ទាប់ពីពិនិត្យហើយនោះ ភាគីទាំងពីរនឹងរងចាំពេលវេលាសមស្របមួយ ដើម្បីចុះហត្ថលេខា ហើយបន្ទាប់ពីនោះ នឹងរៀបចំជាច្បាប់តាមនីតិវិធី ដើម្បីដាក់ឱ្យអនុវត្ត។
លោកបញ្ជាក់ថា៖ «(ក្រោយចុះហត្ថលេខា) យើងនឹងយកឯកសារហ្នឹងមកឆ្លងគណៈរដ្ឋមន្ត្រី រដ្ឋសភា ព្រឹទ្ធសភា បានដាក់ចេញជាច្បាប់ ហើយយើងនឹងបញ្ជូនលិខិតូបករណ៍ ស្តីពីការផ្តល់សច្ចាប័ននេះទៅចិន ធ្វើយ៉ាងណាឱ្យគោលដៅរបស់យើងអាច អនុវត្តកិច្ចព្រមព្រៀងបាននៅខែមករា ឆ្នាំ២០២១»។
លោកបានបន្តទៀតថាកម្ពុជានឹងទទួល បានផលប្រយោជន៍ច្រើនជាងប្រទេសចិន ពីការបង្កើតកិច្ចព្រមព្រៀង ពាណិជ្ជកម្មសេរីទ្វេភាគី កម្ពុជា-ចិន FTA ។
ក្នុងឱកាសសន្និសីទសារព័ត៌មានស្ដីពី លទ្ធផលបញ្ចប់ នៃកិច្ចចរចាបង្កើតកិច្ចព្រមព្រៀង ពាណិជ្ជកម្មសេរីកម្ពុជា-ចិន FTA នៅថ្ងៃទី២៨ កក្កដា លោក រដ្ឋលេខាធិការមានប្រសាសន៍ថា កម្ពុជាបានបើកផ្សារ ដែលអាចនាំចូលទំនិញ ៣៤០មុខ ទៅចិនដែលមុខទំនិញទាំងអស់នោះ ត្រូវបានចុះពន្ធទៅ ០% ភ្លាមៗប្រហែលជា ៩៥% មានដូចជា ផលិតផលកសិកម្ម និងផលិតផលសម្រេចហើយនៅសល់ ៥% ទៀត នឹងចុះពន្ធជាបន្តបន្ទាប់ក្នុងរយៈពេលពី ១០-២០ឆ្នាំ ទើបដល់ ០% ។
លោកបន្តថា ការនាំចូលរបស់កម្ពុជាទៅចិន មានល្បឿនប្រហែលជា ២០-២៥% ហើយក្នុងឆ្នាំ២០១៩កន្លងទៅ ដោយនាំចេញ ទៅចិនកើនឡើងដល់ ១ពាន់លានដុល្លារ និង នាំចូលពីចិនជិត ៧ពាន់លានដុល្លារ ហើយល្បឿននៃការនាំចេញ នាំចូល គឺកម្ពុជាលឿនជាងចិន ។
ក្រៅពីប្រទេសចិន និងកូរ៉េខាងត្បូង ប្រទេសកម្ពុជា ក៏គ្រោងនឹងធ្វើការចរចាយកកិច្ចព្រមព្រៀងពាណិជ្ជកម្មសេរីជាមួយប្រទេស ផ្សេងៗទៀត តួយ៉ាងប្រទេសអង់គ្លេស, អាមេរិក, ជប៉ុន, ម៉ុងហ្គោលី, ឥណ្ឌា និងសហភាពសេដ្ឋកិច្ចអឺរ៉ាស៊ាន (EAEU)។ សហភាពសេដ្ឋកិច្ចអឺរ៉ាស៊ាន (EAEU) មានសមាជិកចំនួន៥ គឺប្រទេសអាមេនី, បេឡារុស, កាហ្សាក់ស្ថាន, កៀហ្ស៊ីស៊ីស្ថាន និងសហព័ន្ធរុស្ស៊ី។ ត្រង់ចំណុចនេះ ក្រសួងពាណិជ្ជកម្មបានបង្កើតក្រុមការងារ ដើម្បីរៀបចំគោលនយោបាយ និងយុទ្ធសាស្ត្រចរចាជាមួយប្រទេសគោលដៅទាំងអស់នេះរួចរាល់អស់ហើយដែរ។
គួររម្លឹកដែរថា កាលពីឆ្នាំ២០១៩ កម្ពុជានាំចេញទៅចិន មានទំហំទឹកប្រាក់ជាង ១០០០លានដុល្លារ ខណៈចិននាំចូលមកកម្ពុជាវិញ ជាង៦០០០លានដុល្លារ។ ទំនិញដែលកម្ពុជា នាំទៅទីផ្សារចិន ភាគច្រើន ជាប្រភេទផលិតផលកសិកម្ម ឯចិននាំមកកម្ពុជា ភាគច្រើនជាសម្ភារបច្ចេកទេស គ្រឿងបន្លាស់ និងគ្រឿងចក្រធំ៕
[wai id="5"]
