[wai id="8"]
[wai id="7"]
គម្រោងនៃការសាងសង់ផ្សារទំនើប អ៊ីអន ៣ (AEON Mall 3) ដែលមានទីតាំងស្ថិតនៅមហាវិថីសម្ដេចតេជោ ហ៊ុន សែន ឬតំបន់ដី ៦០ ម៉ែត្រ ក្នុងតំបន់អភិវឌ្ឍទីក្រុងរណប ING City ដែលមាន លើផ្ទៃដីជាង១៨ ហិកតា និងគ្រោងទុនចំណាយដល់ទៅ ៣០០ លានដុល្លារអាមេរិក ។
ក្រុមហ៊ុនផ្សារទំនើប AEON របស់ជប៉ុន បានបង្ហាញពីមហិច្ឆតារបស់ខ្លួន ទាក់ទងនឹងវត្តមានរបស់ផ្សារទំនើប AEON 3 ដែលកំពុងសាងសង់នៅកម្ពុជា ថានឹងចាប់យកចំណែកទីផ្សារដ៏ធំសម្បើមនៅកម្ពុជា ដើម្បីចូលរួមជំរុញគោលដៅប្រាក់ចំណូល របស់ក្រុមហ៊ុន ដែលរំពឹងថា នឹងកើនដល់១ពាន់លានដុល្លារអាមេរិក នៅត្រឹមឆ្នាំ២០២៥ខាងមុខ។ នេះបើតាមការចុះផ្សាយដោយសារព័ត៌មានជប៉ុនsoutheastasiaglobe ។
ពាណិជ្ជកម្ម
បច្ចុប្បន្ននេះ តំបន់ស្ថិតនៅតាមបណ្តោយមហាវិថីសម្តេចតេជោ ឬហៅថា ផ្លូវ ៦០ ម៉ែត្រ កំពុងក្លាយជាតំបន់មានសក្តានុពលខ្ពស់ដែលបានឆក់ស្រូបនូវការវិនិយោគធំៗពីសំណាក់អ្នកវិនិយោគិនក្នុងស្រុក និងបរទេស ។ ដូច្នេះហើយអ្នកជំនាញមើលឃើញថាតំបន់នេះ នឹងក្លាយជាមជ្ឈមណ្ឌលពាណិជ្ជកម្ម និងលំនៅដ្ឋានដ៏រស់រវើកមួយនារយៈពេល ៥ ឆ្នាំខាងមុខ ដោយបច្ចុប្បន្នតំបន់នេះមានផ្សារទំនើបលំដាប់អន្តរជាតិជាច្រើន រួមទាំងសំណង់លំនៅឋានប្រណីតៗ អគារពាណិជ្ជកម្ម ផ្សារទំនើប សូនកម្សាន្ត ក៏សាលាខ្នាតអន្តរជាតិ កំពុងដំណើរការសាងសង់ជាបន្តបន្ទាប់ ។
គម្រោងផ្សារទំនើបអ៊ីអនម៉លទី ៣នៅកម្ពុជា បានក្លាយជាគម្រោងធំមួយ នៅក្នុងផែនការយុទ្ធសាស្ត្រពង្រីកសក្តានុពលនៅក្នុងតំបន់ ហើយវាបានចូលរួមចំណែកដល់ការពង្រីកចំណូលនៅក្រៅប្រទេសរបស់ ក្រុមហ៊ុនជប៉ុនមួយនេះ ដែលគ្រោងនឹងបង្កើនប្រាក់ចំណូលប្រតិបត្តិការរបស់ខ្លួនពី ៥៨០លានដុល្លារអាមេរិក នៅក្នុងឆ្នាំ ២០១៩ ឲ្យកើនដល់ជិត ១ពាន់លានដុល្លារអាមេរិក នៅក្នុងឆ្នាំ ២០២៥ ពោលគឺ ពង្រីកប្រាក់ចំណូលពីអាជីវកម្មក្រៅប្រទេសឲ្យកើនពី ១២% ទៅ ៣៥%។
គួរបញ្ជាក់ដែថា ក្រុមហ៊ុនវិស្វកម្ម ហ៊ីយ៉ាន់ដាយ ត្រូវបានគេអញ្ជើញឱ្យដេញថ្លៃ ហើយទីបំផុតត្រូវបានជ្រើសរើសជា អ្នកម៉ៅការសម្រាប់គម្រោងសាងសង់ផ្សារអ៊ីអនម៉លទី៣ ។ មន្ត្រីក្នុងក្រុមហ៊ុនហ៊ីយ៉ាន់ដាយបាននិយាយថា ក្រុមហ៊ុនវិស្វកម្ម របស់ខ្លួន បានទទួលសិទ្ធលើគម្រោង “ អ៊ីអនម៉ល” ដែលជាផ្សារចែកចាយដ៏ធំជាងគេមួយ របស់ជប៉ុន ជាមជ្ឈមណ្ឌលលក់ ទំនិញជាង ២០០ កន្លែងនៅជុំវិញពិភពលោក។ គម្រោង Aeon Mall 3 នេះគឺដើម្បីសាងសង់មជ្ឈមណ្ឌលលក់ទំនិញកំពស់ ៥ ជាន់និងកន្លែងចតរថយន្តនៅខាងក្រៅ មានទីតាំងក្នុងរាជធានីភ្នំពេញនៃប្រទេសកម្ពុជា។ ជាពិសេសទីតាំងនេះមានទំហំ ១៧០,០០០ ម៉ែត្រការ៉េដែលជាផ្សារធំជាងគេបង្អស់ក្នុងចំណោមផ្សារទំនើបអ៉ីអនទាំង ៣ នៅកម្ពុជា។ រយៈពេលសាងសង់គឺប្រហែល ២៧ ខែ បន្ទាប់ពីចាប់ផ្តើមសាងសង់៕
[wai id="5"]