[wai id="8"]
[wai id="7"]
យោងតាមសេចក្តីជូនដំណឹងរបស់ រដ្ឋបាលខេត្តព្រះសីហនុ បានចេញសេចក្តីអំពាវនាវ សមាគមភ្នាក់ងារដឹក ជញ្ជូនទេសចរណ៍ជនយានខេត្ដព្រះសីហនុ អោយផ្អាកអាជីវកម្ម ដឹកភ្ញៀវទេសចរណ៍តាមផ្លូវទឹកចាប់ពី ថ្ងៃទី០៣ ខែសីហា ឆ្នាំ២០២០ នេះតទៅរហូតដល់មានការជូនដំណឹងជាថ្មី។
ក្នុងសេចក្តីជូនដំណឹងរបស់រដ្ឋបាលខេត្តព្រះសីហនុ បានបញ្ជាក់ថាសូមជម្រាបជូនដំណឹងដល់ឯកឧត្តម លោកជំទាវ លោកឧកញ៉ា លោកលោកស្រី ប្រជាពលរដ្ឋ ជាពិសេសភ្ញៀវទេសចរ និងបងប្អូនប្រជានេសាទទាំងអស់មេត្តាជ្រាបថា៖ ចាប់ពីថ្ងៃទី៣១ ខែកក្កដា ឆ្នាំ២០២០សម្ពាធទាបសកម្មមួយបានកើតឡើងនៅលើសមុទ្រចិនខាងត្បូង ហើយបានវិវត្តទៅជាវិសម្ពាធទាប (Tropical Depression)។ វិសម្ពាធទាបនេះបានបង្កើនឥទ្ធិពលជាបន្តបន្ទាប់ទៅជាព្យុះទី៣ ឈ្មោះ ស៊ីនឡាគូ_(SINLAKU) ហើយបានបោកបក់មកកាន់តំបន់ភ្នំ និងឆ្នេរសមុទ្រកម្ពុជា បណ្តាលឱ្យមានភ្លៀងធ្លាក់ច្រើន និងខ្យល់បក់បោកខ្លាំង។
ពាណិជ្ជកម្ម
ចំពោះស្ថានភាពអាកាសធាតុនៅខេត្តព្រះសីហនុ ចាប់ពីថ្ងៃទី១ ដល់ថ្ងៃទី៥ខែសីហា ឆ្នាំ២០២០ មានភ្លៀងធ្លាក់ច្រើនប្រឈមនឹងជំនន់ទឹកភ្លៀង (Flash Flood) រួមជាមួយខ្យល់បក់បោកខ្លាំង និងរលកសមុទ្រខ្ពស់ៗ ។
[wai id="5"]