[wai id="8"]
[wai id="7"]
ក្រសួងសុខាភិបាលនៅព្រឹកថ្ងៃទី២៤ ខែសីហា ឆ្នាំ២០២០នេះ បានចេញសេចក្តីប្រកាសព័ត៌មានបញ្ជាក់ឲ្យដឹងថា នៅថ្ងៃនេះក្រសួងមិនមានរកឃើញករណីឆ្លងជំងឺកូវីដ១៩ ថ្មីនោះទេ ចំណែកឯអ្នកព្យាបាលជាសះស្បើយក៏គ្មានដែរ ខណៈអ្នកកំពុងសម្រាកព្យាបាលក្នុងមន្ទីរពេទ្យនៅសល់១០នាក់ដដែល។
ដោយឡែកស្ថានភាពនៃថ្ងៃឈប់សម្រាករយៈពេលវែងកន្លងទៅនេះ ដើម្បីសងថ្ងៃឈប់បុណ្យចូលឆ្នាំ ប្រពៃណី ជាតិខ្មែរ គឺពុំមានសញ្ញានៃវីរុសកូវីដ១៩ នៅក្នុងសហគមន៍កម្ពុជាឡើយ។នេះបើតាមការអះអាងរបស់លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល។
ពាណិជ្ជកម្ម
លោកស្រី បន្តថា ការមិនមានសញ្ញាឆ្លងនៃវីរុសកូវីដ១៩ នៅក្នុងសហគមន៍កម្ពុជានោះជារឿងល្អ ប៉ុន្តែទោះជា យ៉ាងនេះក្តីពលរដ្ឋ ត្រូវបន្តការប្រុងប្រយ័ត្នឱ្យបានខ្ពស់ជាប់ជានិច្ច ព្រមទាំងអនុវត្តវិធានការការពារ របស់ក្រសួងសុខាភិបាល ដោយសារតែវីរុសកូវីដ១៩នេះ មិនបានចេញឆ្ងាយពីកម្ពុជានៅឡើយទេ។ តាមការសង្កេតតាមដានពីប្រព័ន្ធសុខាភិបាល នៅតាមបណ្តារាជធានី-ខេត្ត ជាពិសេសនៅតាមរមណីយដ្ឋាន ទេសចរណ៍នានា ក្រសួងសង្កេតឃើញថា មិនទាន់រកឃើញហេតុការណ៍ចម្លងវីរុសកូវីដ១៩ នៅក្នុងសហគមន៍ យើងនៅឡើយទេ៕
[wai id="5"]
