[wai id="8"]
[wai id="7"]
ក្រុមហ៊ុន NagaCorp Ltd ដែលបានចុះបញ្ជីនៅផ្សារហ៊ុនហុងកុង បានប្រកាសគម្រោងចាប់ផ្តើមសាងសង់គម្រោងទី៣ របស់ខ្លួននៅលើទឹកដីអតីតអគារប៊ូលឌីងចាស់ក្នុងរាជធានីភ្នំពេញ ដោយអះអាងថា គម្រោងនេះនឹងទាក់ទាញការវិនិយោគ បន្ថែមទៀតចូលទៅក្នុងទីក្រុង។
ពាណិជ្ជកម្ម
ណាហ្គាថ្មីទី ៣ ជាមួយនឹងទំហំទឹកប្រាក់ ៣,៥ពាន់លានដុល្លារអាមេរិក នឹងលេចចេញជាអាគារ មួយដែល ត្រូវបានកំណត់ថា នឹងក្លាយជាទីតាំងដែលខ្ពស់បំផុត នៅក្នុងទីក្រុង។ ទីតាំងកម្សាន្តមួយនេះ នឹងគ្របដណ្តប់លើផ្ទៃដីទំហំ ៥៤៤.៨០១ម៉ែត្រការ៉េ ស្ថិតនៅជាន់ទី ១៣ ដែលមានដូចជា ទីតាំងកម្សាន្តអាងហែលទឹក ហាងលក់ទំនិញ ភោជនីយដ្ឋានសួនច្បារ នៅខាងក្នុង ទីតាំងប្រជុំដ៏ធំទូលាយ ទីតាំងធ្វើសន្និសីទ និងកន្លែងតាំងពិព័រណ៍នានា។
ទីតាំងលេងល្បែង ដែលមានសមត្ថភាព ក្នុងការដាក់តុល្បែង រហូតដល់ទៅ ៨០០ បន្ថែមទៀត ជាមួយនិងម៉ាស៊ីន ហ្គេមអេឡិចត្រូនិកចំនួន ២៥០០ គឺជាលក្ខណៈពិសេសបន្ថែមមួយ ចំនួន ទៀតរបស់ណាហ្គាទី ៣ ។ ណាហ្គា ៣ ត្រូវបានរចនាឡើង ដោយក្រុមហ៊ុនស្ថាបត្យកម្ម នៅទីក្រុងឈីកាហ្គោ Skidmore, Owings & Merrill LLP (SOM) ខណៈដែលក្រុមហ៊ុនមួយនេះ បានលើកឡើងថាអគារ នេះត្រូវ បានចែកចេញជា ៣។ នៅខាងលើនៃអាគារនេះ ត្រូវបានតភ្ជាប់តាមរយៈទីតាំងកម្សាន្តនានា ជាមួយនឹងទេសភាពដ៏អស្ចារ្យ នៃទីក្រុងនិងដងទន្លេ។
គម្រោងNaga3 គ្រោងនឹងបញ្ចប់នៅឆ្នាំ២០២៥ នឹងពង្រីកបន្ទាប់សរុបរហូតដល់ ៥០០០បន្ទប់ តុល្បែង១៣០០ និងម៉ាស៊ីនហ្គេមអេឡិចត្រូនិច៤.៥០០។ រដ្ឋាភិបាលកម្ពុជាអនុញ្ញាតដល់ការវិនិយោគនេះ ដោយបន្តរយៈពេល១០ឆ្នាំទៀត នូវសិទ្ធិផ្តាច់មុខដល់ក្រុមហ៊ុនNagaCorp នៅភ្នំពេញដល់ឆ្នាំ២០៤៥។ អាជ្ញាប័ណ្ណលេងល្បែងរបស់ខ្លួនដំណើរការដល់ឆ្នាំ ២០៦៥
គួរបញ្ជាក់ឲ្យដឹងផងដែរថា ណាហ្គាវើលដ៍ មានប្រតិបត្តិការអាជីវកម្មជាង ២៥ ឆ្នាំនៅទីក្រុងភ្នំពេញ ដែលបច្ចុប្បន្នគ្របដណ្ដប់ល់ផ្ទៃដីទំហំប្រហែល ៩៣,០០០ ម៉ែត្រការ៉េ និងមានបន្ទប់ដ៏ប្រណីត ប្រមាណជា ១៥០០ បន្ទប់ ។
លើសពីនេះទៅទៀតកន្លែងកម្សាន្តនេះក៏នឹងមានទីតាំងស្ប៉ាដ៏ប្រណីតហាងលក់ទំនិញ ទីតាំងលក់អាហារ និងភេសជ្ជៈចំនួន ១៩ កន្លែងដែលផ្ដល់សេវាកម្មកម្សាន្តដ៏ធំទូលាយ កន្លែងប្រជុំដ៏ល្អប្រណីតជាមួយបរិក្ខារទំនើបៗ ព្រមទាំងកន្លែងធ្វើសន្និបាដ៏ធំបំផុតក្នុងប្រទេស ដែលអាចផ្ទុកប្រតិភូបានជាង ៣,០០០ នាក់ ។
លោក KC Chow បានបន្ថែមឲ្យដឹងទៀតថា៖ «គម្រោងណាហ្គាទី ៣ នឹងក្លាយជាទីតាំងមួយដែល រួមមានកន្លែងលេងល្បែងទីតាំងនានា ដែលបំពាក់ជាមួយ និងគ្រឿងបរិក្ខារ ដែលមិនធ្លាប់មាននៅ ណាហ្គា ១ និង ណាហ្គា ២ សួនច្បារនៅខាងក្នុងអាគារ កន្លែងលក់ទំនិញកន្លែងកម្សាន្តជាលក្ខណៈ គ្រួសារក្នុងចំណោមកន្លែងផ្សេងៗទៀត ដើម្បីផ្តល់បទពិសោធដំណើរទស្សនកិច្ចដ៏អស្ចារ្យ» ៕
[wai id="5"]