[wai id="8"]
[wai id="7"]
ផ្សារណាត់ ឬផ្សារធំថ្មី នៃខេត្តបាត់ដំបងនេះ ត្រូវបានសាងសង់ឡើងក្នុងឆ្នាំ១៩៣៧ ក្នុងរជ្ជកាលហ្លួង ព្រះស៊ីសុវត្ថិមុនីវង្ស កាលពីម្សិលមិញនេះត្រូវបានអគ្គីភ័យលេបត្របាក់ចំនួនអស់ ៥០ តូប ក្នុងចំណោម ៣៣៥តូប អស់ទាំងស្រុង ។
បើតាមអភិបាលខេត្តបាត់ដំបង លោក ងួន រតនៈ ដែលបានដឹកនាំប្រតិបត្តិការពន្លត់អគ្គិភ័យឆាបឆេះផ្សារធំបាន ឲ្យដឹងថា ហេតុការណ៍នេះបានកើតឡើងកាលពីវេលាម៉ោង៦ល្ងាចថ្ងៃទី៣០ ខែសីហា ឆ្នាំ២០២០ ម្សិលមិញ ដោយបំផ្លាញតូប លក់ដូរអស់៥០តូបនិងបំផ្លាញទំនិញនិងសម្ភារប្រើប្រាស់អស់រាប់ម៉ឺនដុល្លារ។
ពាណិជ្ជកម្ម
ក្នុងករណីនេះសមត្ថកិច្ចចម្រុះបានប្រើប្រាស់រថយន្តពន្លត់អគ្គិភ័យចំនួន៧គ្រឿង ក្នុងនោះរថយន្តមកពីស្នងការនគរបាល ខេត្តចំនួន ៣គ្រឿង, ស្រុកសង្កែ១គ្រឿង, ស្រុកថ្មគោល១គ្រឿង, ស្រុកឯកភ្នំ១គ្រឿង និងស្រុកបាណន់ ១គ្រឿង ប្រើប្រាស់ទឹកអស់ចំនួន២៩ រថយន្តទើបភ្លើងរលត់ជាស្ថាពរ។
តាមលោក ងួន រតនៈ បានឱ្យដឹងថាទៀតថា អគ្គិភ័យផ្តើមចេញពីទុស្សេចរន្តអគ្គិសនីនៅតាមតូបលក់ដូរក្នុងផ្សារ។ នេះបើតាមការដកស្រង់ចេញពីហ្វេសប៊ុកផេកខេត្ដបាត់ដំបង។
ជាមួយគ្នានេះ ក្រោយពីឧបទ្ទវហេតុកើតឡើងរួចមក រដ្ឋបាលខេត្តបាត់ដំបង គ្រោងរៀបចំកិច្ចប្រជុំបន្ទាន់នាព្រឹកនេះថា ដើម្បីសិក្សាអំពីអ្វីដែលត្រូវបន្តនិរន្តរ៍ភាពកុំឱ្យមានហេតុការណ៍នេះកើតឡើងបន្តទៅទៀត និងមានការចុះពិនិត្យសិក្សាវាយតម្លៃ ទំហំនៃការខូចខាតបណ្តាលមកពឆេះដោយចរន្តអគ្គីសនី។ ហើយនឹងពិនិត្យលទ្ធភាពដើម្បីធ្វើការជួសជុលនៅផ្នែកដែរឆេះខូច ដែលបណ្តាលមកពីកម្តៅភ្លើងលើតួផ្សារមួយចំនួន និងសិក្សាវាយតម្លៃអំពីគុណភាពសំណង់ ថាតើអាចប្រើប្រាស់បាន ឬត្រូវជួសជុលឡើងវិញផងដែរ។
[wai id="5"]