[wai id="8"]
[wai id="7"]
សំណង់អាគារដ៏ទ្រុឌទ្រាមដែលបានសាងសង់ក្នុងអំឡុងឆ្នាំ១៩៥០ ស្ថិតនៅកាច់ជ្រុងមហាវិថីព្រះមុនីវង្ស និងមហាវិថីកម្ពុជាក្រោម (ទល់មុខអគារពាណិជ្ជកម្មផ្សារទំនើប B.S)បានក្លាយជាកន្លែងងាយនឹងបង្កការ គ្រោះថ្នាក់បំផុតសម្រាប់អ្នករស់នៅទីនោះ រួមទាំងអ្នកដំណើរផងដែរ ។
ពាណិជ្ជកម្ម
កាលពីថ្ងៃទី៣១ ខែសីហា ឆ្នាំ២០២០នេះ រដ្ឋបាលរាជធានីភ្នំពេញបានរៀបចំពិធីសំណេះសំណាល និងផ្សព្វផ្សាយពីស្ថានភាព អគារចាស់ទ្រុឌទ្រោមទល់មុខអតីតអគារពាណិជ្ជកម្ម BS ( អគារអង្គរមានជ័យ ) ស្ថិតនៅកាច់ជ្រុងមហាវិថីព្រះមុនីវង្ស និងមហាវិថីកម្ពុជាក្រោម ភូមិ១ សង្កាត់មនោរម្យ ខណ្ឌ៧មករា រាជធានីភ្នំពេញ ក្រោមអធិបតីភាពឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ។
ដើម្បីចៀសវាងរាល់ហានិភ័យដែលកើតឡើងជាយថាហេតុ រដ្ឋបាលរាជធានីភ្នំពេញបានចេញសេចក្ដីជូនដំណឹង ជូនដល់ បងប្អូនប្រជាពលរដ្ឋដែលរស់នៅក្នុងអគារអង្គរមានជ័យ ដែលជាអគារចាស់ទ្រុឌទ្រោមមួយក្នុងរាជធានីភ្នំពេញម្ដងរួចមកហើយ ក្នុងនាមជាអាណាព្យាបាលតែងតែគិតគូរពីសុខទុក្ខសុខសុវត្ថិភាពរស់នៅរបស់បងប្អូនប្រជាពលរដ្ឋគ្រប់ពេលវេលា គ្រប់ទីកន្លែង។
អភិបាលខរាជធានីភ្នំពេញ លោក ឃួង ស្រេង បានជំរុញឱ្យអាជ្ញាធរខណ្ឌទាំងអស់ត្រូវបង្កើនការយកចិត្តទុកដាក់ឱ្យបានខ្លាំងក្លា ពិសេសត្រូវធ្វើការណែនាំប្រជាពលរដ្ឋ ដែលលក់ដូរនៅក្រោមអគារចាស់ៗ និងអ្នកស្នាក់នៅអគារចាស់ៗនៅក្នុងរាជធានីភ្នំពេញ ឱ្យពួកគាត់ប្រុងប្រយ័ត្ន និងធ្វើកិច្ចសន្យាជាមួយពួកគាត់ជៀសវាង មានហានិភ័យអ្វីកើតឡើង។
គួរបញ្ជាក់ផងដែរថាទីតាំងខាងលើនេះបានបង្កគ្រោះថ្នាក់រួចមកម្តងហើយកាលពីល្ងាច ថ្ងៃទី២៤ខែកក្កដា ឆ្នាំ២០២០ ដោយមានបាក់បំណែកដុំថ្មនៃអាគារធ្លាក់ចុះមកចំរថយន្តរថយន្តម៉ាកព្រូស មួយគ្រឿង ពណ៌ក្រហម ពាក់ស្លាកលេខ2BD.8348មកឈប់នៅក្រោមអគារនេះ ប៉ុន្តែសំណាងល្អពុំបណ្តាលឲ្យមានអ្នកគ្រោះថ្នាក់ឫរបួសនោះទេ ៕
[wai id="5"]
