[wai id="8"]
[wai id="7"]
មន្ទីរសាធារណការ និងដឹកជញ្ជូនរាជធានីភ្នំពេញ នៅថ្ងៃទី ៤ កញ្ញា ២០២០ បានបង្ហាញពីគម្រោងនឹងបើកការដ្ឋានស្ថាបនាមហាវិថីថ្មី ទទឹង ៣០ម៉ែត្រ ស្របប្រឡាយមេខាងជើងរាជធានីភ្នំពេញ ចាប់ពីផ្លូវលេខ ១០០៣ (ផ្លូវបត់ចូលផ្សារទំនើបអេអន ម៉ល សែនសុខ) ដល់មហាវិថី ឈ្នះឈ្នះ ក្នុងខណ្ឌឫស្សីកែវ។
ពាណិជ្ជកម្ម
ដោយឃើញពីកំណើននៃការប្រើប្រាសយានយន្តនិងការកកស្ទះចរាចរសឹងតែគ្រប់ច្រកនៃរាជធានីភ្នំពេញ រាជរដ្ឋាភិបាលកម្ពុជា រិះរកមធ្យោបាយដើម្បីជួយសម្រួលដោះស្រាយបញ្ហាជំនន់ចរាចរនេះផងដែរ។ ដោយក្នុងនោះមានទាំងការស្ថាបនាផ្លូវតូចធំ ស្ពានអាកាស ផ្លូវក្រោមដី និងផ្លូវក្រវ៉ាត់ក្រុង ជាដើម ដើម្បីធ្វើយ៉ាងណាកាត់បន្ថយការកកស្ទះចរាចរណ៍នៅក្នុងក្រុងអោយមានភាពល្អប្រសើរ។
ជាមួយគ្នានេះ ដើម្បីកាត់បន្ថយការកកស្ទះចរាចរនៅតំបន់ភាគខាងជើងរាជធានីភ្នំពេញ រដ្ឋបាលរាជធានីភ្នំពេញ នឹងបើកការដ្ឋានស្ថាបនា មហាវិថីថ្មី ទទឹង ៣០ម៉ែត្រ ស្របប្រឡាយមេខាងជើងរាជធានីភ្នំពេញ ចាប់ពីផ្លូវលេខ ១០០៣ (ផ្លូវបត់ចូលផ្សារទំនើបអេអន ម៉ល សែនសុខ) ដល់មហាវិថី ឈ្នះឈ្នះ ក្នុងខណ្ឌឫស្សីកែវ នៅដើមសប្តាហ៍ក្រោយស្ថិតក្រោមអធិបតីភាពឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ។ នេះបើតាមការដកស្រង់ពីមន្ទីរសាធារណកា និងដឹកជញ្ជូនរាជធានីភ្នំពេញនៅថ្ងៃទី០៤ ខែកញ្ញា ឆ្នាំ២០២០។
[wai id="5"]