[wai id="8"]
[wai id="7"]
ធនាគារពិភពលោក នៅថ្ងៃទី២៩ ខែកញ្ញា បានអះអាងថា ខ្លួនបានលើកសំណើទៅកាន់ក្រុមប្រឹក្សាភិបាលស្ថាប័ននេះឲ្យអនុម័តកញ្ចប់ថវិកាចំនួន១២ពាន់លានដុល្លារ ដើម្បីជួយប្រទេសក្រីក្រក្នុងការទិញ និងចែកចាយវ៉ាក់សាំង COVID-19 នៅពេលដែលវ៉ាក់សាំងទាំងនោះមានសុវត្ថិភាព ប្រសិទ្ធភាព និងចាប់ផ្តើមផលិត។
ពាណិជ្ជកម្ម
ធនាគារបានអនុវត្តកម្មវិធីឆ្លើយតបបន្ទាន់ នៅក្នុងប្រទេសចំនួន ១១១ រួចមកហើយ ដោយថវិកានោះនឹងត្រូវបានអនុម័ត សម្រាប់តែប្រទេសដែលមានប្រាក់ចំណូលទាប និងមធ្យមតែប៉ុណ្ណោះ។ អ្នកនាំពាក្យធនាគារពិភពលោក បានគូស បញ្ជាក់យ៉ាងដូច្នេះថា «វ៉ាក់សាំង COVID-19 ដែលមានប្រសិទ្ធភាព និងសុវត្ថិភាព គឺជាភាពជោគជ័យមួយ ដែលពិភពលោក ទាំងមូល អាចឆ្ពោះទៅកាន់ការបើកដំណើរការឡើងវិញដោយប្រក្រតី និងសុវត្ថិភាព។ ប៉ុន្តែសេដ្ឋកិច្ចពិភពលោក នឹងមិនងើប ឡើងវិញពេញលេញនោះទេ រហូតដល់មនុស្សមានអារម្មណ៍ថា ពួកគេអាចរស់នៅបាន ដោយមានការទំនាក់ទំនងក្នុងសង្គម ក៏ដូចជាការធ្វើការ និងការធ្វើដំណើរវិញបានដោយភាពជឿជាក់»។
យ៉ាងណាមិញ វ៉ាក់សាំង COVID-19 មិនទាន់មានការលក់ជាលក្ខណៈពាណិជ្ជកម្មនៅឡើយទេ ប៉ុន្តែអគ្គនាយកធនាគារពិភព លោក លោក ដេវីដ ម៉ាល់ប៉ាស់ (David Malpass) បានប្រាប់កាសែតបារាំង Le Figaro ថា «ដំណើរការនៃការចែក ចាយវ៉ាក់សាំង គឺពិតជាស្មុគស្មាញណាស់ ប៉ុន្តែវាពិតជាមានសារៈសំខាន់ណាស់ ដែលយើងទាំងអស់គ្នាគួរតែចូលរួមជាមួយវា»។ លោក David ក៏បានមានប្រសាសន៍បន្ថែមថា «យើងចង់ឲ្យប្រទេសក្រីក្របំផុត មានលទ្ធភាពប្រើប្រាស់វ៉ាក់សាំង COVID-19 នេះ ហើយក្នុងចំណោមប្រទេសទាំងនោះ យើងចង់ឲ្យប្រជាជនដែលងាយរងគ្រោះបំផុត និងបុគ្គលិកសុខាភិបាល ត្រូវទទួលបានវ៉ាក់សាំងនេះផងដែរ»៕