[wai id="8"]
[wai id="7"]
សម្តេចតេជោ ហ៊ុន សែន បានអំពាវនាវដល់គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុដើម្បីធ្វើការយោគយល់ក្នុងការរៀបចំឥណទានឡើងវិញ បន្ធូរបន្ថយអត្រាការប្រាក់ ឬពន្យារពេលសងដល់អតិថិជនខ្លួនដែលរងគ្រោះដោយសារជំនន់ទឹកភ្លៀង។
ការអំពាវនាវនេះត្រូវបានធ្វើឡើងនៅព្រឹកថ្ងៃទី ២១ ខែ តុលា ឆ្នាំ ២០២០ ដែលសម្តេចតេជោ អញ្ជើញចុះជួបសួរសុខទុក្ខ និងចែកអំណោយជូនប្រជាពលរដ្ឋ ១ ម៉ឺនគ្រួសារ ដែលរងគ្រោះដោយសារទឹកជំនន់នៅស្រុកមង្គលបុរី ខេត្តបន្ទាយមានជ័យ។
ការស្នើសុំនេះគឺជាលើកទី ២ ហើយដល់គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុធ្វើការយោគយល់ដល់អតិថិជនខ្លួន បន្ទាប់ពីការអំពាវនាវអំពីផលប៉ះពាល់ដោយសារការរីករាលដាលនៃជំងឺកូវីដ១៩ ដល់ចំណូលរបស់ប្រជាពលរដ្ឋ។
ពាណិជ្ជកម្ម
គួររម្លឹកដែរថា នៅថ្ងៃទី២១ ខែតុលា ឆ្នាំ២០២០ ធនាគារជាតិក៏បានសេចក្ដីជូនដំណឹង ថ្លែងការកោតសរសើរ ចំពោះគ្រឹះស្ថានធនាគារ និងហិរញ្ញវត្ថុ ដែលបានចូលរួមសហការអនុវត្តយ៉ាងល្អ ក្នុងការអនុវត្តវិធានការនានា របស់រាជរដ្ឋាភិបាល និងធនាគារជាតិនៃកម្ពុជា ដែលបានដាក់ចេញ ដូចជា សារាចរណែនាំស្ដីពី ឥណទានរៀប ចំឡើងវិញ ការអនុគ្រោះបន្ធូរបន្ថយកម្រៃសេវាផ្សេងៗ ពាក់ព័ន្ធនឹងឥ ណទាន និង/ឬ លើកលែងការផាកពិន័យ ផ្សេងៗ និងការរឹបអូសទ្រព្យបញ្ចាំដោយមិនមានដីកាពីតុលា ការជាដើម ក្នុងកំឡុងពេលនៃការ រីករាលដាលនៃ ជំងឺកូវីដ-១៩។
ទន្ទឹមនេះក្នុងស្ថានភាពដែល ខេត្ត-ក្រុង មួយចំនួននៃប្រទេសកម្ពុជា ទទួលរងផលប៉ះពាល់ពីគ្រោះទឹកជំ នន់ ធនាគារជាតិនៃកម្ពុជា ក៏ស្នើសុំដល់គ្រឹះស្ថានធនាគារ និងហិរញ្ញវត្ថុ បន្ដកិច្ចសហការល្អ ក្នុងក្រប ខណ្ឌកិច្ចការពារអតិថិជន និងបន្ដផ្ដល់ការអនុគ្រោះតាមលទ្ធភាពចំពោះអ្នកខ្ចីប្រាក់ដែលបានរងផលប៉ះ ពាល់ជាក់ស្ដែងដោយសារទឹកជំនន់។
ធនាគារជាតិនៃកម្ពុជា សង្ឃឹមយ៉ាងមុតមាំថា គ្រឹះស្ថានធនាគារ និងហិរញ្ញវត្ថុ នឹងបន្ដចូលរួមសហការប្រ កបដោយការយោគយល់ និងអាធ្យាស្រ័យខ្ពស់ ស្របតាមស្ថានភាពជាក់ស្ដែងរបស់អតិថិជន។