[wai id="9"]
កំនើននៃអ្នកឆ្លងជំងឺកូវីដ១៩កាន់តែច្រើនឡើង អាជ្ញាធរបានសម្រេចយកទីតាំងស្ដាតអូឡាំពិក, សាលាកូរ៉េកប់ស្រូវ ( វិទ្យាស្ថានជាតិពហុបច្ចេកទេសកម្ពុជា NPIC )និងព្រីមៀរសែនសុខ សម្រាប់ព្យាបាលអ្នកកើតជំងឺកូវីដ១៩ កម្រិតស្រាល ខណៈដែលបច្ចុប្បន្នអត្រាអ្នក ឆ្លងជំងឺកូវីដនៅរាជធានីភ្នំពេញ មិនមានសញ្ញាថមថយនៅឡើយទេ។
ពាណិជ្ជកម្ម
លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល, លោក អ៉ិត សំហេង រដ្ឋមន្ដ្រីក្រសួងការងារ និងបណ្ដុះបណ្ដាល វិជ្ជាជីវៈ និងលោក ឃួង ស្រេង អភិបាលរាជធានីភ្នំពេញ បានចុះពិនិត្យ និងត្រៀមរៀបចំទីតាំងទាំង៣នេះផងដែរ។
ចាប់តាំងពីកម្ពុជាផ្ទុះព្រឹត្តិការណ៍ឆ្លងក្នុងសហគមន៍២០កុម្ភៈមក អាជ្ញាធរបានយកទីតាំងធំៗមួយចំនួនក្នុងរាជធានីភ្នំពេញសម្រាប់ដាក់អ្នកវិជ្ជមានកូវីដ១៩ ដែលរួមមានសណ្ឋាគារឌឺក្រេតឌុក មន្ទីរពេទ្យហ្លួងម៉ែ សាលារៀនមួយចំនួន សាលមង្គលការកោះពេជ្រជាដើម។
ក្រៅពីបន្ថែមទីតាំងសម្រាប់ដាក់អ្នកវិជ្ជមានកូវីដ១៩ នៅថ្ងៃទី២៥ ខែមេសានេះ ក្រសួងសុខាភិបាលក៏បានអនុញ្ញាតឲ្យម្ចាស់សេវាព្យាបាលឯកជន និងសម្ភពស្របច្បាប់ក្នុងរាជធានីភ្នំពេញទាំងអស់អាចទទួលពិនិត្យ ថែទាំ និងព្យាបាលអ្នកជំងឺកូវីដ១៩។ ប៉ុន្តែក្រសួងតម្រូវឲ្យមានការស្នើសុំការអនុញ្ញាតច្បាប់មកក្រសួង តាមរយៈនាយកដ្ឋានមន្ទីរពេទ្យ និងត្រូវគោរពតាមលក្ខខណ្ឌចំនួន១១ចំណុច
គួរបញ្ជាក់ដែរថា គិតត្រឹម ថ្ងៃទី២៥ ខែមេសា ឆ្នាំ២០២១កម្ពុជាបានរកឃើញអ្នកឆ្លងសរុបចំនួន ៩៩៧៥នាក់ ក្នុងនោះករណីសហគមន៍២០កុម្ភៈ ចំនួន ៩៤២៦នាក់, អ្នកជាសះស្បើយចំនួន ៣៤០០នាក់, អ្នកកំពុងសម្រាកព្យាបាលចំនួន ៦៤៩៥នាក់, អ្នកស្លាប់ចំនួន ៧៤នាក់៕
