នៅទីបំផុតគម្រោងនៃការបង្កើតផ្សារទំនើប AEON MALL ទី៣ ដែលស្ថិតនៅក្នុងគម្រោងពេលនេះបានមកដល់ដៃក្រុមប្រឹក្សាអភិវឌ្ឍន៍កម្ពុជា (CDC) ដែលជាសេនាធិការរបស់រាជរដ្ឋាភិបាល ទើបតែបានអនុម័តឲ្យ គម្រោងវិនិយោគធំៗ៩ថ្មីទៀត សរុបទុនជិត២ពាន់លានដុល្លារ ដំណើរការនៅកម្ពុជា ក្នុងនោះមានផ្សារទំនើបអ៊ីអនទី៣ ផងដែរ នេះបើយោងតាមការចុះផ្សាយនៅលើហ្វេសប៊ុកផ្លូវការរបស់ CDC នៅថ្ងៃទី២៥ ខែធ្នូ ឆ្នាំ២០១៩នេះ ។
ផ្សារទំនើប AEON MALL គឺជាផ្សារទំនើបមួយដែលកំពុងមានការពេញនិយមជាខ្លាំងសម្រាប់ ប្រជាជននៅប្រទេសក្នុងតំបន់ អាស៊ាន និងជាពិសេសនៅក្នុងប្រទេសកម្ពុជាដើម។ ផ្សារទំនើបដែលមានដើម្បីកំណើតមកពីប្រទេសជប៉ុន ១ នេះក៏កំពុងពង្រីកខ្លួនបន្ថែមដើម្បីបំពេញតម្រូវការរបស់អ្នកប្រើប្រាស់នៅកម្ពុជាយើងផងដែរ។
ក្រុមហ៊ុន AEON MALL (CAMBODIA) CO.,LTD. គម្រោងសាងសង់ផ្សារទំនើប ដែលមានទីតាំងវិនិយោគស្ថិតនៅភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ មានទុនវិនិយោគប្រមាណ ២៨៩.៦ លានដុល្លារអាមេរិក និងអាចបង្កើតការងារបានចំនួន៤៧កន្លែង ។