[wai id="5"]
[wai id="7"]
របាយការណ៍ផ្សារហ៊ុននៅស្ទើរទូទាំងពិភពលោកមានការធ្លាក់ចុះ ខណៈវីរុស Corona ដូចដែលទិន្នន័យថ្មីបានចេញផ្សាយ កាលពីពេលថ្មីៗបានបង្ហាញថា មនុស្សជាង១០០ នាក់បានស្លាប់នៅក្នុងប្រទេសចិន និងជាង៤,៥០០នាក់បានឆ្លងវីរុស នៅទូទាំងពិភពលោក។
ជុំវិញបញ្ហានេះដែរ ធនាគារពិភពលោក (World Bank) នៅថ្ងៃទី៣ ខែមីនា បានប្រកាសផ្តល់កញ្ចប់ជំនួយ ក្នុងទំហំទឹកប្រាក់ ១២ពាន់លានដុល្លារ ដើម្បីជួយប្រទេសមួយចំនួន ជាពិសេសប្រទេសក្រីក្រ ក្នុងការប្រយុទ្ធប្រឆាំងជាមួយ COVID-19 ដែលកំពុងវាយប្រហារក្នុងបណ្តាលប្រទេសមួយចំនួនក្នុងពិភពលោក ។
ពាណិជ្ជកម្ម
ប្រធានធនាគារពិភពលោក លោក David Malpass បានប្រាប់អ្នកកាសែតយ៉ាងដូច្នេះថា៖ « គោលបំណងនៃកញ្ចប់ជំនួយ ១២ពាន់លានដុល្លារនេះ គឺជាការចាត់វិធានការដ៏លឿន និងមានប្រសិទ្ធភាពបំផុត ដើម្បីឆ្លើយតបទៅនឹងប្រទេស ដែលកំពុងត្រូវការជំនួយ»។ ប្រមុខធនាគារពិភពលោក ចង់សំដៅទៅប្រទេសក្រីក្រជាច្រើន ដែលខ្វះគ្រឿងបរិក្ខារពេទ្យទំនើបៗ កំពុងប្រឈមនឹង COVID-19 ហើយជំនួយមួយនេះ នឹងជួយប្រទេសក្រីក្រទាំងនោះ ក្នុងការប្រយុទ្ធប្រឆាំងជាមួយ COVID-19។
ដោយឡែក រដ្ឋមន្ត្រីក្រសួងហិរញ្ញវត្ថុ និងប្រធានធនាគារកណ្តាលនៃក្រុមប្រទេស G៧ ក៏មានគោលដៅស្វែងរកយុទ្ធសាស្ត្ររួមដើម្បីទប់ស្កាត់ផលវិបាកសេដ្ឋកិច្ចដែលកំពុងកើតចេញពីមេរោគកូរ៉ូណាថ្មី។ កាលពីខែវិច្ឆិកា ឆ្នាំ ២០១៩ ពោលតាំងពីពេលមុនផ្ទុះ Covid-១៩ អង្គការនៃកិច្ចសហប្រតិបត្តិការ និងអភិវឌ្ឍន៍សេដ្ឋកិច្ចហៅកាត់ OCDE បានព្យាករថា កំណើនសេដ្ឋកិច្ចក្នុងលោកសម្រាប់ឆ្នាំ ២០២០ មាន ២,៩%។ តែឥឡូវនេះ និងតាម OCDE ដដែល កំណើនសេដ្ឋកិច្ចក្នុងលោកមិនអាចមានលើសពី ២,៤% ហើយសម្រាប់ត្រីមាសទី១ នេះ ពិភពលោកអាចនឹងស្គាល់សេដ្ឋកិច្ចដើរថយក្រោយ។
OCDE បានព្រមានទុកជាមុនថា បើវិបត្តិ Covid-១៩ បន្តមានកាន់តែយូរ និងរីករាលដាលកាន់តែខ្លាំងនៅអាស៊ី ប៉ាស៊ីហ្វិក អឺរ៉ុប និងអាមេរិកខាងជើង កំណើនសេដ្ឋកិច្ចក្នុងលោកសម្រាប់ឆ្នាំ ២០២០ អាចនឹងធ្លាក់ចុះដល់ ១,៤%។ នៅក្នុងករណីនេះ ចង្វាក់ពាណិជ្ជកម្មក្នុងលោកនឹងធ្លាក់ចុះប្រមាណ ៣,៧៥%។ ចិនដែលជាក្បាលម៉ាស៊ីនសេដ្ឋកិច្ចពិភពលោកអាចមានកំណើនសេដ្ឋកិច្ចត្រឹម ៤,៩% ក្នុងឆ្នាំ ២០២០។ សម្រាប់ប្រទេសក្នុងតំបន់អឺរ៉ូវិញ បារាំងអាចមានកំណើនសេដ្ឋកិច្ចក្នុងចន្លោះពី ០,៨% ទៅ ០,៩% ហើយអ៊ីតាលីដែលកំពុងក្លាយជាប្រភព Covid-១៩ នៅអឺរ៉ុបអាចស្គាល់កំណើនសេដ្ឋកិច្ច ០%។
គួរបញ្ជាក់ដែរថាបើយោងតាមរបាយការណ៍សុខភាពពិភពលោកបានឲ្យដឹងថា អ្នកជំងឺដែលស្លាប់ដោយសារជំងឺកូរ៉ូណានៅទូទាំងពិភពលោករួមមាន៖
• ៥៤ នាក់នៅអ៊ីរ៉ង់
• ៣៤ នាក់នៅអ៊ីតាលី
• ២០ នាក់នៅកូរ៉េខាងត្បូង
• ១២ នាក់នៅប្រទេសជប៉ុន
• ពីរនាក់ៗនៅហុងកុងនិងបារាំង
• ម្នាក់ៗនៅក្នុងប្រទេសហ្វីលីពីន តៃវ៉ាន់ អូស្ត្រាលី ថៃនិងសហរដ្ឋអាមេរិក។
សរុបករណីឆ្លងដែលត្រូវបានបញ្ជាក់នៅចិនដីគោកឥឡូវនេះមានចំនួន ៨០ ០២៦នាក់ ខណៈចំនួនឆ្លងទូទាំងសកលលោក ឈានដល់ ៨៨ ៤៤៣ នាក់៕
[wai id="6"]
