[wai id="7"]
កម្ពុជា ចំណាយថវិកាជិត ៣០០លានដុល្លារសហរដ្ឋអាមេរិក ដើម្បីសាងសង់ផ្លូវក្រវ៉ាត់ ក្រុងទី៣ ដែលមានប្រវែងជាង ៥០គីឡូម៉ែត្រ ក្នុងគោលបំណងកាត់បន្ថយការកកស្ទះចរាចរក្នុង ទីក្រុង និងការធ្វើសមាហរណកម្មផ្ទៃក្នុង ។គម្រោងផ្លូវនេះ ចំណាយថវិកាសរុបប្រមាណ ២៧៣លានដុល្លារអាមេរិក ដែលជាហិរញ្ញប្បទានសម្បទានពីរដ្ឋាភិបាលចិន ហើយរាជរដ្ឋាភិបាល កម្ពុជា ចូលរួមថវិកាបដិភាគសម្រាប់ការដោះស្រាយផលប៉ះពាល់ ការបោសសម្អាតមីននិងយុទ្ធភ័ណ្ឌមិនទាន់ផ្ទុះ ពន្ធ និងសួយ សារអាករ ។ ការស្ថាបនា នឹងប្រើរយៈពេល៤២ខែ ដែលគ្រោងបញ្ចប់នៅខែធ្នូ ឆ្នាំ២០២១។
បើលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា គម្រោងសាងសង់ ផ្លូវក្រវាត់ក្រុងទី៣ តភ្ជាប់ពីផ្លូវជាតិលេខ៤ មកផ្លូវជាតិលេខ១ ស្ថិតនៅក្នុងភូមិសាស្ត្ររាជធានីភ្នំពេញ និងខេត្តកណ្តាល ប្រវែងសរុបជិត៥៣គីឡូម៉ែត្រ ។ ផ្លូវនេះ មានទំហំទទឹងផ្លូវរហូតដល់ទៅ ២៧ម៉ែត្រ សម្រាប់ទីប្រជុំជន និង សម្រាប់ក្រៅ ទីប្រជុំជនវិញមានទំហំទទឹងផ្លូវ ២៥ម៉ែត្រ ។
កាលពីពេលថ្មីៗនេះ មន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី២៨ ខែឧសភាកន្លងទៅនេះថា ការដ្ឋានសាងសង់ផ្លូវខ្សែក្រវ៉ាត់ក្រុងទី ៣ សម្រេចបាន ៣៧ភាគរយហើយ។ ដោយគម្រោងផ្លូវនេះមានប្រវែងសរុប ៥២,៩៨៣គីឡូម៉ែត្រ (ជិត ៥៣គីឡូម៉ែត្រ) ឆ្លងកាត់ភូមិសាស្ត្ររាជធានីភ្នំពេញប្រវែង ១៥គ.ម និងខេត្តកណ្តាលប្រវែង ៣៨គ.ម និងសាងសង់ស្ពានចំនួន ៤កន្លែង។ផ្លូវក្រវាត់ក្រុងទី៣នេះ តភ្ជាប់ចាប់ពីផ្លូវជាតិលេខ៦ កាត់តាមមហាវិថីឈ្នះឈ្នះ និងស្ពានព្រែកព្នៅ ឆ្លងកាត់ផ្លូវ និងស្ពាន ក្នុងភូមិសាស្ត្ររាជធានីភ្នំពេញ និងខេត្តកណ្តាលដូចខាងក្រោម៖-ផ្លូវជាតិលេខ៤ (ភ្នំពេញ) (ស្ពានអាកាស) -ផ្លូវជាតិលេខ៣ (ភ្នំពេញ) (ស្ពានអាកាស) -ផ្លូវជាតិលេខ២ (ភ្នំពេញ) (ស្ពានអាកាស) -ផ្លូវជាតិលេខ២១ (កណ្តាល) (ស្ពានអាកាស) -ផ្លូវជាតិលេខ២១A (កណ្តាល) -ស្ពានបាសាក់ (កណ្តាល) (គម្រោងសាងសង់ស្ពានចំនួន២ ប្រវែងសរុប ៩៩០ម៉ែត្រ) -ផ្លូវលេខ១១០ (កណ្តាល) -ភ្ជាប់ផ្លូវជាតិលេខ១ (កណ្តាល)។
ផ្លូវក្រវាត់ក្រុងខ្សែទី៣នេះ គឺជាផ្លូវដ៏សំខាន់ក្នុងការជួយកាត់បន្ថយការកកស្ទះ និងជួយសម្រួលចរាចរណ៍ក្នុងរាជធានីភ្នំពេញ ម្យ៉ាងទៀតគឺជាការតភ្ជាប់ផ្ទៃក្នុង និងសមាហរណកម្មតំបន់ ពិសេសតភ្ជាប់ផ្លូវអាស៊ានហាយវ៉េ និងផ្លូវរបៀងសេដ្ឋកិច្ចសំខាន់ៗ របស់មហាអនុតំបន់មេគង្គ រួមចំណែកក្នុងការសម្រួលការដឹកជញ្ជូនឆ្លងកាត់ព្រំដែន ជំរុញពាណិជ្ជកម្មអន្តរជាតិ និងប្រែក្លាយទឹកដីដែលនៅសងខាងផ្លូវខ្សែក្រវាត់ក្រុងនេះ ទៅជាតំបន់អភិវឌ្ឍថែមទៀតផង។
សម្រាប់វិស័យអចលនទ្រព្យការពង្រីកផ្លូវក្រវ៉ាត់ក្រុងថ្មីនេះគឺបានបញ្ជាក់ថាវិស័យអចលនទ្រព្យកំពុងតែមានកំណើនខ្លាំងក្លាដែលទាមទារឲ្យពង្រីកទំហំក្រុងបន្ថែមទៀតដើម្បពង្រីកទំហំវិនិយោគឲ្យកាន់តែច្រើន។ គេក៏រំពឹងផ្លូវក្រវ៉ាត់ក្រុងដ៏ធំមួយនេះនឹងជម្រុញតម្លៃអចលនទ្រព្យនៅក្នុងតំបន់នោះឲ្យកើនឡើងផងដែរ។
[wai id="5"]
