[wai id="8"]
[wai id="7"]
ថ្ងៃចន្ទ ទី២២ ខែមិថុនា ឆ្នាំ២០២០នេះ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចុះត្រួតពិនិត្យការដ្ឋានសាងសង់ ព្រលានយន្តហោះអន្តរជាតិភ្នំពេញថ្មី ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។
អាកាសយានដ្ឋានអន្តរជាតិភ្នំពេញថ្មី ដែលកំពុងសាងសង់សម្រេចបានប្រមាណជា៣០ ភាគរយហើយនោះ គឺត្រូវការកម្លាំងពលកម្មក្នុងមួយថ្ងៃៗ២ម៉ឺននាក់ ហើយចំណាយក្នុងមួយថ្ងៃ១,៥លានដុល្លារអាមេរិក នៅពេលការសាងសង់ដំណើរការគ្រប់វិស័យនោះ ។ នេះបើតាមការឲ្យដឹងពី លោកឧកញ៉ា ពុង ឃាវសែ តំណាងក្រុមហ៊ុនសាងសង់ OCIC ។
អាកាសយានដ្ឋានអន្តរជាតិថ្មីនេះ វិនិយោគក្នុងទឹកប្រាក់ប្រមាណ ១.៥០០លានដុល្លារ ក្នុងនោះទឹកប្រាក់១,១០០លានដុល្លារជាកម្ចីពីធនាគារបរទេស និង២៨០លានដុល្លារជារបស់ក្រុម OCIC របស់ឧកញ៉ា ពុង ខៀវសែ ហើយដើមទុនចុះបញ្ជីមានរហូតដល់១២០លានដុល្លារអាមេរិក ដែលនឹងសាងសង់រួចរាល់នៅឆ្នាំ២០២៣ ខាងមុខ។ វត្តមានអាកាសយានដ្ឋានអន្តរជាតិមួយនេះ អាចទទួលអ្នកដំណើរបានប្រមាណ ១៣លាននាក់នៅឆ្នាំ២០៣០ ហើយអាចទទួលអ្នកដំណើរ ៣០លាននាក់ នៅឆ្នាំ២០៥០។
ពាណិជ្ជកម្ម
សម្តេចតេជោ ហ៊ុន សែន ពិតជារីករាយដែលបានអញ្ជើញមកពិនិត្យព្រលានយន្តហោះថ្មីនេះ។ សម្តេចតេជោក៏បានថ្លែងការកោតសរសើរដល់គណៈកម្មការសាងសង់ ដែលបានប្រឹងប្រែងសម្របសម្រួលដោះស្រាយបញ្ហាផ្សេងៗ ដើម្បីសម្រួលដល់ការសាងសង់។ សម្តេចតេជោនាយករដ្ឋមន្ត្រី បានថ្លែងថាបញ្ហា ជំងឺកូវីដ១៩ មិនបានធ្វើឱ្យប៉ះពាល់ដល់ដំណើរការអភិវឌ្ឍហេដ្ឋរចនាសម្ព័ន្ធនៅក្នុងប្រទេសកម្ពុជា រួមទាំងព្រលានយន្តហោះថ្មីផងដែរ។ សម្តេចតេជោ ហ៊ុន សែន បានថ្លែងថា ការរក្សាបាននូវដំណើរការសាងសង់ប្រព័ន្ធហេដ្ឋារចនាសម្ព័ន្ធទាំងនេះ ក៏រួមចំណែកផ្តល់ការងារដល់ប្រជាពលរដ្ឋដែលកំពុងជួបវិបត្តិការងារដោយសារជំងឺកូវីដ១៩ផងដែរ នេះគឺជាគោលដៅមួយសំខាន់សំរាប់ចក្ខុវិស័យកម្ពុជាឆ្នាំ២០៥០ ក្នុងការបំពេញតម្រូវការ។
គួរបញ្ជាក់ដែរថា ខណៈពេលដែលគម្រោងអាកាសយានដ្ឋានអន្តរជាតិភ្នំពេញថ្មី មានដំណើរការនេះ និងធ្វើឲ្យការកើនឡើងនូវតម្លៃដីដែលជាតំបន់នៃគម្រោងសាងសង់អាកាសយានដ្ឋាននិងនៅក្បែរនោះដ៏មានការកើនឡើងដូចគ្នាផងដែរ ដូច្នេះហើយវិស័យអចលនទ្រព្យស្រុកកណ្ដាលស្ទឹងក៏មានភាពទាក់ទាញពីអ្នកវិនិយោគជាច្រើនទៅបោះទុនវិនិយោគផងដែរ ក្នុងឧកាសដែលមានគម្រោងសាងសង់អាកាសយានដ្ឋានអន្តរជាតិបែបនេះ។
យ៉ាងណាមុខមាត់នៃស្រុកកណ្ដាលស្ទឹងខេត្តកណ្តាល កំពុងតែផ្លាស់ប្តូរ ដោយតម្លៃដីក៏មានការកើនឡើងថ្លៃ ព្រោះថ្មីៗនេះ ឃុំចំនួន៤ នៅក្នុងស្រុកកណ្ដាលស្ទឹងត្រូវបានកាត់ចូលក្នុងក្រុង ព្រមទាំងរាជរដ្ឋាភិបាលកម្ពុជាកំពុងរៀបចំទីតាំងគម្រោងសាងសង់អាកាសយានដ្ឋានអន្តរជាតិភ្នំពេញថ្មីមួយ ដែលក្នុងនោះមានលោកឯកឧត្តម ជា សុផារ៉ា ជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជាប្រធាន៕
[wai id="5"]