[wai id="8"]
[wai id="7"]
ការរីករាលដាលនៃវីរុសកូវីដ១៩ បានធ្វើឲ្យបណ្តាក្រុមហ៊ុនតូច ធំ ទាំងនោះក្នុងប្រទេសចិន និងជុំវិញពិភពលោកដល់ទៅជាង៥លានក្រុមហ៊ុន សហគ្រាស រងផលប៉ះពាល់ដោយសារ វីរុស កូវីដ-១៩។ ក្រុមហ៊ុនវិភាគទិន្នន័យសកល Dun & Bradstreet បានប្រកាសថា នៅតាមបណ្តាខេត្ត ក្រុង នៅក្នុងប្រទេសចិន រងផលប៉ះពាល់ខ្លាំងជាងគេបំផុត ដោយសារតែវីរុស កូវីដ-១៩ ហើយជះឥទ្ធិពល ដល់បណ្តាក្រុមហ៊ុនសហគ្រាស ផ្សេងទៀតដែលជាដៃគូនៅលើពិភពលោក ។
បញ្ហានេះមិនមែនតែប្រទេសចិន នោះទេតែជាវិបត្តិទូរទាំងសកលលោក ។ មុនពេលនៃការរាតត្បាតជាសាកលនៃជំងឺកូវីដ១៩ របាយការណ៍ស្ដីពីវិបត្តិស្បៀងអាហារសាកលឆ្នាំ ២០២០ បានឲ្យដឹងថា មនុស្សចំនួន ១៣៥ លាននាក់ជុំវិញពិភពលោកកំពុងរងទុក្ខដោយសារភាពអត់ឃ្លាន។ ប៉ុន្តែក្រុមអ្នកនិពន្ធរបាយការណ៍នេះបានព្រមានថា រោគរាតត្បាតជាសាកលនេះនឹងធ្វើឲ្យចំនួនអ្នកអត់ឃ្លានកើនឡើងទ្វេដងនៅដំណាច់ឆ្នាំនេះ បើសិនជាមិនមានការចាត់វិធានការឲ្យបានរហ័ស និងសកម្មណាមួយនោះទេ។នេះបើយោងតាមលោក លោក Arif Husainប្រធានសេដ្ឋវិទូប្រចាំកម្មវិធីស្បៀងអាហារពិភពលោក ។
ពាណិជ្ជកម្ម
ថ្មីៗនេះប្រទេសចិន ជាប្រទេសដែលរងផលប៉ះពាល់ដំបូងគេ និងខ្លាំងជាងគេមួយក្នុងចំណោមប្រទេស ដែលរាតត្បាត ឬវាយប្រហារដោយសារកូវីដ១៩ នោះ លោកប្រធានាធិបតីចិនលោកស៊ីជីនភីង ដំណើរទស្សនកិច្ចនៅតំបន់ផលិតកម្ម អាហារបៃតង នៅតំបន់Lishu ទីក្រុងស៊ីភីង ដើម្បីស្វែងយល់ពីការកែលំអគុណភាពដីឡើងវិញ នៃ chernozem និងការលូតលាស់ ពោតក្នុងអំឡុងពេលដំណើរទស្សនកិច្ចត្រួតពិនិត្យនៅភាគឦសាន ខេត្តជីលីនប្រទេសចិន។
លោកស៊ី បានសង្កត់ធ្ងន់ប្រាប់កសិករថា ត្រូវចាត់វិធានការប្រកបដោយប្រសិទ្ធភាពដើម្បីការពារដីខ្មៅឱ្យបានល្អបំផុត ព្រោះវាជាដីដែលមានជីជាតិ ។
បន្ថែមពីលើនេះ លោកប្រធានាធិបតីចិន ស៊ី ជិនពីង បានបង្ហើបថាលោក ធ្លាប់បានសិក្សាពីវិធីសាស្ត្រក្នុងការធ្វើ កសិកម្ម និងតិចនិកក្នុងការធ្វើកសិកម្មផងដែរ ។គាត់បានរៀនអំពីការផលិតចំណីអាហារការការពារនិងការប្រើប្រាស់ ដីខ្មៅនៅតំបន់ នោះ។
គួររម្លឹកដែរថា វិបត្តិនៃវីរុសកូវីដ១៩ នៅប្រទេសចិនហាក់ពុំទាន់ថយនៅឡើយទេ របាយការណ៍ប្រចាំថ្ងៃអង្គារ ទី២៨ ខែកក្កដា ឆ្នាំ២០២០នេះ អាជ្ញាធរសុខាភិបាលចិន បានប្រកាសពីការរកឃើញករណីឆ្លង COVID-19 រហូតដល់ទៅ ៦៨នាក់ ដែលខ្ពស់ជាងកាលពីថ្ងៃចន្ទម្សិលមិញនេះទៅទៀត និងមិនធ្លាប់កើតមានប៉ុន្មានខែមកហើយ។ នេះបើតាមការចេញផ្សាយ ដោយសារព័ត៌មាន CNA។
នៅក្នុងចំណោមករណីឆ្លងថ្មីៗខាងលើនេះគឺ ៥៧ករណីកើតឡើងនៅតំបន់ស្វយ័តស៊ីនជាំង (Xinjiang), ០៦ករណីនៅខេត្តលាវនីង (Liaoning) និងមួយករណីនៅប៉េកាំង (Beijing) ខណៈ០៤ករណីផ្សេងទៀត គឺជាប្រភេទករណីនាំចូលពីក្រៅប្រទេស។ គិតត្រឹមព្រឹកថ្ងៃអង្គារនេះតែម្តង ករណីឆ្លងជំងឺ COVID-19 នៅទូទាំងប្រទេសចិនមានសរុប ៨៣,៩៥៩ករណី ក្នុងនោះស្លាប់សរុប ៤,៦៣៤នាក់ និងជាសះស្បើយឡើងវិញ ៧៨,៩៣៤នាក់៕
[wai id="5"]
