[wai id="8"]
[wai id="7"]
នាពេលបច្ចុប្បន្ននេះវិស័យអចលនទ្រព្យបានរីកចម្រើនយ៉ាងខ្លាំង ហើយការទិញផ្ទះរស់នៅផង និងរកចំណូលផង គឺជាបរិបទដ៏ពេញនិយម សម្រាប់ជនជាតិខ្មែរ នៅពេលបច្ចុប្បន្ន។ ប៉ុន្តែនៅពេលចាប់ផ្ដើមមានផែនការទិញផ្ទះ មានមនុស្សមិនតិចទេដែលពិបាក ឬស្មុគស្មាញក្នុងការសម្រេចចិត្តភ្លាមៗថាតើគួរទិញលំនៅឋានក្នុងបុរី ឬក្រុមហ៊ុនណាដើម្បីឲ្យមានសុវត្ថិភាព ព្រោះថាសព្វថ្ងៃនេះក្រុមហ៊ុនផ្គត់ផ្គង់ផ្ទះល្វែង ឬវីឡានៅតាមបុរីមានច្រើន ដែលបុរីខ្លះមិនបង្កបញ្ហាដល់អតិថិជន ប៉ុន្តែក៏មានបុរីខ្លះទៀតមិនបានគោរពតាមកិច្ចសន្យានៃការទិញលក់រវាងអ្នកទិញ និងម្ចាស់បុរីដែរ។
ដូច្នេះសំនួរទាំង ៣ខាងក្រោមនេះអ្នកគួរសួរទៅកាន់ម្ចាស់គម្រោងមុននឹងសម្រេចចិត្តទិញ៖
ទី១ ទីតាំង
សម្រាប់ផ្ទះដែលធ្វើអាជីវកម្ម អ្នកគួជ្រើសរើសទីតាំងដែលងាយស្រួលរក និងងាយមើល ឃើញ។ ម្យ៉ាងទៀតអ្នកត្រូវតែមើលថា តើទីតាំងនោះស្ថិតនៅក្បែរស្ថាប័នអ្វីខ្លះ ដូចជា សាលារៀន សាកលវិទ្យាល័យ វត្តអារាម មន្ទីរពេទ្យ ផ្សារ ហាងទំនិញ និងកន្លែងសំខាន់ៗទៀត ព្រោះវាអាចធ្វើឲ្យអតិថិជនអ្នក មកពីស្ថាប័នផ្សេងៗចូលមកកន្លែងរបស់អ្នក។
ពាណិជ្ជកម្ម
ទី២ គម្រោងលំនៅដ្ឋាននោះចំណុចពិសេសអ្វីខ្លះ?
គម្រោងអភិវឌ្ឍន៍បុរីមានអចលនទ្រព្យច្រើនប្រភេទនៅក្នុងនោះផងដែរសម្រាប់ឯកជន និងគ្រួសារជាធម្មតាវាមាន ហេដ្ឋារចនាសម្ព័ន្ធ និងសេវាកម្មផ្សេងៗមានដូចជា៖ ផ្លូវថ្នល់ ប្រព័ន្ធទឹកភ្លើង និងការរៀបចំទុកដាក់សំរាមជាដើម។ ចំណុចសំខាន់ដែល មាននៅក្នុងបុរីគឺមានទីធ្លាធំទូលាយ និងសុវត្ថិភាពការពារខ្ពស់។
ទី៣ អចលនទ្រព្យស្របច្បាប់
ប្លង់រឹង៖ អ្នកត្រូវប្រាកដថាម្ចាស់គម្រោងមានសិទ្ធិកាន់កាប់ស្របច្បាប់ទៅលើគម្រោងអភិវឌ្ឍន៍នេះ ហើយគម្រោងបុរីដែល អ្នក មានបំណងទិញត្រូវមានប្លង់រឹងមេមួយដែលត្រូវធ្វើការបែងចែកប្លង់រឹងទៅឲ្យម្ចាស់ផ្ទះនីមួយៗជាចាំបាច់។ ឯកសារខាង លើវាពិតជាចំណុចចាំបាច់ត្រូវយល់ដឹងដើម្បីកុំឲ្យមានការខាតបង់ថវិការជាយថាហេតុនៅពេលអ្នកទិញគម្រោងបុរីណា មួយ។
លិខិតចុះបញ្ជីក្រុមហ៊ុន៖ សម្រាប់ក្រុមហ៊ុនអភិវឌ្ឍន៍ទាំងអស់ត្រូវមកចុះបញ្ជីនៅក្រសួងពាណិជ្ជកម្មដើម្បីទទួលសិទ្ធិក្នុងការប្រកបរបរអាជីវកម្មនេះជាកាតព្វកិច្ចដែលក្រុមហ៊ុនអភិវឌ្ឍន៍ត្រូវតែបំពេញជាចាំបាច់។ នៅពេលដែលគម្រោងមួយមានលិខិតចុះបញ្ជីក្រុមហ៊ុន គ្រាន់តែចង់ប្រាកដថាគម្រោង និងអ្នកអភិវឌ្ឍន៍ដំណើរការគម្រោងអភិវឌ្ឍន៍គម្រោងនេះដោយស្របច្បាប់។
ផែនការមេ៖ ផែនការមេរបស់គម្រោងបុរីគឺជាប្លង់មេដ៏សំខាន់របស់គម្រោងប្លង់មេនឹងអាចប្រាប់ថាតើគម្រោងមានហេដ្ឋារចនាសម្ព័ន្ធដូចម្តេចមានប្លង់លំនៅដ្ឋានដូចម្ត៉េចមិនត្រឹមតែប៉ុណ្ណោះមុននឹងផ្តល់អាជ្ញាប័ណ្ណសាងសង់ទៅឲ្យគម្រោងអភិវឌ្ឍន៍ណាមួយក្រសួងរៀប ចំដែនដីនគរូបនីយកម្ម និងសំណង់បានតម្រូវ ឲ្យ ម្ចាស់ គម្រោងធ្វើបទបង្ហាញពីផែនការមេច្បាស់លាស់ជាមុនសិន។ ការអភិវឌ្ឍន៍ទាំងអស់ត្រូវគោរពតាម គោលការណ៍ នៃការផែនការមេសម្រាប់អភិវឌ្ឍន៍ទីក្រុង និយាយជារួមការមានផែន ការមេមួយច្បាស់លាស់វាពិតជាធ្វើឲ្យគម្រោងបុរីនោះធ្វើឡើងប្រកបដោយស្តង់ដារកាន់តែប្រសើរឡើង។
អាជ្ញាប័ណ្ណសាងសង់៖ ក្រៅពីផែនការមេគម្រោងបុរីនោះត្រូវតែមានអាជ្ញាប័ណ្ណសាងសង់ត្រឹមត្រូវដែលចេញដោយ ក្រសួងរៀប ចំដែនដីនគរូបនីយកម្មនិងសំណង់។ ដើម្បីទទួលបានអាជ្ញាប័ណ្ណនេះគម្រោងត្រូវមានផែនការមេមានប្រាក់តម្កល់ ២%ប្រភពប្រាក់ចំណូលច្បាស់លាស់ដើមទុនមានវត្ថុដាក់ធានាមានប្លង់ និងទ្រព្យផ្សេងៗទៀតដែលជួយគាំទ្រដល់ គម្រោងនោះ។
គួរបញ្ជាក់ដែរថា មុននឹងទិញ យើងត្រូវគិតជាមុនសិនថា យើងទិញដើម្បីទុកយកចំណេញ ឬទិញសម្រាប់រស់នៅ? ចំពោះគូរស្វាមី ភរិយាថ្មីថ្មោង ហើយអ្នកដែលធ្វើការ ទើបតែមានផ្ទះ ឬចង់ទិញផ្ទះ លើកដំបូងទេ គួរតែរស់នៅ តំបន់ទីប្រជុំជន ជិតសាលារៀនរបស់កូន ឬនៅជិតកន្លែងធ្វើការខ្លួនឯង ៕
[wai id="5"]