[wai id="9"]
បើទោះបីជាបច្ចុប្បន្នស្ថានភាពសេដ្ឋកិច្ចហាក់មានសភាពអាប់អួរ ជាពិសេសដោយសារតែជំងឺកូវីដ-១៩ក្ដី ប៉ុន្តែ នេះក៏ជា ឱកាសសម្រាប់អស់លោកអ្នក ដែលមានធនធានគ្រប់គ្រាន់ និងបម្រុងទុក អាចឆ្លៀតឱកាសក្នុងការទិញ អចលនវត្ថុ ក្នុងតម្លៃធូរ និងអាចទុកចំណេញបានក្រោយពេលស្ថានភាពសេដ្ឋកិច្ចងើបមកជាប្រក្រតីឡើងវិញ។
ពាណិជ្ជកម្ម
ជុំវិញបញ្ហានេះ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុ ការឆ្លងរាលដាលជំងឺកូវីដ១៩នៅក្នុងសហគមន៍ បានធ្វើឲ្យប៉ះពាល់ខ្លាំងទាំងក្រុងភ្នំពេញ ក្រុងព្រះសីហនុ និងបណ្តាខេត្តមួយចំនួនទៀត ហើយសម្រាប់វិស័យអចលនទ្រព្យវិញ គឺការជួញដូរមានសភាពស្ងាត់ជាងធម្មតា ប៉ុន្តែនៅពាក់កណ្តាលសប្តាហ៍ក្រោយអាចនឹងមានសភាពធម្មតាឡើងវិញ។នេះបើយោងតាមការ ផ្តល់បទសម្ភាសន៍ rfi ។
លោកបានឲ្យដឹងថា «វិនិយោគិនបរទេសនឹងអាចត្រឡប់មកវិនិយោគ នៅក្នុងប្រទេសកម្ពុជា នៅពេលវ៉ាក់សាំងការពារ ជំងឺកូវីដ១៩ រីកសាយភាពលើពិភពលោក ក្នុងអំឡុងខែកក្កដា និងសីហា ខណៈបច្ចុប្បន្នប្រទេសមួយចំនួន បានទទួលវ៉ាក់សាំងកូវីដ១៩ រួចរាល់ផងដែរ»។
លោកបានបន្ថែមថា សម្រាប់វិនិយោគិនបរទេស ពួកគេគិតលើចំណុចសំខាន់២យ៉ាងគឺ មុននឹងត្រៀមខ្លួនចូលមក វិនិយោគ គឺខ្លួនទទួលបានវ៉ាក់សាំងការពារ និងតំបន់ដែលនឹងចូលមកវិនិយោគ មានវ៉ាក់សាំងការពារ ដើម្បីធានាបានថា មិនមានការប្រឈមនៃការឆ្លងជំងឺ ទោះបីពួកគាត់មានវ៉ាក់សាំងរួចរាល់ក៏ដោយ។
លោកបានបន្ដថា ឆ្នាំ២០២១ជាឆ្នាំដែលវិនិយោគិន ចាប់ផ្ដើមរវល់ជាបណ្ដើរៗ មានអ្នកវិនិយោគមួយចំនួនចាប់ផ្ដើម មើលពីវិស័យអចលនទ្រព្យ និងចាប់ផ្ដើមចរន្ដទិញលក់ជាមួយដៃគូផងដែរ។
លោក ច្រឹក សុខនីម ក៏បានបញ្ជាក់ផងដែរអំពីការទិញលក់លើវិស័យដីធ្លីក្នុងឆ្នាំ២០២០កន្លងទៅថា ទោះបីស្ថិតក្នុងវិបត្តិកូវីដ១៩ ប៉ុន្ដែវិស័យអចលនទ្រព្យមិនបានថមថយ ឬធ្លាក់ថ្លៃនោះឡើយ។
លោក ច្រឹក សុខនីម បានឲ្យដឹងថា «ចរន្ដនៃការទិញលក់វិស័យដីធ្លីក្នុងឆ្នាំ២០២០ មានការធ្លាក់ចុះខ្លះ ប៉ុន្ដែសម្រាប់តម្លៃនៃការលក់មិនបានថមថយឡើយ។ មិនបានថមថយដោយសារតែ ចរន្ដទិញលក់ក្នុងស្រុកមិនបានធ្លាក់ចុះ ធ្លាក់ចុះតែការទិញលក់ពី សំណាក់វិនិយោគិនបរទេស ដែលមិនអាចចូលមកវិនិយោគ នៅក្នុងប្រទេសកម្ពុជាបាន ព្រោះតែការរីករាលដាលនៃជំងឺកូវីដ១៩»៕
