[wai id="8"]
[wai id="7"]
ប្រភពដើមដែលនាំអោយក្រុមហ៊ុន អាកាសចរណ៍ខាតបង់ធំធេង គឺដោយសារតែបំណុលវណ្ឌ ក ដោយសារការឆ្លងរាលដាល នៃវីរុសCovid-19 ដោយក្រុមហ៊ុនបានចំណាយ បើកប្រាកខែអោយបុគ្គលិក មុនពេលដែលក្រុមហ៊ុន បានបិទដំណើរការទាំងស្រុង ជាស្ថាពរទៅតាមស្ថានភាព ចរាចរណ៍តាមផ្លូវអាកាស ។
ពាណិជ្ជកម្ម
ក្រុមហ៊ុនផលិតយន្ដហោះដ៏ធំជាងបំផុត នៅសហភាពអឺរ៉ុប បានផ្ដល់ព័ត៌មានកាលពីថ្មីៗនេះ ថាក្រុមហ៊ុន Airbus អាចនឹងត្រូវកាត់បន្ថយចំនួនបុគ្គលិកប្រមាណ ១៥,០០០ នាក់ជុំវិញពិភពលោក ដែលស្មើរការកាត់ បន្ថយបុគ្គលិក ១១% របស់ក្រុមហ៊ុន ស្របពេលដែលវិបត្តិជំងឺកូវីដ-១៩ បានធ្វើឲ្យការធ្វើដំណើរ លើអាកាសជាប់គាំង ហើយក្រុមហ៊ុនអាកាសចរណ៍មួយចំនួនបានក្ស័យធុន មិនមានតម្រូវការ យន្ដហោះច្រើន ដូចមុនឡើយ។
តាមសមាគមដឹកជញ្ជូនផ្លូវ អាកាសអន្តរជាតិ ដែលមានក្រុមហ៊ុនអាកាសចរណ៍ចំនួន ២៩០ជាសមាជិក យន្តហោះប្រមាណ ១៦ ០០០គ្រឿង នៅក្នុងពិភពលោក ត្រូវចតចោលនៅលើដី ចាប់តាំងពីខែមីនា នៅពេលរដ្ឋាភិបាលចាប់ផ្តើមចាត់វិធានការបិទព្រំដែន ហាមមិនឲ្យមនុស្សជាង ៤ពាន់លាននាក់ ធ្វើដំណើរ ដើម្បីទប់ស្កាត់ការឆ្លងរីករាលជំងឺកូវីដ។ នៅខែមេសា នៅពេលជំងឺកូវីដ ចាប់រាតត្បាតខ្លាំងពេញពិភពលោក ជាពិសេសនៅទឹកដីអឺរ៉ុប ចំនួនជើងហោះហើររបស់ក្រុមហ៊ុនអាកាសចរណ៍ ក្នុងពិភពលោក បានធ្លាក់ចុះ អស់ ៩៤% បើប្រៀបធៀបនឹងឆ្នាំ មុន។ គេអាចនិយាយថា ក្រុមហ៊ុនអាកាសចរណ៍បានប្រើយន្តហោះឲ្យហោះហើរ បានប្រមាណតែ ៦%ប៉ុណ្ណោះ នៅក្នុងមួយខែ មេសា។
គួររម្លឹកដែរថា នៅក្នុងឆ្នាំ ២០២០នេះ តម្រូវការប្រើប្រាស់ជើងហោះហើរអន្តរជាតិ អាចនឹងធ្លាក់ចុះរហូតដល់ទៅ ៨០% ពោលគឺមានការប្រើប្រាស់ជើងហោះហើរ ត្រឹមតែ ៣១១លានជើងប៉ុណ្ណោះ ថយចុះពី ១,៤ ពាន់លានជើង ធៀបនឹងកាលពីឆ្នាំ ២០១៩កន្លងទៅនេះ៕
[wai id="5"]
