កូរ៉េខាងជើង បាញ់មីស៊ីលបង្ហាញសាច់ដុំដាក់ពិភពលោកទៀតហើយ !
ជាថ្មីម្តងទៀត កូរ៉េខាងជើងនៅតែបន្តសាកល្បង កាំជ្រួចមីស៊ីល ដោយជោគជ័យ ការសាកល្បងនៅពេលនេះគឺជាប្រភេទមីស៊ីលខ្នាតធំ ។
បើយោងតាមសារព័ត៌មាន Reture បានចុះផ្សាយថា កូរ៉េខាងជើងបានបាញ់មីស៊ីលចំនួន២គ្រាប់ ចេញពីតំបន់ភាគខាងលិចប្រទេស ឆ្ពោះទៅកាន់សមុទ្រខាងកើត (សមុទ្រជប៉ុន) ដោយមីស៊ីលទាំងពីរនោះហោះបានចម្ងាយប្រហែល៣៧០គីឡូម៉ែត្រ នៅរយៈកម្ពស់អតិបរមា៩០គីឡូម៉ែត្រ។ បើតាមទីភ្នាក់ងារព័ត៌មានរដ្ឋកូរ៉េខាងជើង KCNA ប្រព័ន្ធមីស៊ីលនោះគឺជាប្រព័ន្ធបាញ់មីស៊ីលធំៗបានម្តងច្រើនគ្រាប់។ ទីភ្នាក់ងារ KCNA បានបញ្ជាក់ថា លោក គីម ជុងអ៊ុន បានសម្តែងការពេញចិត្តជាខ្លាំងចំពោះ លទ្ធផលនៃការធ្វើតេស្ត ហើយលោកបានផ្ញើសារអបអរសាទរដល់ក្រុមអ្នកជំនាញ ដែលបានអភិវឌ្ឍប្រព័ន្ធសព្វាវុធនេះ។
គួរបញ្ជាក់ដែរថា នេះជាលើកទី១២ហើយដែលទីក្រុងក្រុងព្យុងយ៉ាង បានបាញ់សាកល្បងមីស៊ីលប៉ាលីស្ទិកចម្ងាយខ្លី បើគិតចាប់តាំងពីជំនួបលើកចុងក្រោយរវាងលោកត្រាំ និងគីម នៅក្នុងតំបន់គ្មានយោធា។
ខឹងនាងតវ៉ារឿងរួមរក្ស័យូរពេកក៏ច្របាច់.កសម្លាប់ចោលតែម្តង
បុរសម្នាក់ប្រឈមនឹងការកាត់ទោសប្រហារជីវិត ក្រោយលោកបានធ្វើឃាតស្រីស្អាតដែលជាស្ត្រីរកស៊ីផ្លូវភេទ ក្រោយពីពួកគេមានទំនាស់រឿងរួមរក្ស័យូរពេក ដែលហេតុការណ៍ដ៏គួរឲ្យភ្ញាក់ផ្អើលនេះ បានកើតឡើងនៅក្នុងប្រទេសឥណ្ឌូនេស៊ី។
លោក Ridwan Solihin ត្រូវរងការចោទប្រកាន់ថាបានសម្លាប់ស្រីពេស្យាចារ្យម្នាក់ ក្រោយពេលអ្នកទាំង២ មានទំនាស់គ្នារឿងវ៉ៃសិចយូរខ្លាំងពេក។
នារីរងគ្រោះត្រូវបានគេស្គាល់ឈ្មោះថា OS ហើយនាងត្រូវបានគេប្រទះឃើញដេកស្លាប់នៅក្នុងបន្ទប់សណ្ឋាគារ ក្រោយជួបលោក Solihin និងមនុស្ស២នាក់ផ្សេងទៀត។
ក្រុមនគរបាល បានអះអាងថា លោក Solihin និងនាង OS បានវ៉ៃសិចនៅក្នុងបន្ទប់សណ្ឋាគារ ស្ថិតនៅខេត្តជ្វាខាងលិច ប្រទេសឥណ្ឌូនេស៊ី។
លោក Bimantoro Kurniawan គឺជាប្រធានអង្គភាពស៊ើបអង្កេត បាននិយាយនៅក្នុងសេចក្តីថ្លែងការណ៍ថា ដោយសារតែការវ៉ៃសិចនេះយូរខ្លាំងពេក ទើបជនរងគ្រោះតវ៉ា។ សម្តីរបស់ជនរងគ្រោះ បានធ្វើជនដៃដល់មានអារម្មណ៍ឈឺចាប់ រួចរូបគេក៏ច្របាច់.កសម្លាប់នាង OSចោលតែម្តង។
ក្រោយមក លោកក៏លួចទ្រព្យសម្បត្តិរបស់នាង...
បុរសមហាសំណាងរើសបានកំណប់សមុទ្រដែលជាកម្អួតត្រីបាឡែនតម្លៃរហូតដល់ទៅ៣២ម៉ឺនដុល្លារ
អ្នកនេសាទថៃម្នាក់ បានជួបលាភដោយចៃដន្យបានប្រទះឃើញកំណប់សមុទ្រដែលជាដុំកម្អួតត្រីបាឡែនដ៏ធំមួយដែលមានតម្លៃប្រមាណជា៣២ម៉ឺនដុល្លារអាមេរិកឯណោះ។
លោក Jumrus Thiachot មានអាយុ ៥៥ឆ្នាំ បានប្រទះឃើញដុំកម្អួតត្រីបាឡែន ដែលមានទម្ងន់ប្រហែល ១៤ផោន(ស្មើនឹង៦,៣៥គ.ក) ខណៈពេលដែលរូបលោកបានដើរតាមបណ្តោយឆ្នេរសមុទ្រលើកោះ Samui កាលពីដើមឆ្នាំនេះ។
អ្នកនេសាទម្នាក់នេះពុំបានដឹងប្រាកដទេថា វាគឺជាអ្វីនោះទេ ហើយលោកក៏បានយកវាទៅទុកនៅក្នុងផ្ទះ ហើយក៏បន្តទៅធ្វើការងារនេសាទរបស់លោក ដែលអាចរកចំណូលបានប្រហែល ៤០០បាត (ឬប្រហែល ១៣ដុល្លារអាមេរិក) ក្នុងមួយថ្ងៃផងដែរ។
ប្រភពដដែលបន្តថា ក្រោយមក លោក Jumrus ក៏តែងបានលួចសួរអ្នកជិតខាងរបស់លោក ដើម្បីឲ្យពួកគេជួយពិនិត្យមើលថាតើដុំនេះមានផ្ទុកនូវសារធាតុអ្វី។ ប៉ុន្តែជាលទ្ធផលនៅតែមិនកើតការ។
នេះពិតជាសំណាងពីជាតិមុនរបស់លោក Jumrusពិតមែន ដោយសារកាលពីថ្ងៃថ្ងៃអង្គារកន្លងទៅនេះ មន្ត្រីមកពីរដ្ឋាភិបាលក្នុងស្រុក ក៏បានចុះមកដល់ផ្ទះរបស់លោកផ្ទាល់តែម្តង ដើម្បីជួយពិនិត្យទៅលើដុំក្រមួននោះ ហើយនៅទីបំផុតពួកគេបានអះអាងថា វាគឺជាកម្អួតត្រីបាឡែនដែលជារបស់ដ៏មានតម្លៃបំផុត ដែលជាសារធាតុមួយត្រូវបានគេយកទៅផ្សំធ្វើជាទឹកអប់។
ដុំកម្អួតត្រីបាឡែនដែលលោក...
កងកម្លាំងប្រដាប់អាវុធចម្រុះ ចាប់ផ្តើមបើកការហ្វឹកហាត់រួមគ្នានៅជិតព្រំដែនខ្មែរថៃ
នៅព្រឹកថ្ងៃទី០១ ខែវិច្ឆិកា ឆ្នាំ២០១៩នេះ កងកម្លាំងទាំង៣ប្រភេទរួមមាន កងទ័ព កងរាជអាវុធហត្ថ និងនគរបាលខេត្តបន្ទាយមានជ័យ បានចាប់ផ្តើមបើកការហ្វឹកហាត់រួមគ្នា ដើម្បីបង្កើនការថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពនៅក្នុងខេត្ត។
ជាមួយនឹងការហ្វឹកហាត់នេះ មានការចល័តកម្លាំងទ័ពចេញពីទីបញ្ជាការដ្ឋានទិសទី១ និងទីបញ្ជាការដ្ឋានកងរាជអាវុធហត្ថ ខេត្តបន្ទាយមានជ័យ ឆ្ពោះទៅស្នងការដ្ឋាននគរបាលខេត្តផងដែរ។ នេះបើយោងតាមសេចក្តីជូនព័ត៌មានរបស់ រដ្ឋបាលខេត្តបន្ទាយមានជ័យ នៅថ្ងៃទី៣១ ខែតុលា ឆ្នាំ២០១៩។
ជាមួយការចល័តកម្លាំង ដើម្បីហ្វឹកហាត់នេះ រដ្ឋបាលខេត្តបន្ទាយមានជ័យ បានអំពាវនាវដល់ប្រជាពលរដ្ឋនៅ ក្នុងខេត្តបន្ទាយមានជ័យ កុំមានការភ្ញាក់ផ្អើល និងព្រួយបារម្ភពេលមានការចល័តកម្លាំង។
សូមបញ្ជាក់ថា នៅច្រកទ្វារអន្តរជាតិប៉ោយប៉ែត ក្នុងរយៈពេលប៉ុន្មានថ្ងៃចុងក្រោយនេះ មានការដាក់ពង្រាយកម្លាំងនគរបាលមួយចំនួនផងដែរ ដើម្បីពង្រឹងសន្តិសុខ សណ្តាប់ធ្នាប់នៅក្នុងច្រកទ្វារ។
សមត្ថកិច្ច នៅពុំទាន់រកឃើញមូលហេតុដែលបណ្តាលឲ្យស្ត្រីជនជាតិអង់គ្លេសស្លាប់បាត់បង់ជីវិតនៅឡើយទេ
កាលពេលថ្មីៗនេះ នារីជនជាតិអង់គ្លេសឈ្មោះ Amelia Bambridge អាយុ ២១ ឆ្នាំ ដែលបានបាត់ខ្លួននៅកោះរ៉ុងកាលពីថ្ងៃទី ២៤ ខែតុលា ត្រូវបានរកឃើញសពអណ្ដែតនៅលើទឹកសមុទ្រ ស្ថិតនៅក្បែរព្រំដែនថៃដែលមានចម្ងាយជាង ៩១ គីឡូម៉ែត្រពីទីតាំងបាត់ខ្លួន។
បើយោងតាម លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ ក៏បានបញ្ជាក់ថា តាមព័ត៌មានបឋមដែលលោកទទួលបាន គឺពិតជារកឃើញសពរបស់នាង បានអណ្ដែតដល់ខេត្តកោះកុង ហើយពេលនេះកម្លាំងនគរបាល អាជ្ញាធរបានទាក់ទងទៅខាងក្រុមលំហរសមុទ្រនាំយកសព របស់នាង មកលើគោកវិញ។
បើតាមលោកឧត្តមសេនីយ៍ស្នងការ ការងារនេះអភិបាលខេត្តព្រះសីហនុ លោក គួច ចំរើន បានយកចិត្តយ៉ាងខ្លាំង និងបានចាត់ឲ្យទាំងអាជ្ញាធរ និងសមត្ថកិច្ចទាក់ទងអន្តរាគមន៍នាំយកសព របស់នាង...
ផ្ទះខ្មោចលងដាច់ផ្ងារជាងគេបំផុតនៅអង់គ្លេសលក់ដាច់ក្នុងតម្លៃ២៤ម៉ឺនផោន
ផ្ទះខ្មោចលងដាច់ផ្ងារជាងគេបំផុតនៅចក្រភពអង់គ្លេស នៅទីបំផុតបានលក់ដាច់ហើយក្នុងតម្លៃ២៤ម៉ឺនផោន រយៈពេលជិត៣ឆ្នាំក្រោយពេលដាក់លក់ឡៃឡុងលើទីផ្សារ ថ្វីត្បិតតែមានសេចក្តីរាយការណ៍ថា នៅតែមានព្រលឹងវិញ្ញាណខ្មោចរុញមនុស្សឲ្យធ្លាក់ចុះពីជណ្តើរក៏ដោយ។
ផ្ទះខ្មោចមានបន្ទប់ដេក២ ដែលគេហៅឈ្មោះ The Cage នេះ ស្ថិតនៅទីក្រុង St Osyth នៃស្រុក Essex ជាកន្លែងដែលគេទើបរកឃើញសាកសពជនអន្តោប្រវេសន៍ចិន និងវៀតណាមកាលពីពេលថ្មីៗនេះ និងជាផ្ទះមួយខ្នងធ្លាប់ធ្វើជាគុក តាំងពីមជ្ឈិមសម័យ រហូតដល់ឆ្នាំ១៩០៨ ហើយនិងជាផ្ទះដែលល្បីល្បាញបំផុតរឿងខ្មោចលងដាច់ព្រលឹង ក្រោយពេលដែលម្ចាស់ផ្ទះ គឺលោកស្រី Vanessa Mitchell បានសម្រេចចិត្តបោះបង់ផ្ទះចោល ដោយសារតែឃើញដានជើង សូរសំឡេងក្តុងក្តាំង និងស្រមោលនៅក្នុងផ្ទះរួចមកនោះ។
លោកស្រី Mitchell បានដាក់ផ្ទះនេះលក់ក្នុងតម្លៃតែ១៨ម៉ឺនផោនប៉ុណ្ណោះ កាលពីខែកុម្ភះ ឆ្នាំ២០១៦ ក្រោយពេលបិសាចពពែ ត្រូវបានថតជាប់នៅក្នុងកាមេរ៉ាសុវត្ថិភាព...
ជប៉ុនចាយលុយ១លានដុល្លារផលិតព្រះសង្ឃយន្តមួយគ្រឿងដែលអាចសម្តែងធម៌ទេសនាបានយ៉ាងក្បោះក្បាយ
សង្ឃយន្តចេះសម្តែងធម៌ទេសនា បានយ៉ាងក្បោះក្បាយនៅឯអារាមមួយកន្លែងក្នុងប្រទេសជប៉ុន ក្នុងគោលបំណងដើម្បីបង្កើនចំណាប់អារម្មណ៍សាធារណជន លើការបង្រៀនធម៌ក្នុងព្រះពុទ្ធសាសនា។
ស្របពេលដែលវត្តអារាមនៅក្នុងប្រទេសជប៉ុន សង្ឃឹមថា សង្ឃយន្តនឹងអាចផ្លាស់ប្តូរមុខមាត់ព្រះពុទ្ធសាសនាបាននោះ ក្រុមអ្នករិះគន់មួយចំនួនបែរជាចាត់ទុកសង្ឃយន្តនេះ ប្រៀបបាននឹងសត្វចម្លែក Frankensteinទៅវិញ។
សង្ឃយន្ត Kannon ដែលដើរដោយប្រព័ន្ធ Android បានផ្អែកលើមេត្ដាករុណាធម៌ ផ្ដល់ឱវាទព្រះធម៌ នៅអារាមកូដៃជិអាយុកាល៤០០ឆ្នាំ ស្ថិតក្នុងទីក្រុងក្យូតូ ។
ព្រះសង្ឃយន្តប៉ុនមនុស្សនេះ ចាប់ផ្ដើមផ្ដល់សេវាកម្មកាលពីដើមឆ្នាំ និងអាចធ្វើចលនាម្រាមដៃជើង ដៃ និងព្រះកេស។ ប៉ុន្ដែមានតែបរិវេណដៃ មុខ និងស្មាប៉ុណ្ណោះ ដែលស្រោបស៊ីលីកូនជំនួសស្បែកមនុស្ស។
ព្រះសង្ឃយន្តដែលត្រូវបានអភិវឌ្ឍន៍ឡើងដោយអារាមកូដៃជិ និងលោក Hiroshi Ishiguro ដែលជាផលិតករមនុស្សយន្តមកពីសាកលវិទ្យាល័យអូសាកានោះ ត្រូវការថវិកា១លានដុល្លារ ដើម្បីអាចអភិវឌ្ឍន៍វាឡើង ហើយព្រះសង្ឃយន្តនេះ អាចប្រណម្យសំពះ និងផ្ដល់ពុទ្ធឱវាទក្នុងសំឡេងដ៏ស្រទន់...
រដ្ឋមន្ត្រីមួយចំនួនរបស់ជប៉ុនបានលាលែងពីតំណែងជាបន្តបន្ទាប់ !
កាលពីពេលកន្លងទៅនេះ រដ្ឋមន្ត្រីក្រសួងពាណិជ្ជកម្ម របស់ប្រទេសជប៉ុនលោក អ៊ីស៊ូ ស៊ូហ្គាវ៉ារ៉ា Isshu Sugawara បានលាលែងពីតំណែង ចំពេលមានការចោទប្រកាន់ថា ការិយាល័យរបស់លោក បានផ្តល់ប្រាក់ និងអំណោយដ៏គួរឲ្យសោកស្តាយ ដល់អ្នកគាំទ្រដោយរំលោភលើច្បាប់ បោះឆ្នោតរបស់ប្រទេស។ បន្ទាប់ពីការលាលែងពីតំណែងរបស់លោក រដ្ឋមន្ត្រីក្រសួងពាណិជ្ជកម្ម មិនទាន់បានប៉ុន្មានថ្ងៃផង ស្រាប់តែលោក Katsuyuki Kawai រដ្ឋមន្ត្រីក្រសួងយុត្តិធម៌ នៅថ្ងៃទី៣១ ខែតុលា ឆ្នាំ២០១៩ បានសុំលាលែងចេញពីតំណែង បន្ទាប់ពីរងការចោទថា ភរិយារបស់លោកបានបំពានច្បាប់បោះឆ្នោត។
ការសម្រេចនេះ បន្ទាប់ពីទស្សនាវដ្តី Shukan Bunshun tabloid បានចេញផ្សាយដោយចោទប្រកាន់ថា ភរិយារបស់រដ្ឋមន្ត្រីខាងលើ គឺលោកស្រី...
ប្រាសាទShuri ដែលជាកន្លែងប្រវត្តិសាស្ត្រមួយរបស់ប្រទេសជប៉ុន ត្រូវបានអគ្គីភ័យលេបត្របាក់
អគ្គិភ័យដ៏ធំមួយបានឆាបឆេះនៅលើប្រាសាទShuri ដែលជាកន្លែងប្រវត្តិសាស្ត្រមួយរបស់ប្រទេសជប៉ុន នៅលើកោះអូគីណាវ៉ា ស្ថិតនៅភាគខាងត្បូងប្រទេស នៅព្រឹកថ្ងៃព្រហស្បតិ៍ទី ៣១ ខែតុលានេះ ដែលបានឆេះរាលដាលពាសពេញ បរិវេណបេតិកភណ្ឌបេតិកភណ្ឌពិភពលោកនេះតែម្តង ។ នេះបើយោងតាមការចេញផ្សាយរបស់ Channel News Asia។
រហូតមកដល់ពេលនេះ ពុំមិនទាន់មានសេចក្ដីរាយការណ៍ពីមូលហេតុបង្កឱ្យភ្លើងឆាបឆេះ ឬក៏ជនរគ្រោះ ណាម្នាក់នៅឡើយទេ ខណៈក្រុមអ្នកពន្លត់អគ្គិភ័យកំពុងប្រយុទ្ធនឹងអណ្ដាតភ្លើង។
គួរបញ្ជាក់ដែរថាShuri ត្រូវបានសាងសង់ឡើងកាលពីជាង៥០០ឆ្នាំមុន ក្រោមរជ្ជកាលស្ដេច Ryukyu ហើយវាត្រូវបានចាត់ទុកជារតនសម្បត្តិជប៉ុននៅឆ្នាំ១៩៣៣។
UN៖ មនុស្សយន្តពិឃាតមិនត្រូវសម្រេចចិត្តដោយខ្លួនឯងក្នុងការវាយប្រហារមកលើគូសត្រូវរបស់ខ្លួនជាដាច់ខាត
ក្រុមយុទ្ធនាការបញ្ឈប់មនុស្សយន្តពិឃាត “The Campaign To Stop Killer Robots” របស់អង្គការសហប្រជាជាតិ បានធ្វើការព្រមានថាមិនត្រូវឲ្យមានការសម្រេចចិត្តសម្លាប់មនុស្សដោយមនុស្សយន្តពិឃាតទាំងអស់នេះឡើយ។
រយៈពេលប៉ុន្មានថ្ងៃក្រោយយោធាសហរដ្ឋអាមេរិកបានប្រកាសឲ្យដឹងពីគម្រោងការ Project Quarterbackគឺជាបេសកកម្មមួយឲ្យក្រុមចារកិច្ចសិប្បនិម្មិតមនុស្សយន្តពិឃាត ទទួលខុសត្រូវអង្គភាពយោធាសម្រាប់ការសម្រេចចិត្តបើកការវាយប្រហារនោះ ក្រុមយុទ្ធការមួយនេះ បានធ្វើការព្រមានចំពោះមនុស្សយន្តពិឃាតស្វយ័តមួយនេះ។
ក្រុមមួយនេះ បានអំពាវនាវឲ្យសហគមន៍អន្តរជាតិ ធ្វើពង្រាងសន្ធិសញ្ញាមួយ ដើម្បីកំណត់ការវាយប្រហារតាមច្រកអាកាស ដីគោក និងក្នុងសមុទ្រ ដោយគ្មានការធ្វើអន្តរាគមន៍ណាមួយពីមនុស្សនោះ។
លោកស្រី Jody Williams ដែលបានឈ្នះពានរង្វាន់ណូបែលសន្តិភាពកាលពីឆ្នាំ១៩៩៧ សម្រាប់ការងាររបស់អ្នកស្រីជាមួយយុទ្ធនាការអន្តរជាតិហាមប្រាមមីនលើដី “International Campaign to Ban Land Mines” នោះ បាននិយាយពីមនុស្សយន្តពិឃាតនេះ តាងនាមឲ្យក្រុមរបស់លោកស្រី។
លោកស្រី បាននិយាយអំឡុងជំនួបរបស់អង្គការសហប្រជាជាតិថា...
