https://www.dnt-newsasia.com/wp-content/uploads/2022/07/dai_ichi.gif

ព័ត៌មានអន្តរជាតិ

ពិតជា​ធ្វេសប្រហែស​ពេក​ហើយ​ទុក​ឲ្យ​ក្មេងស្រី​តូច​ដើរ​លើ​គែម​អគារ​ផ្ទះល្វែង​កម្ពស់​៥​ជាន់​បែបនេះ​

នេះ​គឺជា​ពេលវេលា​ដ៏​គួរ​ឲ្យ​តក់ស្លុត​បំផុត​មួយ ពេលដែល​កូនក្មេង​តូច​ម្នាក់​ប្រឈម​នឹង​សេចក្តី​សេចក្តីស្លាប់​គ្រប់​វិនាទី ដោយសារតែ​ការដើរ​លើ​គែម​ផ្ទះល្វែង​ជាន់​ទី​៥​។​វីដេអូ​ដែល​គេ​បាន​បង្ហោះ​តាម​អន​ឡាញ ឃើញ​ក្មេងស្រី​តូច​ម្នាក់ ដើរ​លើ​គែម​ផ្ទះល្វែង​វិស្សមកាល​របស់​គ្រួសារ​មួយ​ស្ថិតនៅក្នុង​ទីក្រុង Adeje នៃ​កោះ Tenerife​ប្រទេស​អេ​ស្ប៉ា​ញ ខណៈពេលដែល​ម្តាយ​របស់​នាង កំពុង​ងូតទឹក​។​ ​ក្រោយ​ឡើង​តាម​បង្អួច រួច​ដើរ​តាម​គែម​ផ្ទះ ក្មេង​តូច​ម្នាក់នេះ ក៏​ដើរ​ដល់​ជណ្តើរ​នៅ​ជុំវិញ​រានហាល ហើយ​និង​បាន​អង្គុយ​នៅ​ទីនោះ​។​ប៉ុន្តែ​រឿង​ដែល​គួរ​ឲ្យ​ហួសចិត្ត​មួយទៀត ក្មេងស្រី​តូច​ម្នាក់នេះ មិន​ព្រម​ឡើងទៅ​លើរាន​ហាល​នោះទេ តែ​នាង​បែរជា​ចាប់ផ្តើម​ដើរ​តាមផ្លូវ​ដែល​នាង​ដើរមក​ត្រឡប់មកវិញ​។​ក្មេងស្រី​ម្នាក់នេះ ក៏​លោត​ពេលដែល​នាង​ផុត​ជើង ហើយ​និង​ត្រឡប់មក​តាម​ចង្អូរ​គេ​ម​វិញ មុនពេល​ឈប់​នៅត្រង់​មាត់​បង្អួច ជា​កន្លែង​ដែល​វីដេអូ បញ្ចប់​។​ប្រភពព័ត៌មាន បាន​ឲ្យ​ដឹងថា គ្រួសារ​ក្មេងស្រី​តូច​ម្នាក់នេះ គឺជា​អ្នកទេសចរ​មកពី​ប្រទេស​ហ្វាំ​ង​ឡង់ ប៉ុន្តែ​គេ​មិន​បានដឹង​ច្បាស់​នោះទេ​ថា​តើ​ពួកគេ​បាន​វិលត្រឡប់​ទៅផ្ទះ​វិញ​ឬ​នៅ ចាប់តាំងពី​ជួប​ហេតុការណ៍​ដ៏​គួរ​រន្ធត់​នោះ​។​ក្រុមហ៊ុន​គ្រប់គ្រង​ផ្ទះល្វែង​នេះ​បាន​បញ្ជូន​សេចក្តីរាយការណ៍​សុវត្ថិភាព​ដល់​សាលាក្រុង ដើម្បី​ឆ្លើយតប​នឹង​ឧប្បត្តិហេតុ​មួយ​នេះ​។ ​អ្នកជិតខាង​ម្នាក់ បាន​និយាយថា ពួកគេ​មានការ​ភ្ញាក់ផ្អើល​ខ្លាំងណាស់ នៅពេលដែល​គ្មាន​រឿងហេតុ​អាក្រក់​កើតឡើង​ចំពោះ​ក្មេងស្រី​តូច ខណៈដែល​អ្នកជិតខាង​ម្នាក់ទៀត​បាន​អះអាងថា ក្មេងស្រី​ម្នាក់នេះ ពិតជា​សំណាង​ខ្លាំងណាស់...

ដើម្បី​ផ្គាប់ចិត្ត​ព្រះទ័យ​ព្រះ​នាង Durga​ធ្វើ​ឲ្យ​បុរស​ម្នាក់​ហ៊ាន​ដល់​ថ្នាក់​បូជាយញ្ញ​ប្អូនស្រី​បង្កើត និង​ក្មេងប្រុស​អាយុ​៩​ឆ្នាំ​ទាំង​រស់

​បុរស​ម្នាក់ បានសម្លាប់​ប្អូនស្រី​បង្កើត​អាយុ​១២​ឆ្នាំ​របស់ខ្លួន ដើម្បី​ផ្គាប់ចិត្ត​ទេពធីតា​សង្គ្រាម​ហិណ្ឌូ ខណៈពេលដែល​លោក​ស្ថិតនៅ​ក្រៅ​ឃុំ​ក្រោយ​ដាក់​ដ​ម្ក​ល់​សម្រាប់​ករណី​កាត់​ក្បាល​ក្មេងប្រុស​អាយុ​៩​ឆ្នាំ សម្រាប់​ហេតុផល​តែមួយ ដែល​ហេតុការណ៍​ដ៏​ហួសចិត្ត​នេះ បាន​កើតឡើង​នៅក្នុង​ប្រទេស​ឥណ្ឌា​។​លោក Subhoban Rana អាយុ​២៨​ឆ្នាំ បាន​សារភាព​ចំពោះ​ការបូជា​យញ្ញ​ប្អូនស្រី Janai ដើម្បី​ផ្ញា​ប់​ចិត្ត​ព្រះ​នាង Durga ឲ្យ​បំពេញ​បំណង​របស់លោក​នៅ​ថ្ងៃ​ណាមួយ ក្រោយ​ពេលដែល​លោក​ចេញពី​គុក​។ ​លោក Rana​រង​ការចោទប្រកាន់ថា បាន​នាំ​ប្អូនស្រី​បង្កើត​របស់ខ្លួន​ទៅក្នុង​ព្រៃ​ក្បែរ​ផ្ទះ កាលពី​ថ្ងៃទី​២៤ ខែធ្នូ​កន្លងទៅ ដើម្បី​បូជា​យ​ញ្ញា​រូបនាង​ដល់​ព្រះ​នាង Durga​។​ក្រុមនគរបាល បាន​រកឃើញ​ខ្លួន​អត់​ក្បាល​របស់​នាង Janai​កាលពី​ថ្ងៃទី​៧ ខែមករា​កន្លងទៅ​។ ក្រោយ​ពេលដែល​នាង Janai មិនបាន​វិល​ត្រឡប់មកផ្ទះ​អស់​រយៈពេល​២​ថ្ងៃ គ្រួសារ​របស់​នាង​ក៏បាន​ដាក់ពាក្យ​បណ្តឹង​ពី​ការបាត់​ខ្លួន​របស់​នាង​នៅឯ​ប៉ុស្តិ៍នគរបាល​ក្នុងស្រុក​។​អ្នកភូមិ​ចាប់ផ្តើម​សង្ស័យ​លើ​លោក Rana​ដោយសារតែ​ការចាប់ខ្លួន​លើក​មុន​របស់គាត់ ពាក់ព័ន្ធ​នឹង​ការបូជា​យញ្ញ​មនុស្ស​ទាំង​រស់​កាលពីរ​យៈ​ពេល​៤​ខែ​មុន​។​លោក Madkar Sandeep Sampat...

ឃោ​ឃៅ​ម្ល៉េះ​នាង​ចាក់​សម្លាប់​កូនប្រុស​អាយុ​៧​ខែ​យ៉ាង​ព្រៃផ្សៃ រួច​គ្រវែង​កូនប្រុស​អាយុ​២​ខួប​ម្នាក់ទៀត​ចេញពី​អគារ​ជាន់​ទី​១១​រួច​លោត​សម្លាប់ខ្លួន​តាម​ក្រោយ​

ម្តាយ​វ័យក្មេង​គិត​ខ្លី​ម្នាក់ រង​ការចោទប្រកាន់​ពីបទ​ធ្វើឃាត​កូនប្រុស​២​នាក់​របស់​នាង ក្រោយពី​ចាក់​សម្លាប់​កូនប្រុស​អាយុ​៧​ខែ​យ៉ាង​ព្រៃផ្សៃ​ជាទីបំផុត ហើយ​និង​បាន​គ្រវែង​កូនប្រុស​អាយុ​២​ខួប​ម្នាក់ទៀត ចេញ​ពីលើ​អគារ​ជាន់​ទី​១១ ដែល​ហេតុការណ៍​នេះ បាន​កើតឡើង​នៅក្នុង​ទីក្រុង​ឈី​កា​ហ្គោ សហរដ្ឋអាមេរិក​។​ ​ក្រុម​រដ្ឋ​អាជ្ញាធរ បាន​អះអាងថា ក្រោយពី​វាយប្រហារ​មកលើ​ជីតា​អាយុ​៧០​ឆ្នាំ និង​សម្លាប់​កូនប្រុស​ទាំង​២​នាក់​រួច ម្តាយ​ចិត្តខ្លាំង​ជាង​ខ្លា​វ័យ​២២​ឆ្នាំ ដែលមាន​ឈ្មោះ Aleah Newell ម្នាក់នេះ បាន​ព្យាយាម​លោត​សម្លាប់ខ្លួន​ពីលើ​អគារ​ខ្ពស់​ម​នោះដែរ តែ​មិនបាន​សម្រេច​។​រយៈពេល​ប៉ុន្មាន​ថ្ងៃ​មុនពេល​កើតហេតុ នាង Aleah Newell បានស្នើ​សុំ​ជំនួយ​ពី​សាច់ញាតិ និង​សុំ​ឲ្យ​នាំយក​កូនប្រុស​ទាំង​២​នាក់​ចេញពី​នាង ព្រោះតែ​នាង​មិនអាច​ថែរក្សា​ពួកគេ​បាន​។​ក្រុម​រដ្ឋអាជ្ញា​បាន​បញ្ជាក់ថា ទារក Ameer​អាយុ​៧​ខែ ត្រូវបាន​ម្តាយ​ចិត្ត​អប្រិយ​ចាក់​១៩​កាំបិត ហើយ​និង​ដាក់ចូល​ទៅក្នុង​អាង​ងូតទឹក​ដែលមាន​ទឹក​ក្តៅ ធ្វើ​ឲ្យ​ខ្លួនប្រាណ​ទារក​ម្នាក់នេះ​រលាក់​ទឹក​ក្តៅរ​ឡេះ​រលួយ​សាច់​គ្មាន​សល់​។​បន្ទាប់មក នាង Newell ដែល​រស់នៅ​ជ្រកកោន​តាម​ជម្រក​តង់​គ្មាន​ផ្ទះសម្បែង​នោះ បាន​ទៅ​បន្ទប់​ទទួល​ភ្លៀវ ជា​កន្លែង​ដែល​នាង​បាន​ចោល​កូនប្រុស...

អ្នកវិទ្យាសាស្ត្រ​លើកដំបូង​គេ​របស់​អង់គ្លេស​អះអាងថា មនុស្ស​ក្រៅ​ភព​មាន​ពិតមែន ហើយ​អាចធ្វើ​ដំណើរ​មកកាន់​ផែនដី​រួចទៅហើយ

អ្នកវិទ្យាសាស្ត្រ​ដំបូង​គេ​របស់​អង់គ្លេស គឺ​លោកស្រី​វេជ្ជបណ្ឌិត Helen Sharman បាន​អះអាងថា និយាយថា មនុស្ស​ពិភព​ផ្កាយ​មាន​ពិតមែន ហើយ​អាច​នឹងធ្វើ​ដំណើរ​មកកាន់​ផែនដី​រួចទៅហើយ គ្រាន់តែ​ពួកយើង​មិនអាច​ជួប​ពួកគេ​តែប៉ុណ្ណោះ​។​អវកាសយានិក​វ័យ​៥៦​ឆ្នាំ​ម្នាក់នេះ បាន​និយាយថា អាច​នឹងមាន​នូវ​ជីវិត​បែបនេះ​នៅ​ទីនោះ ដោយសារតែ​ទីនោះ មាននូវ​តារា​រាប់ពាន់​លាន ហើយ​និង​ប្រព័ន្ធ​ព្រះអាទិត្យ​។​ គួរ​ឲ្យ​ដឹងថា លោកស្រី Helen Sharman បាន​ឡើងទៅ​កាន់​គន្លង​តារាវិថី កាលពី​ឆ្នាំ​១៩៩១ ដែលជា​ផ្នែក​មួយ​នៃ​គម្រោង​សហភាពសូវៀត ហើយ​និង​បាន​ចំណាយពេល​ជិត​៨​ថ្ងៃ​នៅក្នុង​ទី​អវកាស​នៅលើ​យាន Soyuz TM-12 និង​ក្នុង​ស្ថានីយ៍​អវកាស Mir មុន​ពេលដែល​លោកស្រី វិលត្រឡប់​មកកាន់​ផែនដី​វិញ​។​អវកាសយានិក​លើកដំបូង​របស់​អង់គ្លេស​រូបនេះ បាន​និយាយប្រាប់​ទស្សនា​វ​ដ្តី The Observer Magazine ថា មនុស្ស​ក្រៅ​ភព​ពិត​មាន​ពិតមែន ដោយសារ​តែមាន​តារា​រាប់ពាន់​លាន​នៅក្នុង​ចក្រ​វា​ឡ...

ស្នាម​ទឹក​ក្តៅ​ដ៏​ចម្លែក​ទំហំ​ជាង​១​លា​នគ​.​ម​ក្រឡា​ត្រូវបាន​រកឃើញ​នៅក្នុង​មហាសមុទ្រ​ប៉ាស៊ីហ្វិក​

​ស្នាម​ទឹក​ក្តៅ​ដែលមាន​សីតុណ្ហភាព​ខ្ពស់​ដ៏​ធំ​បំផុត​មួយ​នៅក្នុង​មហាសមុទ្រ​ប៉ាស៊ីហ្វិក បានធ្វើ​ឲ្យ​ក្រុម​អ្នកវិទ្យាសាស្ត្រ​មានការ​ឈឺក្បាល​យ៉ាងខ្លាំង​។​គ្របដណ្តប់​លើ​ផ្ទៃ​ទឹក​ជាង​១​លា​នគ​.​ម​ក្រឡា វា​គឺជា​ស្នាម​ទឹក​ក្តៅ​ដ៏​ធំ​បំផុត​មួយ ស្ថិតនៅក្នុង​មហាសមុទ្រ​ប៉ាស៊ីហ្វិក ដែលមាន​ចម្ងាយ​ប្រហែល​៨០០​គ​.​ម​ពី​តំបន់ឆ្នេរ​សមុទ្រ​ប្រទេស​ណូ​វែ​ល​សេ​ឡង់​។​ សីតុណ្ហភាព​ទឹក​មធ្យម​នៅក្នុង​តំបន់​នោះ គឺមាន​ប្រហែលជា​៦​អង្សា​សេ​ខ្ពស់ជាង​ការរំពឹងទុក​។​លោក James Renwick គឺជា​អ្នកវិទ្យាសាស្ត្រ​ផ្នែក​ភូមិសាស្ត្រ បរិស្ថាន និង​វិទ្យាសាស្ត្រ​ផែនដី នៅឯ​សាកលវិទ្យាល័យ Victoria ស្ថិតក្នុង​ទីក្រុង Wellington ប្រទេស​ណូ​វែ​ល​សេ​ឡង់ បាន​និយាយថា វា​គឺជា​ទឹកសមុទ្រ​ដែល​ក្តៅ​ជាងគេ​នៅលើ​ផែនដី​របស់​យើង​នាពេល​ឥឡូវនេះ​។​តាម​ធម្មតា​សីតុណ្ហភាព​របស់​វា​មាន​ត្រឹមតែ​១៥​អង្សា​សេ​ប៉ុណ្ណោះ ប៉ុន្តែ​នៅពេលនេះ វា​មាន​រហូតដល់​លើសពី​២០​អង្សារ​សេ​ទៅហើយ ហើយ​មូល​ហេតុដែល​នាំ​ឲ្យ​ទឹក​ឡើង​ក្តៅ​បែបនេះ គេ​មិនទាន់​ដឹង​ច្បាស់​នោះទេ​។​លោក Renwick បាន​និយាយថា វា​គឺជា​រឿង​ធម្មតា​ទៅហើយ​ដែល​គេ​មើលឃើញ​ទឹក​ក្តៅ​ជាងគេ​នៅក្រៅ​តំបន់ឆ្នេរ​ប្រទេស​ណូ​វែ​ល​សេ​ឡង់ ប៉ុន្តែ​នៅក្នុង​ទំហំ​នៃ​ការឡើង​កម្តៅ​ពី​៤ ឬ​៥ រហូតដល់​៦​អង្សារ​បែបនេះ វា​មិនមែនជា​រឿង​ធម្មតា​នោះទេ​។ នៅក្នុង​រយៈពេល​ប៉ុន្មាន​សប្តាហ៍​ទៀត​នេះ ក្រុម​អ្នកវិទ្យាសាស្ត្រ នឹង​ចាប់ផ្តើម​ការសិក្សា​របស់​ពួកគេ ដើម្បី​កំណត់​ឲ្យ​បាន​ពី​មូលហេតុ​ពិតប្រាកដ​ដែល​នាំ​ឲ្យ​ទឹក​មហាសមុទ្រ​ឡើងក​ម្តៅ​ខុសពី​ធម្មតា​បែបនេះ​។​ ​ទោះបីជា​យ៉ាងណាក៏ដោយ ការឡើង​កម្តៅ​ផែនដី...

លោក​ត្រាំ​អះអាងថា​គ្មាន​អាយុជីវិត​ទាហាន​អាមេរិក ឬ​អ៊ីរ៉ាក់​ណា​ម្នាក់​បាត់បង់​ដោយសារតែ​មី​ស៊ី​ល អ៊ីរ៉ង់​នោះឡើយ​

​ប្រធានាធិបតី​សហរដ្ឋអាមេរិក លោក​ដូ​ណា​ល់ ត្រាំ បាន​និយាយថា អ៊ីរ៉ង់ ទំនងជា​ត្រូវ​អង្គុយ​ចុះ​នៅ​ឲ្យ​ស្ងៀម ក្រោយ​ពួកគេ​បាញ់​មី​ស៊ី​លម​កលើ​មូលដ្ឋាន​កងទ័ពអាកាស​សហរដ្ឋអាមេរិក​នៅក្នុង​ប្រទេស​អ៊ីរ៉ាក់​។​អំឡុង​សុន្ទរកថា​តាម​កញ្ចក់​ទូរទស្សន៍​ចេញពី​សេត​វិមាន លោក​ត្រាំ បាន​អះអាងថា គ្មាន​អាយុជីវិត​ទាហាន​អាមេរិក ឬ​អ៊ីរ៉ាក់​ណា​ម្នាក់ បាត់បង់​នោះឡើយ នៅក្នុង​ការវាយប្រហារ​ទាំងនេះ ហើយ​មូលដ្ឋាន​ទ័ពអាកាស​ពួកគេ រង​ការខូចខាត​ក្នុង​ទំហំ​តិចតួច​បំផុត​តែប៉ុណ្ណោះ​។​គួរ​ឲ្យ​ដឹងថា មូលដ្ឋាន​កងទ័ពអាកាស​អ៊ី​រ៉ា​ប៊ី​ល និង​អាល់ អាសាដ បាន​រង​ការវាយប្រហារ​ដោយ​មី​ស៊ី​ល​កាលពី​ព្រឹក​ថ្ងៃ​ពុធ ម៉ោង​ក្នុងស្រុក​។​ ​អ៊ីរ៉ង់ បាន​និយាយថា ការវាយប្រហារ​នេះ គឺ​ដើម្បី​សងសឹក​ក្រោយ​ការសម្លាប់​មេបញ្ជាការ​យោធា​ជាន់ខ្ពស់​អ៊ីរ៉ង់ គឺ​លោក កា​សេម សូ​ឡេ​ម៉ា​នី កាលពី​សប្តាហ៍​មុន​។​ការវាយប្រហារ​ដោយ​យាន​ដ្រូ​ន​សហរដ្ឋអាមេរិក មាន​គោលដៅ​មកលើ​លោក​កា​សេម នៅក្នុង​រដ្ឋធានី​បា​ដា​ដ ប្រទេស​អ៊ីរ៉ាក់ បានក្លាយ​ជាការ​ឡើងក​ម្តៅ​ភាព​តានតឹង​យ៉ាងខ្លាំង ដែល​អាច​ក្លាយជា​សង្គ្រាម ស្របពេល​ដែលមាន​ទំនាក់ទំនង​ដ៏​អាក្រក់​រួចទៅហើយ​រវាង​អ៊ីរ៉ង់ និង​សហរដ្ឋអាមេរិក​។​មេដឹកនាំ​កំពូល​អ៊ីរ៉ង់...

បាបកម្ម​ចាប់រំលោភ​ស្រី ក្រោយពី​ស៊ី​បាយ​គុក​អស់​៧​ឆ្នាំ​តុលា​ការចេញ​ប៉ាស្ព័រ​យកទៅ​ព្យួរ​-​កនៅ​ថ្ងៃទី​២២ មករា ខាងមុខនេះ​

…​នៅ​ប្រទេស​ឥណ្ឌា​រឿងរ៉ាវ​ចាប់រំលោភ​ស្ត្រីភេទ​ពួកឧក្រិដ្ឋជន​ដែល​ត្រូវ​ប៉ូលិស​ចាប់បាន​បញ្ជូនទៅ​តុលាការ​មានតែ​ផ្លូវស្លាប់​ប៉ុណ្ណោះ​។ កាលពីពេល​កន្លងទៅ​ថ្មីៗ​នេះ​តុលាការ​ប្រទេស​ឥណ្ឌា បានចេញ​សាលក្រម​ផ្ដន្ទាទោស កាត់ទោស​ប្រហារជីវិត ដោយ​ព្យួរ​ក​បុរស ០៤​នាក់ ពីបទ​រំលោភ និង​សម្លាប់​និស្សិត​សាកលវិទ្យាល័យ​ទីក្រុង​ញូ​ដេលី ម្នាក់ កាលពី​ឆ្នាំ​២០១២ ហើយ​ការប្រហារជីវិត​ជន​ទាំង​០៤​នាក់ នេះ នឹងត្រូវ​ធ្វើឡើង​នៅ​ថ្ងៃទី​២២ ខែមករា ខាងមុខនេះ​។​ ​នេះ​បើតាម​ការផ្សាយ​របស់​សារព័ត៌មាន CNA នៅ​ព្រឹក​ថ្ងៃ​ពុធ ទី​០៨ ខែមករា ឆ្នាំ​២០២០​នេះ​។​ករណី​រំលោភ និង​សម្លាប់​និស្សិត​ស្រី​ម្នាក់នេះ ដំបូង​ឡើយ​មនុស្ស​ចំនួន​០៦​នាក់​ត្រូវបាន​តុលាការ​ផ្ដន្ទាទោស​ប្រហារជីវិត ពីបទ​រំលោភ​សម្លាប់​និស្សិត​ស្រី​ឈ្មោះ ជី​យ៉ូ​ទី ស៊ី​ង (Jyoti Singh) អាយុ​២៣​ឆ្នាំ ប៉ុន្តែ​ក្រោយមក​មនុស្ស​ម្នាក់​ត្រូវបាន​គេ​ដោះលែង​ឱ្យមាន​សេរីភាព និង​ម្នាក់ទៀត​បានធ្វើ​អត្តឃាត​អំឡុងពេល​ឃុំខ្លួន​រង់ចាំ​សវនាការ​។ ទើបតែ​នៅ​ថ្ងៃ​អង្គារ ទី​៧​មករា តុលាការ​ក្នុង​ទីក្រុង​ញូ​ដេលី បានចេញ​សាលក្រម​បង្គាប់...

សិង្ហ​បុរី​ប្រកាស​បង្វែរ​ទិសដៅ​ហោះហើរ ហ្វីលីពីន​បញ្ជារ​ជម្លៀស​ពលរដ្ឋ​ខ្លួន​ចេញពី​អ៊ីរ៉ង់ ខណៈដែល​អាមេរិក​ហាម​មិន​ឲ្យ​មាន​ប្រតិបត្តិការ​នៅលើ​ដែនអាកាស​ពីលើ​អ៊ីរ៉ាក់ ក្រោយ​ការវាយប្រហារ​ដោយ​មី​ស៊ី​ល​របស់​អ៊ីរ៉ង់

ក្រុមហ៊ុន​អាកាសចរ​សិង្ហ​បុរី​បាន​និយាយ​នៅ​ថ្ងៃ​ពុធ​នេះ​ថា ខ្លួន​បាន​បង្វែរ​ទិសដៅ​ហោះហើរ​រាល់​ផ្លូវ​ជើងហោះហើរ​គ្រប់​វ៉ុល​ទាំងអស់​ចេញពី​ដែនអាកាស​អ៊ីរ៉ង់​។​ការសម្រេចចិត្ត​បែបនេះ ក្រោយ​ពេលដែល​អ៊ីរ៉ង់ បាន​អះអាងថា ពួកគេ​បាន​បើក​ការវាយប្រហារ​ដោយ​មី​ស៊ី​ល​មកលើ​កងកម្លាំង​ដឹកនាំ​ដោយ​សហរដ្ឋអាមេរិក​នៅ​ក្នុងប្រទេស​អ៊ីរ៉ាក់ កាលពី​ព្រឹក​ថ្ងៃ​ពុធ​នេះ ដើម្បី​សងសឹក​នឹង​ការវាយប្រហារ​ដោយ​យាន​ដ្រូ​ន​សហរដ្ឋអាមេរិក មកលើ​មេបញ្ជាការ​យោធា​ជាន់ខ្ពស់​អ៊ីរ៉ង់ លោក​កា​សេម សូ​ឡេ​ម៉ា​នី ដែល​ការស្លាប់​របស់លោក បាន​បង្កក្តី​កង្វល់​ដល់​សង្គ្រាម​ទ្រង់ទ្រាយ​ធំ​ជាង​មុន​នៅក្នុង​តំបន់​មជ្ឈិមបូព៌ា​។​ ​ក្រុមហ៊ុន​អាកាសចរណ៍​សិង្ហ​បុរី បាន​និយាយ​នៅក្នុង​អ៊ី​ម៉ែ​ល​ដោយ​មិន​ផ្តល់​ហេតុផល​នៃ​ការ​បង្វែរ​ទិសដៅ​ហោះហើរ​ថា រាល់​ផ្លូវ​ជើងហោះហើរ​គ្រប់​វ៉ុល​ទាំងអស់​របស់​ក្រុមហ៊ុន​អាកាស​អាកាសចរណ៍​សិង្ហ​បុរី នឹងត្រូវ​បង្វែរ​ទិសដៅ​ហោះហើរ​ចេញពី​ដែនអាកាស​អ៊ីរ៉ង់​។​ខណៈពេល​នោះដែរ ប្រទេស​ហ្វីលីពីន បាន​បញ្ជា​ឲ្យ​មានការ​ជម្លៀស​ជា​ចាំបាច់​សម្រាប់​ពលរដ្ឋ​ហ្វីលីពីន​ទាំងអស់​នៅក្នុង​ប្រទេស​អ៊ីរ៉ាក់ ។ នេះ​បើ​យោងតាម​ការអះអាង​រប​ស់​ក្រសួងការបរទេស​ហ្វីលីពីន​បាន ឲ្យ​ដឹង​នៅ​ថ្ងៃ​ពុធ​នេះ ក្រោយ​ពេលដែល​អ៊ីរ៉ង់ វាយប្រហារ​មកលើ​កង​កម្លាំង​អាមេរិក ដើម្បី​ឆ្លើយតប​នឹង​ការវាយប្រហារ​របស់​អា​មេ​រិ​ក​សម្លាប់​ឧ​ត្ត​ម​សេនីយ៍​អ៊ីរ៉ង់ កាលពី​សប្តាហ៍​មុន​។​លោក​អេ​ឌូ​អា​ដូ ម៉េ​ណេ​ស គឺជា​អ្នកនាំពាក្យ​ក្រសួងការបរទេស​ហ្វីលីពីន បាន​និយាយថា ការប្រកាសអាសន្ន​ក្នុង​កម្រិត​ខ្ពស់បំផុត​នៅក្នុង​ប្រទេស​អ៊ីរ៉ាក់​ទាំងមូល ត្រូវបាន​ធ្វើឡើង​ដើម្បី​អំពាវនាវ​ឲ្យ​មានការ​ជម្លៀស​ជា​ចាំបាច់​នូវ​ពលរដ្ឋ​ហ្វីលីពីន​ទាំងអស់​។​ដោយឡែក រដ្ឋបាល​អាកាសចរណ៍​សហព័ន្ធ​សហរដ្ឋអាមេរិក​(FAA) បាន​អះអាង​ដែរ​ថា ពួកគេ​ហាមប្រាម​ក្រុមហ៊ុន​ដឹកជញ្ជូន​សហរដ្ឋអាមេរិក ពី​ការ​ប្រតិបត្តិការ​នៅក្នុង​ដែនអាកាស​ពីលើ​ប្រទេស​អ៊ីរ៉ាក់ អ៊ីរ៉ង់...

សន្តិសុខ​ត្រូវបាន​រឹត​ប​នឹ្ត​ង​នៅ​ទូទាំង​សហរដ្ឋអាមេរិក ក្រោយ​អ៊ីរ៉ង់​គំរាម​វាយប្រហារ​មកលើ​គោលដៅ​៣៥​របស់​អាមេរិក​

​ ​សន្តិសុខ​ត្រូវបាន​រឹតបន្តឹង​នៅតាម​ទីក្រុង​ជាច្រើន​ទូទាំង​សហរដ្ឋអាមេរិក ដែល​រួមទាំង​ទី​ស្មសាន​ជាតិ Arlington ផងដែរ ក្រោយ​ពេលដែល​អ៊ីរ៉ង់ គំរាម​វាយប្រហារ​មកលើ​គោលដៅ​ចំនួន​៣៥​របស់​អាមេរិក​។​ទី​ស្មសាន​យោធា​នៅក្នុង​រដ្ឋ Virginia​បាន​និយាយ​តាម Twitter​កាលពី​ថ្ងៃ​អង្គា​រថា ពួកគេ​នឹង​បង្កើន​សន្តិសុខ ហើយ​និង​បង្កើន​ការត្រួតពិនិត្យ ដោយសារតែ​ស្ថានភាព​តានតឹង​ដូច​ពេលបច្ចុប្បន្ន​នេះ​។​ ​ការបង្កើន​សន្តិសុខ​បែបនេះ បាន​កើតមានឡើង ក្រោយពេល​អ៊ីរ៉ង់​សន្យាថា នឹង​សងសឹក​ដល់ទី​បញ្ច​ប់ស​ម្រា​ប់​ការសម្លាប់​មេដឹកនាំ​យោធា​កំពូល​របស់​ពួកគេ គឺ​លោក​ឧ​ត្ត​ម​សេនីយ៍ Qassem Soleimani នៅក្នុង​ការវាយប្រហារ​ដោយ​ដ្រូ​ន​សហរដ្ឋអាមេរិក​។​ទីក្រុង New York, Boston និង Los Angeles បានប្រកាស​ដូចគ្នា​ថា ពួកគេ​នឹង​រឹតបន្តឹង​សន្តិសុខ ក្រោយពេល​ការស្លាប់​របស់លោក Soleimani ដែល​ត្រូវបាន​មន្ទីរ​ប​ច្ច​កោណ​ចាត់ទុកថា​ជា​មេដឹកនាំ​អង្គការ​ភេរវកម្ម គឺ​កងកម្លាំង​ច​ម្រាំ​ង​ឃូ​ដ​។​ក្រុមនគរបាល​ប្រចាំ​នៅ​ឧទ្យាន​សហរដ្ឋអាមេរិក បានប្រកាស​ផងដែរ​ថា ពួកគេ​ក៏​ពង្រឹង​សន្តិសុខ​ដូចគ្នា​នៅ​ទូទាំងប្រទេស​។​អ៊ីរ៉ង់​បានធ្វើការ​គំរាមកំហែង​ដាច់អហង្កា​ថា​នឹង​សងសឹក​សហរដ្ឋអាមេរិក ក្រោយ​ពេលដែល​លោក​ប្រធានាធិបតី Donald...

អាមេរិក​បញ្ចេញ​យន្តហោះ​ចម្បាំង F-35A ៥២​គ្រឿង​ដើម្បី​កំ​ញ៉ោង​អ៊ីរ៉ង់​ស្របពេល​ភាព​តានតឹង​ឡើងក​ម្តៅ​ដល់​កម្រិត​កំពូល​ដែល​អាច​នឹង​ផ្ទុះ​ជា​សង្គ្រាម​

​កងកម្លាំង​ទ័ពអាកាស​សហរដ្ឋអាមេរិក​បា​នស​ម្ញែ​ញ​សាច់ដុំ​យន្តហោះ​ចម្បាំង Lightning II ជាង​៥០​គ្រឿង​នៅលើ​ផ្លូវ​រត់ ដើម្បី​កំ​ញ៉ោ​ញ​អ៊ីរ៉ង់ ស្របពេល​មាន​ភាព​តានតឹង​រវាង​ទីក្រុង​វ៉ា​ស៊ី​ង​តោន និង ទីក្រុង​តេ​អេ​រ៉ង់ ឡើងដល់​កំពូល​រង់ចាំ​តែ​ការផ្ទុះ​ជា​សង្គ្រាម​នោះ​។​ យន្តហោះ​ចម្បាំង F-35A ចំនួន​៥២​គ្រឿង ដែលមាន​តម្លៃ​សរុប​៤.២​ពាន់​លាន​ដុល្លារ បាន​ហោះ​ចេញពី​មូលដ្ឋាន​កងទ័ពអាកាស Hill Air Force Base ក្នុង​រដ្ឋ Utah កាលពី​ថ្ងៃ​ចន្ទ​។ វា​គឺ​ជាការ​សមយុទ្ធ​មួយ​ធ្វើឡើង​ដោយ​កងកម្លាំង​បម្រុង Fighter Wings កងពល​ទី​៣៨៨ និង​កងពល​ទី​៤១៩ បង្ហាញ​ពី​សមត្ថភាព​របស់​កង​កម្លាំង​អាកាស​សហរដ្ឋអាមេរិក ក្នុងការ​ដាក់ពង្រាយ​ក​ម្លាំ​ង​យន្តហោះ​ចម្បាំង​F-35A​ទ្រង់ទ្រាយ​ធំ​បំផុត​។​ថ្វីត្បិតតែ​វា​គឺ​សមយុទ្ធ​តាម​ការគ្រោងទុក​យ៉ាងណាក្តី តែ​ការបង្ហាញ​យន្តហោះ​នេះ ត្រូវបាន​គេ​មើលឃើញ​ច្បាស់​ថា មាន​ចេតនា​តែមួយគត់​ចង់​កម្លាច​អ៊ីរ៉ង់ ដែល​បាន​គំរាម​វាយប្រហារ​មកលើ​ពួកគេ ក្រោយពី​ដ្រូ​ន​អាមេរិក​បាញ់សម្លាប់​មេដឹកនាំ​យោធា​កំពូល​របស់​ពួកគេ នៅក្នុង​ប្រទេស​អ៊ីរ៉ាក់​។​កងកម្លាំង​បម្រុង Fighter...