បណ្តាលប្រទេសមួយចំនួនជុំវិញពិភពលោកចាប់ផ្តើមរើសអើងគ្នាបន្ទាប់ពី COVID-19 វាយលុក
អគ្គលេខាធិការនៃអង្គការសហប្រជាជាតិ (UN) លោក អាន់តូនីញ៉ូ ហ្គួទែរែស (Antonio Guterres) បានអំពាវនាវឲ្យគ្រប់គ្នាបញ្ចេញសកម្មភាព ទប់ទល់ ទៅនឹងវីរុសកូរ៉ូណាថ្មី ឬ COVID-19 ជាបន្ទាន់ បន្ទាប់ពីអង្គការសុខភាពពិភពលោកហៅកាត់ថា WHO បានប្រកាសចាត់ទុកជំងឺនេះ «ជាជំងឺរាតត្បាតសកល»។ជាមួយគ្នានោះដែរ ប្រធានាធិបតីអាមេរិក លោក ដូណាល់ ត្រាំ បានប្រកាសកាលពីយប់មិញថា អាមេរិកនឹងបិទការធ្វើដំណើរទាំងអស់ដែលមកពីអឺរ៉ុប លើកលែងតែអង់គ្លេសមួយប៉ុណ្ណោះ ដើម្បីទប់ស្កាត់ការរីករាលដាលវីរុសកូរ៉ូណាថ្មី COVID-19។លោកត្រាំ បញ្ជាក់យ៉ាងដូច្នេះថា៖ «ដើម្បីទប់ស្កាត់ករណី (COVID-19) ថ្មី ចូលក្នុងដែនដីរបស់យើង យើងនឹងផ្អាករាល់ការធ្វើដំណើរទាំងអស់មកពីអឺរ៉ុប ចូលមកកាន់សហរដ្ឋ អាមេរិក...
ជំងឺលើសឈាមគឺជាបញ្ហាប្រឈមខ្លាំងដែលនាំឲ្យមនុស្សបាត់បង់ជីវិត ក្នុងករណីរីករាលឆ្លងនៃជំងឺ COVID-19
វេជ្ជបណ្ឌិតជាន់ខ្ពស់មួយរូប ជាអ្នកផ្ដល់ការគាំពារនៅប្រទេសចិន ដែលកំពុងព្យាបាលអ្នកជំងឺធ្ងន់ធ្ងរចាប់តាំងពីពាក់ កណ្តាលខែមករាមក បាននិយាយថា អ្នកជំងឺដែលមានជំងឺលើសឈាមហាក់ដូចជាមានការប្រឈម ខ្ពស់នៃការបាត់បង់ជីវិតដោយសារជំងឺ COVID-19 ។ ខណៈពេលដែលការស្រាវជ្រាវមិនទាន់ត្រូវបានចេញផ្សាយ ពន្យល់ពីមូលហេតុនៅឡើយ គ្រូពេទ្យចិនដែលធ្វើការនៅទីក្រុងអ៊ូហាន ទីក្រុងភាគកណ្ដាលរបស់ចិនជាទីដែលជំងឺនេះបានផ្ទុះឡើងដំបូង បានកត់សម្គាល់ឃើញថាអ្នកជំងឺដែលឆ្លងជំងឺនោះទំនង ជាងាយធ្លាក់ខ្លួនឈឺហើយបាត់បង់ជីវិត។ក្នុងចំណោមក្រុមអ្នកជំងឺចំនួន ១៧០ នាក់ ដែលបានបាត់បង់ជីវិតកាលពីខែមករាក្នុងទីក្រុងអ៊ូហានដែលជារលកដំបូងនៃការបាត់បង់ជីវិត ដែលបណ្តាលមកពីភ្នាក់ងារបង្កជំងឺដែលឥឡូវត្រូវបានឆ្លងរាលដាលជុំវិញពិភពលោក ជិតពាក់កណ្តាលមានជំងឺលើសឈាម។ប្រទេសចិនបានរាយការណ៍ថា ពុំមានករណីឆ្លងជំងឺ COVID-19ថ្មីទៀតទេ នៅខាងក្រៅខេត្តហ៊ូប៉ី ជាចំណុចកណ្ដាលនៃការផ្ទុះជំងឺនេះ សម្រាប់រយៈពេល៣ថ្ងៃជាប់ៗគ្នា ខណៈដែលទីក្រុងសំខាន់ៗ របស់ចិនដីគោក នៅតែប្រកាសអាសន្នសម្រាប់ឆ្លងជំងឺនេះនៅឡើយ។ប្រទេសកូរ៉េខាងត្បូងជាប្រទេសមួយក្នុងចំណោមប្រទេសជាច្រើនដែលរងការប៉ះពាល់ធ្ងន់ធ្ងរបំផុតដោយសារការផ្ទុះជំងឺ COVID-19 នៅខាងក្រៅប្រទេសចិន នៅថ្ងៃអង្គារនេះ បានរាយការណ៍ថាមានការឆ្លងជំងឺតិចជាង១៥០ ករណីជាលើកដំបូង ក្នុងរយៈពេល២សប្ដាហ៍។...
វត្តមានរបស់លោក ប្រធានាធិបតីចិន នៅទីក្រុង វូហាន ចង់បង្ហាញពីសញ្ញាអ្វី ?
មនុស្សច្រើនជាង ៤,០០០នាក់ហើយ បានបាត់បង់ជីវិតដោយសារជំងឺ COVID-19 នៅជុំវិញពិភពលោក ខណៈជំងឺនេះកំពុងរីករាលដាលកាន់តែខ្លាំង។ ភាគច្រើននៃករណីឆ្លង និងស្លាប់ ត្រូវបានគេរាយការណ៍នៅ ក្នុងប្រទេស ចិន ប៉ុន្តែចិនសព្វថ្ងៃ ហាក់ដូចកំពុងគ្រប់គ្រងស្ថានការណ៍បានហើយ ។ទីក្រុងវូហានដែលជាតាំង ផ្ទុះនៃវីរុស Covid-19 ថ្មីៗនេះ ប្រធានាធិបតីចិន លោកស៊ី ជីនភីង បានដំណើរទស្សនកិច្ចមិនប្រកាសជាមុន បន្ទាប់ពីប្រទេសចិនមានការធ្លាក់ចុះចំនួនអ្នកឆ្លងនិងស្លាប់ថេរជាប់ៗគ្នា និងមិនមានអ្នកឆ្លងកូវីដ-១៩នេះនៅក្រៅខេត្តផ្សេងទៀត ដែលជាសញ្ញាបង្ហាញថាចិនកំពុងទទួលជោគជ័យក្នុងការប្រយុទ្ធប្រឆាំងវីរុសឆ្លងនេះ និងការឆ្លងក្នុងចំណោមប្រជាជនក្នុងស្រុកចិននឹងលែងមានក្នុងពេលឆាប់ៗ។ មេដឹកនាំបក្សកុំម្មុយនីស្តចិនរូបនេះបានទៅដល់ក្រុងវូហានតាមយន្តហោះមួយដើម្បី«ត្រួតពិនិត្យការទប់ស្កាត់និងគ្រប់គ្រងជំងឺឆ្លង»នៅក្នុងតំបន់ នេះបើតាមការផ្សាយរបស់ទីភ្នាក់ងារសារព័ត៌មានស៊ីនហួរ។គួរបញ្ជាក់ដែរថា នេះជាទី១ហើយសម្រាប់អវត្តមានរបស់ប្រធានាធិបតីស៊ី ជិនភីង នៅទីក្រុងវូហាន បន្ទាប់ពីត្រូវបិទអស់រយៈពេលជាងជិតពីរខែមកនេះ។ លោកប្រធានាធិបតីចិន បានទៅទស្សនកិច្ចមន្ទីរពេទ្យ Huoshenshan...
តុលាការតួកគីកាត់ទោសអតីតអភិបាលខេត្ដឃឺដឲ្យជាប់គុក៩ឆ្នាំ
តុលាការប្រទេសតួកគីបានកាត់ទោសអតីតអភិបាលខេត្តរបស់ជនជាតិឃឺដ (Kurd) លោក Selcuk Mizrakli ដាក់ពន្ធនាគារ រយៈពេល៩ឆ្នាំ ក្រោមការចោទប្រកាន់ពីបទជាប់ពាក់ព័ន្ធក្រុមភេរវកម្មប្រដាប់អាវុធ។រដ្ឋាភិបាលតួកគី កាលពីអំឡុងឆ្នាំ២០១៩ បានលើកទ័ពឆ្លងកាត់ព្រំដែនស៊ីរី ចូលទៅវាយប្រហារលើតំបន់គ្រប់គ្រងរបស់ក្រុមឃឺត (Kurd) នៅភាគឦសាន នៃប្រទេសស៊ីរី ក្រោមយុទ្ធនាការ «សន្ដិភាពនិទាឃរដូវ»។ តួកគីបានចោទប្រកាន់គណបក្សពលករឃឺដ ជាក្រុមភេរវកម្មប្រដាប់អាវុធនាំឲ្យគ្រោះថ្នាក់ដល់តួកគី។ ក្រៅពីនេះអាជ្ញាធរតួកគីបានដកហូតតំណែងអភិបាលខេត្ត និងក្រុង ដែលគាំទ្រគណបក្យប្រជាធិបតេយ្យ ចំនួន៣១ កាលពីឆ្នាំកន្លងទៅ។ តួកគីបានចោទប្រកាន់អ្នកគាំទ្រគណបក្សប្រជាធិបតេយ្យប្រជាជនឃឺដមានទំនាក់ទំនងជាមួយនឹងគណបក្សពលករក្រៅច្បាប់ឃឺដ (PKK) ។ លោក Selcuk Mizrakli ជាអភិបាលក្រុង Diyarbakir បានជាប់ការសង័្សយជាមួយនឹងលោកអភិបាល នៃខេត្ត Mardin...
បំផ្ទុះគ្រាប់លើក្បួនរថយន្ដរបស់នាយករដ្ឋមន្រ្ដីស៊ូដង់
នាយករដ្ឋមន្រ្ដីស៊ូដង់បានរងការវាយប្រហារ ដោយការបំផ្ទុះគ្រាប់លើក្បួនរថយន្ដរបស់លោក កាលពីថ្ងៃទី៩ ខែមីនា នៅទីក្រុង Khartoum ប៉ុន្ដែមិនបានបង្កឲ្យមានគ្រោះថ្នាក់ដល់មនុស្សណាម្នាក់នោះឡើយ។មន្រ្ដីការិយាល័យរបស់លោកនាយករដ្ឋមន្រ្ដីស៊ូដង់ បានថ្លែងថា នាយករដ្ឋមន្រ្ដី Hamdok មានសុវត្ថិភាព។ ប៉ុន្ដែនៅក្នុងហេតុការណ៍បំផ្ទុះគ្រាប់នោះ មិនមានអ្នកណាម្នាក់រងរបួស ឬស្លាប់នោះឡើយ។លោក Abdalla Hamdok នាយករដ្ឋមន្រ្ដីស៊ូដង់ កាលពីថ្ងៃទី៩ ខែមីនា បានថ្លែងថា រូបលោកបានរងការបំផ្ទុះគ្រាប់ ប៉ុនប៉ងមកលើអាយុជីវិតរបស់លោក។ ប៉ុន្ដែសកម្មភាពនេះមិនអាចបញ្ឈប់ក្បួនរថយន្ដរបស់លោក នៅក្នុងខេត្ត Khartoum នោះឡើយ។ លោកនាយករដ្ឋមន្រ្ដី បានសរសេរនៅលើបណ្ដាញសង្គម Twitter ថា ក្រោយការបំផ្ទុះគ្រាប់នោះ លោកនៅមានសុវត្ថិភាព និងលោកមានសុខភាពល្អ...
Covid-19 បានសម្លាប់ទាហានកូរ៉េខាងជើង១៨០នាក់ ប៉ុន្តែមេដឹកនាំហាក់សប្បាយនឹងការបាញ់មីស៊ីលទៅវិញ !
គិតត្រឹមព្រឹកថ្ងៃអង្គារ ទី១០ ខែមីនា នេះ វីរុសCOVID-19 ឆ្លងទៅបណ្តាប្រទេសចំនួន១១៥ហើយ ដោយមានមនុស្សជាង១១ម៉ឺន៤ពាន់នាក់ ដែលក្នុងនោះមានជាង៤០០០នាក់ស្លាប់ និងសះស្បើយជាង៥៤០០០នាក់។ ចិនមានអ្នកជំងឺជាង៨ម៉ឺននាក់ ក្នុងនោះស្លាប់ជាង៣១០០នាក់ និងសះស្បើយជិត៦០០០០ម៉ឺននាក់ ក្នុងនោះប្រទេសកូរ៉េខាងជើងផងដែរ ។យោងតាមសារព័ត៌មាន Daily NK ឲ្យដឹងថា ជំងឺឆ្លង Covid-19 បានសម្លាប់ទាហានកូរ៉េខាងជើង ១៨០នាក់កាលពីខែមករា និងកុម្ភៈ និងជាង ៣ ៧០០នាក់ផ្សេងទៀតត្រូវបានដាក់ឃុំ។ ដោយឡែកប្រភពមួយផ្សេងទៀតពី Yonhap News Agency ឲ្យដឹងថាពលរដ្ឋកូរ៉េខាងជើងជិត ១ម៉ឺននាក់ត្រូវបានដាក់ឲ្យនៅដោយឡែកដោយភ័យខ្លាចឆ្លងជំងឺ ប៉ុន្តែ ៤ពាន់នាក់ត្រូវបានដោះលែងវិញ ដោយសារពួកគេមិនមានចេញរោគសញ្ញា។...
តំណាងរាស្ត្រអឺរ៉ុបមកពីអ៊ីតាលី២នាក់ កើតជំងឺរលាកផ្លូវដង្ហើម
តំណាងរាស្រ្ដរបស់សហភាពអឺរ៉ុបចំនួន២នាក់ មកពីប្រទេសអ៊ីតាលី ត្រូវគេរកឃើញមានផ្ទុកវីរុសរលាកផ្លូវដង្ហើម ឬវីរុសកូរ៉ូណា ហើយត្រូវគេដាក់ឲ្យនៅដោយឡែក ហើយអនុញ្ញាតឲ្យពួកគាត់ធ្វើការពីចម្ងាយ ឬតាមប្រព័ន្ធអនឡាញជាដើម។បណ្ដាញផ្សព្វផ្សាយ បានឲ្យដឹងថា រហូតមកដល់ពេលនេះ នៅក្នុងប្រទេសអ៊ីតាលី កំពុងតែឆ្លងរាលដាលវីរុសកូរ៉ូណា ឬកូវីដ-១៩យ៉ាងខ្លាំង បន្ទាប់ពីប្រទេសចិន។ រីឯអាជ្ញាធរ នៃប្រទេសអឺរ៉ុបមួយនេះ បានដាក់ប្រជាពលរដ្ឋចំនួន១៦លានដាក់ឲ្យនៅដាច់ដោយឡែក។ ទោះជាយ៉ាងណាក៏ដោយ សមាជិកសភាអឺរ៉ុបចំនួន២នាក់ មកពីប្រទេសអ៊ីតាលី ត្រូវគេធ្វើតេស្ដរកឃើញវីរុសរលាកផ្លូវដង្ហើម់ប្រភេទថ្មី ឬវីរុសកូរ៉ូណា (Covid-19) ។ តំណាងរាស្រ្ដទាំង២នាក់នោះ គឺលោក Alberto Cirio ត្រូវបានរកឃើញឆ្លង កាលពីថ្ងៃទី ៨ខែមីនា។ រីឯលោក Nicola Zingaretti បានរកឃើញឆ្លងវីរុសផ្លូវដង្ហើម...
ជំងឺរលាកផ្លូវដង្ហើមធ្វើឲ្យកូរ៉េខាងជើងកាត់ផ្តាច់មនុស្ស១សែននាក់
ដោយសារតែការភ័យខ្លាចនឹងជំងឹដ៏កាចសាហាវ ដែលផ្ទុះឡើងដំបូង នៅទីក្រុងវូហាន ខេត្តហ៊ូប៉ី ប្រទេសចិន ហើយរហូតមកដល់ពេលនេះបានឆ្លងរាលដាលពាសពេញពិភពលោក ទើបនៅថ្ងៃទី៩ ខែមីនា កូរ៉េខាងជើង បានកាត់ផ្តាច់ពលរដ្ឋប្រមាណជាង១សែននាក់ឲ្យនៅដាច់ដោយឡែក ដើម្បីតាមដានករណីឆ្លងវីរុស Covid-19 ខណ:៤ពាន់នាក់បានវិលត្រឡប់ទៅផ្ទះវិញហើយ ក្រោយរយ:ពេលជិត២០ថ្ងៃ ក៏នៅតែរកមិនឃើញជំងឺដ៏កាចសាហាវនេះ។បណ្ដាញផ្សព្វផ្សាយរបស់កូរ៉េខាងជើង បានផ្សាយថា រហូតមកដល់ពេលនេះ កូរ៉េខាងជើង នៅមិនទាន់រក ឃើញមានករណីឆ្លងវីរុស COVID-19 នៅឡើយ បើទោះជាប្រទេសនេះមានព្រំដែនជាប់នឹងប្រទេសចិនក្ដី។ ប្រទេសកូរ៉េខាងជើងបានពឹងផ្អែកសេដ្ឋកិច្ចរបស់ខ្លួនស្ទើរទាំងស្រុងទៅលើប្រទេសចិន តែអាជ្ញាធរ នៃប្រទេសកុម្មុយនីស្ដមួយនេះ បានទប់ស្កាត់យ៉ាងមានប្រសិទ្ធភាព មិនឲ្យមានការឆ្លងវីរុសកាចសាហាវនេះដល់ប្រទេសរបស់ខ្លួនឡើយ។បណ្ដាញផ្សព្វផ្សាយដទៃទៀត បានឲ្យដឹងថា មូលហេតុដែលកូរ៉េខាងជើងបិទព្រំដែនការពារនូវការឆ្លងជំងឺរលាកផ្លូវដង្ហើមនោះ ក៏ដោយសារតែកូរ៉េខាងជើង បានដឹងច្បាស់ថា វិស័យសុខាភិបាលរបស់ប្រទេសនេះនៅទន់ខ្សោយ មិនអាចព្យាបាលជំងឺនេះឲ្យជាសះស្បើយ។ដោយឡែកពលរដ្ឋជាង១ម៉ឺននាក់ដែលបានដាក់ឲ្យនៅដាច់ដោយឡែកនោះ...
តារាបង្ហាញម៉ូតជាកូនមហាសេដ្ឋីវៀតណាម២នាក់បងប្អូន ឆ្លងកូវីដ-១៩
តារាបង្ហាញម៉ូត និងជាកូនស្រីរបស់មហាសេដ្ឋីដែកថែបវៀតណា ២នាក់បងប្អូន ក្រោយពេលវិលត្រឡប់មកពីដើរម៉ូត នៅក្នុងទីក្រុង Milan ប្រទេសអ៊ីតាលី និងទីក្រុងប៉ារីស ប្រទេសបារាំង ក៏ត្រូវធ្វើរោគវិនិច្ឆ័យ រកឃើញវីរុសរលាកផ្លូវដង្ហើមប្រភេទថ្មី ឬវីរុសកូរ៉ូណា (Covid-19)។ នេះបើតាមសេចក្ដីរាយការណ៍ កាលពីថ្ងៃទី៨ ខែមីនា ហើយត្រូវបានចុះផ្សាយ ដោយសារព័ត៌មាន New York Times ។ យោងតាមសារព័ត៌មានចិន បានឲ្យដឹងថា តារា ង៉ា ង្វៀន (Nga Nguyen) អាយុ២៧ឆ្នាំ ជាកូនស្រីរបស់មហាសេដ្ឋីដែកថែបវៀតណាម។ កាលពីថ្ងៃទី១៩ ខែកុម្ភៈ ឆ្នាំ២០២០...
នាវាមុជទឹករត់ពន្ធអាភៀនប្រហែល១៤៤គ្រឿងកំពុងធ្វើចរាចរណ៍ខុសច្បាប់នៅក្នុងមហាសមុទ្រប៉ាស៊ីហ្វិក និងមហាសមុទ្រអាត្លង់ទិក
ចំនួននៃនាវាមុជទឹករត់ពន្ធអាភៀន មានការកើនឡើងខ្ពស់គួរឲ្យចាប់អារម្មណ៍ ក្នុងនោះឧប្បត្តិហេតុជាច្រើនដែលត្រូវបានគេជួបប្រទះក្នុងឆ្នាំ២០១៩ មានចំនួនច្រើនជាងឆ្នាំមុនៗ។ នាវាមុជទឹកទាំងនេះ បានផលិតនៅក្នុងព្រៃជ្រៅនៅអាមេរិកខាងត្បូង ហើយផ្ទុកដោយគ្រឿងញៀន រួចធ្វើដំណើរប្រកបដោយគ្រោះថ្នាក់ឆ្លងកាត់តំបន់ភាគខាងត្បូងនៃមហាសមុទ្រប៉ាស៊ីហ្វិក តំបន់ប្រជុំកោះការ៉ាអ៊ីប ហើយបច្ចុប្បន្នធ្វើដំណើរឆ្លងកាត់មហាសមុទ្រអាត្លង់ទិក។នាវាមុជទឹកទាំងអស់នេះ ពិបាកក្នុងការតាមដានខ្លាំងណាស់ ធ្វើឲ្យវាអាចរត់ពន្ធទំនិញខុសច្បាប់បានយ៉ាងច្រើន ពិសេសគឺអាចគេចវេសពីភ្នែកគយ និងក្រុមប្រម៉ាញ់គ្រឿងញៀន។ យោងតាមការអះអាងរបស់លោក H.I. Sutton ដែលជាអ្នកជំនាញលើដែនសមុទ្រ បានឲ្យដឹងថា នាវាមុជទឹករត់ពន្ធអាភៀន៣៦ គ្រឿង ត្រូវបានរកឃើញនៅក្នុងឆ្នាំ២០១៩ ពោលគឺច្រើនជាងទ្វេដងបើធៀបនឹងកាលពីឆ្នាំ២០១៧។ ការរកឃើញកាលពីខែធ្នូ ឆ្នាំ២០១៩ គឺជានាវាមុជទឹកដែលគេបោះបង់ចោលនៅជិតទីក្រុង Vigo ប្រទេសអេស្ប៉ាញ និងជានាវាមុជទឹក ដែលក្រុមមន្ត្រីរដ្ឋាភិបាលអេស្ប៉ាញ បានអះអាងថា ពួកគេបានតាមដានអស់រយៈពេលជាយូរមកហើយនៅក្នុងមហាសមុទ្រអាត្លង់ទិក។ នាវាមុជទឹកដែលចាប់បាននៅប្រទេសអេស្ប៉ាញនោះដែរ វាបានធ្វើដំណើរផ្សងគ្រោះថ្នាក់ឆ្លងកាត់មហាសាគរចម្ងាយជាង៧ពាន់គ.ម។នាវាមុជទឺករត់ពន្ធអាភៀន...